Read Garhwali यूहन्ना 12 Bible Online

यूहन्ना 12 - Garhwali bible

यूहन्ना 12

¹फिर यीशु फसह का त्यौहार बट्टी छै दिन पैली बैतनिय्याह मा ऐ जख वेल लाजर तैं मुर्दों मा बट्टी ज्यूँदो कैरी छो।

²उख ऊंल वेको खांणु तैयार कैरी अर मार्था सेवा कनि छै, अर लाजर ऊंमा बट्टी एक छो जु यीशु दगड़ी खांणा खांणु कु बैठयूं छो।

³तब मार्था की बैंण मरियम जटामांसी कु अधा लीटर का लगभग बहुमूल्य इत्र लेकै यीशु का खुट्टा मा डाली, अर अपड़ा लटुलों ल ऊंका खुट्टा पोंछैंनि, अर इत्र कि खुशबु ल घौर मैहकंण लगि गै।

⁴पर ऊंका चेलों मा बट्टी यहूदा इस्करियोती जु वे तैं पकड़वौंण चांदु छो उ बुल्ण लगि गै।

⁵यु इत्र त तीन सौ दिन की मजदूरी मा बेचि के वांका पैसा गरीब गरबों तैं किलै नि दिये गै?

⁶वेल या बात इलै नि बोलि छै कि वे तैं गरीबों कि चिंता छै पर इलै की उ चोर छो अर वेमा ऊं सभियूं कि रुप्यों कि थैलि रांदि छै वीं थैलि मा जु कुछ भि डलेंदु छो उ निकाली दींदु छो।

⁷यीशु ल बोलि, “वे तैं रैंण द्या। वे तैं मेरा दफनौंण का दिनौ कु रैंण द्या।

⁸किलैकि गरीब त तुमारा दगड़ा मा सदनी रौदींनि पर मि तुम दगड़ी सदनी नि रांण।”[53]

⁹जब यहूदी लुखुं कि बड़ी भीड़ जांणि गै कि यीशु उख छिनी त उ उख यीशु का बानु नि गैनी पर उ लाजर तैं दिखण चांणा छा जै तैं ऊंल ज्यूँदो कैरी छो।

¹⁰तब प्रधान याजक लाजर तैं खत्म कनु प्रपंच रचि।

¹¹किलैकि लाजर का कारण भौत सा यहूदी लोग ऊं तैं अस्वीकार कन लगी गैनी, अर ऊंल यीशु पर विश्वास कैरी।

¹²दुसरा दिन उख फसह कु त्यौहार मा अयां भौत सा लुखुं ल सूंणि कि यीशु यरूशलेम शहर आंणु च।

¹³इलै ऊंल खजूर कि फौंकि हथ मा रखिनि अर ऊंका दगड़ा भेंट कनु कु चलि गैनी अर बुल्ण लगि गैनी “होशाना” धन्य च उ जु इस्राएल का लुखुं का घराना जु परमेश्वर की सामर्थ से औंदु[54]

¹⁴जब यीशु तैं गधा कु एक बच्चा मिली तब उ वे पर बैठी के यरूशलेम शहर मा ऐ जन लिख्युं च उन ही हवे

¹⁵“हे सिय्योन की नौंनि नि डैर देख तेरु राजा गधा का बच्चा पर बैठी के औंणु च।”

¹⁶यीशु का चेला यु बातों तैं पैली नि समझी छा पर जब यीशु की बड़ै प्रगट हवे त ऊं तैं याद ऐ की जु कुछ भि यीशु का दगड़ी हवे उ ठिक उन ही छो जन कि परमेश्वर का वचन मा बुलै गै छो।

¹⁷तब भीड़ का लुखुं ल जु वे बगत यीशु का दगड़ी छा उ दूसरो तैं बतांण लगि गैनी की वेल लाजर तैं कब्र मा बट्टी बुलै वे तैं ज्यूँदो कैरी।

¹⁸इलै भौत सा लोग यीशु बट्टी मिलणु कु ऐनी किलैकि ऊंल यु चमत्कार का बारा मा सूंणि छो।

¹⁹तब फरीसियों ल आपस मा बोलि, “सोचा, हम कुछ नि कैर सकदा छा देखा पूरो दुनिया वेका पिछनै हवे गै।”

²⁰उख कुछ अन्यजाति यूनानी छा जु फसह का त्यौहार का दौरान आराधना कनु कु यरूशलेम मा ऐ छा

²¹ऊं गलील जिला का बैतसैदा नगर का रांण वला फिलिप्पुस का संमणी ऐ के बिनती कैरी, “कि श्रीमान जि हम यीशु का दगड़ा भेंट कन चांणा छा।”

²²फिलिप्पुस ल अन्द्रियास मा बोलि तब अन्द्रियास अर फिलिप्पुस ल यीशु मा बोलि।

²³ईं बात पर यीशु ल ऊंमा बोलि, मि मनिख कु नौंनो कि बड़ै कु बगत ऐ गै।

²⁴मि तुम मा सच-सच बुल्णु छौं जब तक ग्यूं का बीज जमींन का तौला मोरि नि जौं तब तक उ इखुली रौंदु पर जब मोरि जांदु त भौत फल लांदु।

²⁵किलैकि जु कुई अपड़ो जीवन बचौण चौ उ वे तैं गवांलू पर जु कुई मेरा बाना अर शुभ सन्देश का बाना अपड़ा आत्मा तैं गवांलू उ अनन्त जीवन तैं पालो।

²⁶जु कुई मेरी सेवा कैर, त उ मेरा चेला बण मेरा पिछनैं चलो, तब जख मि छों उख मेरा सेवक भि होलो जु कुई मेरी सेवा करद, त बुबा वेको आदर करलो।

²⁷अब मि भौत व्याकुल छों इलै अब मि क्य बोलु? हे बुबा, मि तैं पिड़ा का बगत बचै इलै मि दुनिया मा इलै अयुं कि कष्ट उठौ।

²⁸हे मेरा बुबा अपड़ा नौं कि बड़ै कैर “तब स्वर्ग बट्टी इन आकाशवाणी हवे मिल वेकी बड़ै कैरी अर फिर भि करुलु”

²⁹तब जु मनिख खड़ो हवे के सुनणा छा ऊंल बोलि, बादल धमकी दुसरों ल बोलि, कि स्वर्गदूतों न ऊं दगड़ी बात कैरी।

³⁰यां पर यीशु ल बोलि, “यु शब्द यु आवाज तुमारा लाभ कु छो मेरी न।

³¹दुनिया मा लुखुं कु जांच के न्याय कनु कु परमेश्वर कु बगत अब यु दुनिया कु सरदार शैतान निकाले जालो।

³²अर जु मि ईं धरती बट्टी ऊंची जगह पर चड़ाये जौलु त सभियूं तैं अपड़ी तरपां खिंचलो।”

³³इन बोलि के ऊंल यु जतलै छो कि वेल कन के मुरण छो।

³⁴यां पर लुखुं ल वेमा बोलि, हम ल यु परमेश्वर की व्यवस्था मा नि सूंणि कि मसीह सदनी ज्यूँदो रालो फिर तु किलै बुल्णी छै, की मि मनिख कु नौंनो तैं मथि चढ़ै जांण जरूरी च यु मनिख नौंनो कु च?[55]

³⁵यीशु ल ऊंमा बोलि उज्यलो अब जरा देर तक तुमारा बीच मा च जब तक उज्यलो तुम दगड़ी च तब तक हिटिल्या इन नि हो कि अंधेरो तुम तैं घेरि द्यो जु अंधेरा मा हिटदु उन ही जंणदु कि कना जांणु

³⁶जब तक उज्यलो तुम दगड़ी च उज्यला पर विश्वास कैरा इलै की तुम उज्यला कि सन्तान बंणिल्या यूं बातों तैं बोलि के यीशु उख बट्टी चलि गै अर खुद तैं छिपयूं रखि।

³⁷अर वेल वेका संमणी इथग चमत्कार दिखैनी, तब भि ऊंल वे पर विश्वास नि कैरी।

³⁸इलै की यशायाह परमेश्वर का तरपां बट्टी बुल्ण वला कु वचन पूरा हो जु वेल बोलि छा। “हे प्रभु, कैल हमारा संदेश पर विश्वास नि कैरी? अर कुई नि समझदु च की यु तेरी पराक्रमी सामर्थ छै?[56] अर परमेश्वर की भुजबल कै पर प्रगट हवे

³⁹यु कारण से ऊंल विश्वास नि कैरी सैकी किलैकि यशायाह ल इन भि बोलि,

⁴⁰वेल ऊंका आंखा अंधा करिनि इलै कि उ देख नि साका वेका मन कठोर कयूँ च कखि इन नि हो कि उ आँखों ल दिखुनु अर मन से समझुनु अर फिरुनु अर मि ऊं तैं चंगा कैरु।”

⁴¹यशायाह ल यु बात इलै बोलि, कि वेल यीशु की बगत से पैली वेकी महिमा देखि अर वेल वेका बारा मा बात कैरी।

⁴²तब भि अधिकारियों मा बट्टी भि भौत ल वे पर विश्वास कैरी पर फरीसियों का कारण प्रगट मा नि मणदा छा यु डैर बट्टी की ऊं तैं यहूदियों का मिलणा का भवन मा बट्टी भैर निकलै जालो।

⁴³मनिख्युं कि प्रशंसा वेकी परमेश्वर की प्रशंसा बट्टी जादा प्रिय लगदि छै।

⁴⁴यीशु ल भीड़ तैं पुकारी के बोलि, जु मि पर विश्वास करदु च उ मि पर न, मेरा भिजणवला परमेश्वर पर विश्वास करदु।

⁴⁵अर जु कुई मि दिखद उ मेरा भिजण वला तैं दिखद।

⁴⁶मि यु जगत मा उज्यलो बंणि के अयुं छौं इलै की जु कुई भि मि पर विश्वास करुलु उ अंधेरा मा नि रौ।

⁴⁷जु कुई मेरी बात सूंणि के वेकी मंणदु नि च त मि वे तैं भंगारी नि ठैरालो, किलैकि मि दुनिया का लुखुं तैं भंगारी ठैरांण कु नि, पर दुनिया का लुखुं तैं बचौणु कु अयुं छौं।

⁴⁸जु मि तैं तुच्छ जंणदु च अर मेरी बात स्वीकार नि करदु च इन कुछ नि च जु मि तैं अस्वीकार कन वलो कु न्याय करलो मतलब जु वचन मिल बोलि छो, वे अंतिम दिनों मा वे तैं भंगारी ठैरालो।

⁴⁹किलैकि मिल खुद अपड़ा अधिकार बट्टी पर बुबा जैल मि तैं भेजि वेल मि तैं या आज्ञा दींनि कि मिल क्य-क्य बुल्ण अर बतांण?

⁵⁰अर मि जंणदु छौं कि वेकी आज्ञा अनन्त जीवन की च। इलै, मि तुम तैं ऊई बतौंदु छों जु पिता परमेश्वर उ मि मा बुल्द च।