Read Garhwali लूका 23 Bible Online

लूका 23 - Garhwali bible

लूका 23

¹यीशु तैं बन्धवै दींनि अर न्याय कनु कु यहूदिया जिला का रोमी गवर्नर पिलातुस मा ली गैनी।

²अर इन बोलि, कै ऊं पर भंगार लगांणा रैनी “कि हम ल यु तैं लुखुं तैं बहकांण अर कैसर तैं कर दींणु कु मना करद अर अफ तैं मसीह राजा बुल्द सूंणि।”

³पिलातुस ल यीशु तैं पूछि, “क्य तु यहूदियों कु राजा छै?” यीशु ल पिलातुस तैं जवाब दींनि, “तु अफी बुल्णी छै मि उ ही छो।”

⁴तब पिलातुस ल प्रधान याजक अर लुखुं कु बोलि, “मि त यु मनिख मा कुई भंगार नि पांणु छौं।”

⁵पर उ अर भि पक्का ढंग ल बुल्ण लगि गैनी, “यु गलील जिला बट्टी अर इख तक सैरा यहूदिया प्रान्त का कूणा-कूणा मा अपड़ी उपदेश दे के कै लुखुं तैं भड़कांणु च।”

⁶यु सूंणि कै पिलातुस न पूछि, क्य यु मनिख गलीली च?

⁷अर यु जांणि के की यीशु राजा हेरोदेस का द्वारा शासन कि यु जांण वला प्रान्त बट्टी छो, इलै वेल यीशु तैं राजा हेरोदेस मा भेजि दींनि, किलैकि वे बगत मा उ भि यरूशलेम शहर मा छो।

⁸राजा हेरोदेस यीशु तैं देखि के भौत खुश हवे, किलैकि उ भौत दिनों बट्टी ऊं तैं दिखण चांणु छो वेल ऊंका बारा मा सूंणि छो यीशु बट्टी कुछ चमत्कार दिखण की आस मा छो।

⁹उ यीशु मा भौत सैरी बात पुछणु रै पर वेल कुई भि जवाब नि दींनि।

¹⁰प्रधान याजक अर मूसा की व्यवस्था तैं सिखांण वला यीशु पर भौत बातों कु भंगार लगांणा छा।

¹¹तब राजा हेरोदेस ल अपड़ा सिपैयूं का दगड़ी यीशु कु अपमान कैरी कै मजाक उड़ै, अर भड़किला कपड़ा पैरेनि, अर वे तैं पिलातुस मा लौटे दींनि।

¹²वे दिन बट्टी पिलातुस अर राजा हेरोदेस दगड़िया बंणि गैनी यां बट्टी पैली उ एक हैंका का दुश्मन छा।

¹³पिलातुस प्रधान याजक ल ऊं कु बोलि, “क्य तुम चदयां कि मि तुम कु यहूदियों का राजा तैं छोड़ी द्यों”

¹⁴तुम यु मनिख तैं लुखुं तैं बहकांण वलो ठैरे कै मि मा ली कै अयां अर देखा मिल तुमारा संमणी येको जांच अर न्याय कैरी पर जूं बातों कु तुम वे पर भंगार लगाण छा ऊं बातों का बारा मा मिल वेमा कुई भि भंगार नि पै।

¹⁵राजा हेरोदेस ल भि वे तैं भंगारी नि पै, किलैकि वेल वे तैं मि मा वापिस लौटे दींनि, अर तुम दींणा छा, की ये मनिख ल इन कुई भि गलत काम नि करयुं च, जैका कारण यु तैं मृत्यु दण्ड का योग्य ठहरायों जौं।

¹⁶इलै मि वे तैं कोड़ा ल पिटवै कै छोड़ी दींदु।

¹⁷पिलातुस त्यौहार का बगत वे कु एक बंधि तैं छोड़ण कु मजबूर छो

¹⁸तब सभि लोग मिली कै चिलांण लगि गैनी, यु कु काम तमाम कैर, “यीशु तैं छुड़णा का बदला, हमारा खातिर बरअब्बा तैं छोड़ी दे।

¹⁹जु झगड़ा कनवलों दगड़ा कैद मा छो जौंन रोमी सरकार का खिलाफ विरोध मा कुछ सिपैयूं की हत्या कैरी छै।

²⁰पर पिलातुस ल यीशु जै तैं छुड़णै की इच्छा से लुखुं तैं फिर समझै?”

²¹पर भीड़ फिर चिल्लै कै बोलि, “वे तैं सूली पर चढ़ै, सूली पर!”

²²वेल तिसरी दौं ऊंमा बोलि, “किलै येल क्य बुरै कैरी?” मिल मौत कि सजा का लैख कुई भि बात वेमा नि पै इलै मि वे तैं पिटवै कै छोड़ी दींदु।

²³पर भीड़ और जोर से चिल्लै कै पिछनै पोड़ि गैनी कि उ सूली पर चड़ैये जौं अर ऊंकु चिल्लांण भारी पोड़ि गै।

²⁴तब पिलातुस न हुकुम दींनि, कि ऊंकी बिनती का अनुसार करे जौं।

²⁵वेल उ मनिख जु झगड़ा अर हत्या का कारण जेल मा डाले गै छो अर जै तैं ऊं मंगणा छा, छोड़ी दींनि; अर यीशु तैं ऊंकी इच्छा का अनुसार सौंपी दींनि।

²⁶जब सिपै मसीह यीशु तैं लिजांणा छा त ऊंल शमौन नौं कु एक कुरेनि जु कै गौं बट्टी आंणु छो पकड़ी अर सूली वे पर लादी दींनि कि उ यीशु का पिछनै-पिछनै लिजांणु रौ।

²⁷लुखुं कि बड़ी भीड़ ऊंका पिछनै जांणि रै अर ऊंमा भौत सैरा जनन भि छा जु यीशु कु छाति भटकाणी अर दुःख कनि छै।

²⁸यीशु ल ऊंकी तरपां फरकि कै बोलि, “हे यरूशलेम शहर कि नौंनियों मि कु नि रोवा पर अपड़ा अर अपड़ो नौंना कु रोवा।”

²⁹किलैकि पिड़ा का दिन आंण छिनी, जौं मा लोग बुलला, धन्य च उ जनन, जौं ल कभि बच्चों तैं जन्म नि दींनि, अर जौं ल कभि बच्चों तैं दूध नि पिलै।

³⁰वे बगत ऊंल पोड़ो कु बुल्ण कि हम पर पोड़ा चुंटों कु कि हम तैं ढकै द्या।

³¹जु ईंन कुई मनिख का दगड़ी हो त जु धर्मी च त उ सुचद की उ लुखुं का दगड़ी की होलो जु ईं सजा तैं पांण का योग्य च।

³²यीशु अर द्वी मनिख्युं तैं जु कुकर्मी छा, वेका दगड़ी सूली पर मनों कु ली गैनी।

³³जब उ वीं जगह पौंछिनी, जैकु खोपड़ी बुल्दींनि, त ऊंल द्वी डाकूओं तैं यीशु का एक तैं दैंणि तरपां अर दुसरा तैं बैं तरपां सूली पर चढ़ै दींनि।

³⁴तब यीशु ल बोलि, “हे बुबा यूं तैं माफ कैर किलैकि यु नि जणदींनि कि यु क्य कना छिन” ऊंल वेका कपड़ोंं तैं बंटणु कु पर्ची बणै कि जै तैं जु भि मिललो वे तैं आपस मा बांटि द्याला।[117]

³⁵लोग खड़ा खड़ी दिखणा छा अर मुखिया भि मजाक कैरी के बुल्णा छा “येल औरों तैं बचै जु यु परमेश्वर मसीह च अर वेको चुण्यूं च त अफ तैं बचै द्यो।”[118]

³⁶सिपै भि नजीक ऐ के अर पींणु कु सिरका दे के ऊंकी मजाक करदा छा, [119]

³⁷जु तु यहूदियों कु राजा छै त अफ तैं बचौ

³⁸अर ऊंका मथि एक भंगार की एक तख्ती लिखीं के वेकी सूली का मथि ठोकी दींनि कि “यु यहूदियों कु राजा च”

³⁹जु कुकर्मी उख यीशु का दगड़ा सूली पर चढैयां छा ऊंमा बट्टी एक ल यीशु कि बुरै कैरी कै बोलि, “क्य तु मसीह नि छै? त फिर अफ तैं अर हम तैं बचावा।”

⁴⁰यां पर दुसरा ल वे तैं घुड़कि कै बोलि, “क्य तु परमेश्वर से भि नि डरदि?” तु भि त वीं सजा पांणी छै।

⁴¹अर हम त न्याय का अनुसार सजा पांणा छा, किलैकि हम तैं अपड़ा कामों कु ठिक प्रतिफल पांणा छा, पर येल त कुई भि बुरो काम नि कैरी।

⁴²तब वेल बोलि, “हे यीशु जब तुम अपड़ा राज्य मा राजा हवे के ऐलि त मेरी सुधि लै।”

⁴³यीशु ल वेकु बोलि, “मि त्वे मा सच बुल्णु छौं, कि तु आज ही मेरा दगड़ा स्वर्गलोक मा होलि।”

⁴⁴लगभग बारह बजि बट्टी दिन का तीन बजि का लगभग तक सैरा मुल्क मा अंधेरो छयूँ रै।

⁴⁵अर सूरज कु उज्यलो चलि गै अर यरूशलेम शहर का मन्दिर मा लटकयूँ मोटू परदा बीच मा द्वी भाग मा फटि गै।[120]

⁴⁶अर यीशु ल जोर से धै लगै के बोलि, “हे बुबा मि अपड़ी आत्मा तेरा हथ मा सौंपणु छौं अर इन बोलि, कै तब यीशु ल प्राण छोड़ी द्ये।”

⁴⁷सुबदार ल यु सब देखि के जु कुछ भि हवे छो, परमेश्वर बढ़ै कैरी अर बोलि, “सचमुच यु मनिख धर्मी छो।”

⁴⁸अर भीड़ जु यु सब दिखणु कु कठा हुईं छै ईं घटना तैं देखि के छाति भटकांदी लौटि गै।

⁴⁹पर ऊंका सब जांण पैछाण अर जु जनन ऊंका दगड़ा गलील जिला बट्टी वेका दगड़ी आयीं छै दूर खड़ी हवे कै जु कुछ भि हवे छो उ सब दिखणी छै।[121]

⁵⁰उख महासभा कु एक सदस्य छो जैकु नौं यूसुफ छो, उ भलो अर धर्मी मनिख छो।

⁵¹अर ऊंका विचार अर यहूदी अगुवों का योजना बट्टी ऊंका काम बट्टी खुश नि छो; उ यहूदियों का शहर अरिमतियाह कु रांण वलो अर परमेश्वर का राज्य कु इन्तेजार कन वला छा।

⁵²वेल पिलातुस मा जै कै यीशु कि लांश मांगि

⁵³तब यूसुफ ल यीशु कि लांश तैं सूली बट्टी उतारी अर एक चदरा लै के वेमा लपेटी के एक पोड़ पर खुदीं कब्र मा रखि दींनि अर कब्र का द्वार पर एक गोल ढुंगों लगै दींनि।

⁵⁴वे दिन शुक्रवार कु दिन छो अर यहूदियों का विश्राम का दिन जु परमेश्वर कु पवित्र दिन च शुरू हूंण वलो छो

⁵⁵मरियम जु मगदल गौं की छै अर याकूब अर योसेस कि ब्वे मरियम ऊंका दगड़ा गलील जिला बट्टी ऐ छा पिछनै-पिछनै जै कै वीं कब्र तैं देखि अर इन भि देखि कि ऊंकी लांश कख मा रखिं च।

⁵⁶अर अपड़ा घौर कु लौटि खुशबूदार चीज अर यीशु की देह पर लगांणु कु इत्र तैयार कैरी अर यहूदियों का विश्राम का दिन जु परमेश्वर कु पवित्र दिन च ऊंल हुकुम का अनुसार आराम कैरी।[122]