Read Garhwali यूहन्ना 10 Bible Online

यूहन्ना 10 - Garhwali bible

यूहन्ना 10

¹मि तुम मा सच-सच बुल्ण छौं, कि जु कुई ढिबरों की गोठ का द्वार बट्टी प्रवेश नि करदो पर कखि दुसरा तरपां बट्टी प्रवेश करद, त उ चोर अर डाकु च।

²पर जु ढिबरो कु चरवाहा हूंद उ द्वार बट्टी आंदो।

³वेकु द्वारपाल द्वार खोलि दींद अर ढिबरा वेका शब्द तैं पैछणदींनि, अर उ अपड़ी ढिबरों तैं नौं ले लेकर बुल्द अर भैर लिजांद।

⁴अर जब उ अपड़ी सभि ढिबरों तैं भैर निकाली दींद त ऊंका अगनैं-अगनैं चलद अर ढिबरा वेका पिछनै-पिछनै हवे जंदींनि किलैकि उ वेको शब्द पैछणदींनि।

⁵पर उ दुसरों का पिछनै नि जालि पर वे बट्टी भगलि किलैकि उ दुसरों कु शब्द नि पैछणदींनि।

⁶यीशु ल ऊंमा यु मिसाल बोलि, पर उ नि समझिनि कि यांको क्य मतलब च।

⁷तब यीशु ल ऊंमा फिर बोलि, मि तुम मा सच-सच बुल्ण छों, कि ढिबरों कु द्वार मि छौं।

⁸जैल मि से पैली ऐ उ सब चोर अर डाकु छिन पर ढिबरों ल वेकी नि सूंणि।

⁹मि द्वार छौं, मेरा द्वारा भितर आंण वलो कु परमेश्वर उद्धार करलो अर भितर भैर आंण जांण करलो अर खांण कु खांणु पालो।[46]

¹⁰चोर भस ढिबरों तैं चुरणु अर मरणु कु अर नष्ट कनु कु ही आंदो मि इलै अयुं कि उ जीवन पां अर बहुतायत को जीवन तैं पै।

¹¹अच्छो चरवाहा मि छौं, अच्छो चरवाहा ढिबरों कु अपड़ो प्राण दींद।[47]

¹²ढिबरों पर रख्युं नौकर भेड़िये तैं आंद दिखद त उ भागि जांदु उ ढिबरों तैं छोड़ी दींद किलैकि उ वेका चरवाहा नि छिन ढिबरा वेकी नि छिन इलै भेड़िया झुण्ड पर हमला करदो अर झुण्ड तैं तितर बितर कैरी दींद।

¹³उ इलै भागि जांद किलैकि उ मजदूर च अर वे तैं ढिबरों कि चिन्ता नि च।

¹⁴अच्छो चरवाहा मि छों जन बुबा मि तैं जंणदु च अर मि पिता परमेश्वर तैं जंणदु छौं मि अपड़ा ढिबरों तैं जंणदु छौं अर मेरी अपड़ा ढिबरा मि तैं जंणदी छिन।

¹⁵अच्छो चरवाहा मि छों पिता परमेश्वर मि तैं जंणदु च अर उन ही मि बुबा तैं जंणदु छौं अर मि ढिबरों कु अर मि ऊं कु मुरण कु तैयार छों।

¹⁶मेरा और भि ढिबरा छिन जु यु ढिबरा गोठ मा नि छिन। मि ऊं तैं भि लौण जरूरी च उ मेरू शब्द पैछणदींनि तब एक ही झुण्ड अर एक कि चरवाहा होलो।

¹⁷मि अपड़ी इच्छा बट्टी अपड़ा प्राण दींदो छों अर इलै पिता परमेश्वर मि तैं प्रेम करद, पिता परमेश्वर की मि अपड़ा प्राण दींदु छों की वे तैं फिर ले लूँ।

¹⁸कुई मेरा जीवन मि बट्टी छिणदु नि च पर मि अपड़ी मर्ज़ी से ही दींदु छों मि तैं वेको दींणु कु अधिकार च अर वे तैं फिर लींणु कु भि अधिकार च किलैकि या व ही आज्ञा च जु मेरा पिता परमेश्वर बट्टी मिली च।

¹⁹यूं बातों का वजा से यहूदियों मा फिर फूट पोड़ि गै।

²⁰ऊंमा बट्टी भौत सी लोग बुल्ण बैठी गैनी वे पर दुष्टात्मा च अर उ पागल च वेकी किलै सुणदां

²¹पर दुसरा लुखुं ल बोलि, यु बात इन मनिख कि नि च जै पर दुष्टात्मा हो एक दुष्टात्मा कभि भि एक अंधा आदिम तैं नजर नि दे सकद?

²²यरूशलेम शहर मा यहूदी मन्दिर का स्थापना कु त्यौहार छो अर ठंड़ियों कु मौसम छो।

²³अर यीशु यरूशलेम शहर का मन्दिर का चौक का भितर घुमणु छो जै तैं राजा सुलैमान कु ओसारा बुल्दा छा।

²⁴तब यहूदियों का अगुवों ल वे तैं ऐ के घेरि अर पूछि, तिल हम तैं लम्बा बगत तक दुविधा मा रखि अब हम तैं स्पष्ट रूप से बतै दे क्य तु मसीह छै।

²⁵यीशु ल ऊं तैं जवाब दींनि मिल तुम बट्टी बोलि छों अर तुम विश्वास नि करदां जु काम मि अपड़ा बुबा का अधिकार बट्टी करदु छों व ही मेरी उ ही मेरा गव्है च

²⁶पर तुम इलै विश्वास नि करदां किलैकि तुम मेरा ढिबरों मा बट्टी नि छा।

²⁷जन के कि मेरा ढिबरा अपड़ा असली चरवाहा की आवाज पैछणदींनि उन ही मेरा लोग मेरी बातों पर ध्यान दींदां छिन मि ऊं तैं जंणदु छौं अर उ मेरा चेला बण मेरा पिछनैं चलणां छिन

²⁸अर मि ऊं तैं अनन्त जीवन दींदो, उ कभि नष्ट नि होलि, अर कुई ऊं तैं मेरा हथ बट्टी नि लुछी सकदो।

²⁹मेरू पिता परमेश्वर जैल ऊं मि तैं दे उ ही सबसे बड़ो च अर कुई ऊं तैं पिता परमेश्वर का हथ बट्टी छीनि नि सकदु।

³⁰मि अर पिता परमेश्वर एक ही छा।

³¹यहूदियों का अगुवों ल एक बार फिर वे पर ढुंग्यो कन कु फिर ढुंगा उठैनि।

³²ईं बात पर यीशु ल बोलि, मिल तुम तैं पिता परमेश्वर कि तरपां बट्टी भौत सी भला काम दिखेनि ऊंमा बट्टी कै कामों कु तुम मि पर ढुंग्यो करदां?

³³यहूदियों ल यीशु तैं जवाब दे, भला कामों कु हम त्वे पर ढुंग्यो नि करदां पर परमेश्वर कि बुरै कने का वजा से अर इलै की तु मनिख हवे के अपड़ा आप तैं परमेश्वर कु दावा करदु।[48]

³⁴यीशु ल ऊं तैं जवाब दींनि, क्य परमेश्वर की व्यवस्था मा इन नि लिख्युं च कि परमेश्वर ल अपड़ा लुखुं का अगुवों तैं बोलि, कि तुम ईश्वर छा?[49]

³⁵अर तुम जंणदा छा, कि परमेश्वर का वचन तैं बदलाव नि किये जै सकद, इलै जु वेका लुखुं का अगुवों तैं “ईश्वर” बुलै गै जै मा परमेश्वर कु वचन फूंजी (अर परमेश्वर की बात लोप नि हवे सकदो।)

³⁶त जब मि बुल्द, “मि परमेश्वर कु नौंनो छों त तुम मि तैं किलै बुल्दा छा, तु बुरै कनी छै।” मि उ छों पिता परमेश्वर बट्टी अलग करयुं अर वेल मि तैं जगत मा भेजि

³⁷जु मि अपड़ा पिता परमेश्वर का कामों तैं नि करदु त, तुम मेरू विश्वास नि कैरा।

³⁸पर जु मि बुल्द छों, त चाहे मेरू विश्वास नि भि कैरा, पर ऊं कामों पर विश्वास कैरा, तब तुम तैं पता चलालो की पिता परमेश्वर मि मा रौंदु, अर मि पिता परमेश्वर मा रौंदु।

³⁹तब ऊंल फिर वे तैं पकड़णे की कोशिश कैरी पर उ वेका हथों बट्टी बचि के निकली गै।

⁴⁰फिर यीशु यरदन गाड का पूर्व का अर वीं जगह पर चलि गै जख यूहन्ना पैली बपतिस्मा दींदु छो अर उखि रैनी।

⁴¹भौत सा लोग यीशु मा ऐ के बुल्दा छा, यूहन्ना ल त कुई चमत्कार नि दिखै पर जु कुछ यूहन्ना ल वेका बारा मा बोलि छो उ सब सच छो।

⁴²अर उख भौत लुखुं ल यीशु पर विश्वास कैरी।