Read Garhwali लूका 3 Bible Online

लूका 3 - Garhwali bible

लूका 3

¹रोमी सम्राट तिबिरियुस कैसर का राज्य का पंद्रवां बरस मा जब पुन्तियुस पिलातुस यहूदिया प्रान्त को राज्यपाल छो, अर गलील जिला मा राजा हेरोदेस इतुरैया, अर त्रखोनीतिस मा वेको भैय फिलिप्पुस राजा हेरोदेस इतुरैया अर त्रखोनीतिस का क्षेत्रों पर शासन कनु छो अर लिसानियास अबिलेने का क्षेत्र मा राज्य कनु छो जब हेरोदेस गलील जिला पर राज्य कनु छो।

²अर जब हन्ना अर कैफा महायाजक छा वे बगत मा परमेश्वर कु वचन एकांत जंगल मा जकर्याह का नौंना यूहन्ना मा पौंछि।

³अर उ यरदन गाड का अमणी-संमणी का सभि देशों मा ऐ के पापों तैं माफ कनु को बपतिस्मा कु प्रचार करदो छो।

⁴जन यशायाह परमेश्वर का तरपां बट्टी बुल्ण वला का बुल्यां वचनों कि किताब मा लिख्युं च कि एकांत जंगल मा एक पुकारण वला कु शब्द हूंणु च कि प्रभु का बट्टा तैं तैयार कैरा वेकी सड़कों तैं सीधि बंणा।

⁵हरेक घाटि भुरे जालि अर हरेक डांडा अर टीला नीचा करे जाला अर जु टेढ़ो बंगु च उ सीधो करे जालो अर जु उंचु निसु च उ सीधो बाटु बंणि जालो।

⁶उ जै तैं परमेश्वर ल अर सब लुखुं ल देखि, जै तैं परमेश्वर ल ऊं तैं उद्धार कु भिज्युं च।[25]

⁷जब भीड़ का भीड़ वेमा बपतिस्मा लींणु कु निकली के औंदि छै उ ऊंमा बुल्द छो कि “हे गुरो का बच्चों” तुम तैं कैल जतै कि औंण वला गुस्सा से भागा।

⁸इलै मन फिराव का योग्य काम कैरा। अर अपड़ा-अपड़ा मन म यु नि सोचा कि हमारो बुबा अब्राहम च, इलै मि तुम बट्टी बुल्णु छौं कि परमेश्वर यूं ढुंगो बट्टी अब्राहम कु सन्तान पैदा कैरी सकद।

⁹परमेश्वर हर कैकु न्याय कनु कु तैयार च जु पश्चाताप नि करद ठिक उन ही अब कुल्हड़ो डाला का जौड़ा पर रख्युं च इलै जु-जु डालो अच्छो फल नि लौंदु उ कटे जालो इलै हर एक आदिम जु वे डाला का जन च जु अच्छो फल नि लौंदु उ परमेश्वर का द्वारा भंगारी ठैरे जालो अर आग मा फिकें जालो।

¹⁰अर लुखुं ल वेमा पूछि, “त हम ल परमेश्वर की सजा से बचणु कु की कन”

¹¹वेल ऊं तैं जवाब दींनि कि “जै मा द्वी कुर्ता छिन? उ एक तैं दे जै मा एक भि नि च, उ बांटि द्यो अर जै मा खांणु नि च उ भि इन ही कैर।”

¹²अर चुंगी लींण वला भि बपतिस्मा लींणु कु ऐनी अर वे बट्टी पूछि कि “हे गुरु हम क्य करां”

¹³यूहन्ना ल ऊंमा बोलि, “जु तुम कु अधिकारियों बट्टी ठैरैयुं च वां बट्टी जादा चुंगी नि लियां।”

¹⁴अर सिपाहियों ल भि वे बट्टी पूछि कि “हम ल क्य कन” वेल ऊंमा बोलि, “कै पर अन्यो नि करयां अर न झूठो भंगार लगयां अर अपड़ी कमै पर संतुष्ट रयां।”

¹⁵जब लोग मसीह का आंणै की आस लगयां छा अर सब अपड़ा-अपड़ा मन मा यूहन्ना का बारा मा विचार कना छा कि “कखि यु ही मसीह त नि च।”

¹⁶तब यूहन्ना ल ऊं सभियूं मा बोलि, “कि मेरा बाद उ औंण वलो च जु मि से भि जादा महान अर शक्तिशाली च मि त ये लैख भि नि छौं कि वेको दास बंणि के झुकि के वेका जुतों का तंणखा खोलु, मिल त तुम तैं पांणी ल बपतिस्मा दींनि पर उ तुम तैं पवित्र आत्मा ल अर आग से बपतिस्मा दयालो।”

¹⁷वेको सुप्पो वेका हथ मा च अर उ अपड़ा खलिहान तैं अच्छा ढंग से साफ करलो अर ग्यूं का बीज तैं अपड़ा भंडार मा कट्ठा करलो पर भूसा तैं वीं आग मा फूंकी दयाला जु कभी नि बुझदि।

¹⁸अर उ भौत सी शिक्षा दे के लुखुं तैं शुभ सन्देश प्रचार सुणौंदी रै।

¹⁹पर जब यूहन्ना ल गलील जिला का इलाका कु राजा हेरोदेस तैं वेका भैय फिलिप्पुस की जनन हेरोदियास का बारा मा अर सब कुकर्मों का बारा मा जु वेल कैरी छा उ सब वे तैं जतलैनि।

²⁰इलै हेरोदेस ल ऊं सभियूं से बढ़ि के यु कुकर्म भि कैरी कि यूहन्ना तैं बन्दीगृह मा डाली दींनि।

²¹जब यीशु पांणी बट्टी बपतिस्मा लै के परमेश्वर बट्टी प्रार्थना कनु छो त तुरंत वेल स्वर्ग तैं खुल्यूं देखि

²²अर पवित्र आत्मा तैं कबूतर का रूप मा अपड़ा मथि औंण देखि। अर या आकाशवाणी हवे, “अर परमेश्वर ल स्वर्ग बट्टी बोलि, कि तु मेरू प्रिय नौंनो छै मि त्वे बट्टी भौत खुश छौं।”

²³जब यीशु अफ उपदेश दींण लगि गै जु कि लगभग तीस बरस को छो अर जन समझे जांदु छो कि उ यूसुफ कु नौंनो च अर उ एली को।

²⁴अर उ मत्तात को अर उ लेवी को अर उ मलकी को अर उ यन्ना को अर उ यूसुफ को।

²⁵अर उ मत्तित्याह को अर उ आमोस कु अर उ नहूम को अर उ असल्याह को अर उ नग्गई को।

²⁶ऊं मात को अर उ मत्तित्याह को अर उ शिमी को अर उ योसेख को अर योदाह को।

²⁷उ यूहन्ना को अर उ रेसा को अर उ जरुबाबेल को अर उ शालतियेल को अर उ नेरी को।[26]

²⁸अर उ मलकी को अर उ अद्दी को अर उ कोसाम को अर इलमोदाम को अर उ अर को।

²⁹अर उ येशू को अर उ एलीएजेर को अर उ योरीम को अर उ मत्तात को अर उ लेवी को।

³⁰उ शमौन को अर उ यहूदा को अर उ यूसुफ को अर उ योनान को अर उ एलयाकीम को।

³¹उ मलेआह को अर उ मिन्नाह को अर उ मत्तता को अर उ नातान को अर उ राजा दाऊद को।[27]

³²अर उ यिशै को अर उ ओबेद का, अर उ बोआज का, अर उ सलमोन का अर उ नहशोन का। [28]

³³उ अम्मीनादाब को अर उ अरनी को अर उ हिस्रोन को अर उ फरिसि को ऐ उ यहूदा को।[29]

³⁴उ याकूब को अर उ इसहाक को अर उ अब्राहम को अर उ तेरह को अर उ नाहोर को।[30]

³⁵अर उ सरूग को अर उ रऊ को अर उ पैलेग को अर उ एबेर को अर उ शिलह को।

³⁶उ केनान को अर उ अरफक्षद को अर उ शेम को अर उ नूह को अर उ लेमेक‍ को।[31]

³⁷उ मतूशेलह को अर उ हनोक को अर उ यिरिद को अर उ महललेल को अर उ केनान को।

³⁸अर उ एनोश को अर उ शेत को अर उ आदम को अर उ परमेश्वर को नौंनो च।[32]