Read Garhwali यूहन्ना 16 Bible Online

यूहन्ना 16 - Garhwali bible

यूहन्ना 16

¹“यु बात मिल तुम मा इलै बोलि कि तुम विश्वास नि ख्वे द्या।

²उ तुम तैं यहूदियों का मिलणा का भवन मा बट्टी भैर निकाली दयाला बल्कि उ बगत औंदु च कि जु कुई तुम तैं मारि डलला य समझला की मि परमेश्वर की सेवा करदु छों।

³इन ऊंल इलै कन किलैकि न पिता परमेश्वर तैं जांणि अर न मि तैं जंणदा छा।

⁴पर यु बात मिल तुम मा इलै बोलि कि जब ऊंको पूरो हूंणो कु बगत ऐ त तुम तैं याद ऐ जौ कि मिल तुम बट्टी पैली ही बोल्याली छो मिल यु सब तुम तैं शुरू मा इलै नि बोलि कि वे बगत मा तुम दगड़ी छो।”

⁵पर अब मि अपड़ा भिजणवला मा जांणु छौं अर तुम मा बट्टी कुई मि मा इन नि पुछणु च कि मि कख जांणु छो?

⁶पर मिल जु यु बात तुम मा बोलि इलै तुमारो मन भौत उदास हवे गै।

⁷फिर भि मि तुम बट्टी सच बुल्णु छौं कि मेरू जांण तुम कु अच्छो च किलैकि जु मि नि जौं त उ मददगार तुम मा नि आलो, पर जु मि जौलु, त वे तैं तुम मा भिजलु।

⁸अर वेल ऐ के दुनिया का लुखुं तैं पाप अर धार्मिकता अर न्याय का बारा मा यकीन दिलै।

⁹उ पाप का बारा मा यकीन दिलालो की उ मि पर विश्वास कन से इन्कार करदींनि

¹⁰यु साबित करद की यीशु धर्मी च अर वेका बारा मा इलै कि मि पिता परमेश्वर मा जांणु छौं अर तुम मि तैं फिर नि दिखल्या

¹¹अर न्याय का बारा मा भि यकीन दिलालो की यु दुनिया कु सरदार शैतान भंगारी ठैरे जालो।[61]

¹²मिल तुम मा और भि भौत सैरी बात बतांण चांणु छों पर अभि तुम ऊं तैं सै नि सकदा।

¹³पर जब उ यानि पवित्र आत्मा आलो, परमेश्वर का बारा मा जु भि सच्चो च समझण का कारण बंणलो किलैकि ऊं अपड़ा अधिकार बट्टी नि बुल्दो, पर उ परमेश्वर की तरपां बट्टी सुणांलो, वे तैं ही बुलालो, अर आंण वली बात तुम तैं बतालो।

¹⁴उ मेरी महिमा करला, किलैकि वे तैं मेरी तरपां बट्टी मिल्द च उ तुम तैं बतालो।

¹⁵जु कुछ पिता परमेश्वर को च उ सब मेरू च इलै मिल बोलि, कि उ मेरी बातें मा बट्टी लै के तुम तैं बतालो।

¹⁶“मि जरा देर तक और तुम दगड़ी छों तब अपड़ा भिजण वला मा लौटि जौलु।”

¹⁷तब वेका चेलों ल आपस मा बोलि या क्य बात च जु उ हम मा बुल्णु च मि जरा देर तक अर तुम दगड़ी छों तब अपड़ा भिजण वला मा लौटि जौलु यु इलै कि मि पिता परमेश्वर मा जांणु छौं?

¹⁸तब चेला एक दुसरा बट्टी पुछण छा “यु ‘थोड़ी देर’ जु उ बुल्द च क्य बात च? हम नि जंणदा, कि उ क्य बुल्द।”

¹⁹यीशु ल यु की उ मि तैं यूं बातों कु मतलब पुछण चांणा छिन, वेल बोलि, क्य तुम आपस मा मेरी यूं बातों का बारा मा पूछताछ कना छा जरा देर मा तुम मि तैं नि देखि ल्या, अर फिर जरा देर मा मि तैं देखि ल्या?

²⁰मि तुम मा सच-सच बुल्णु छों मेरा मुरण का बाद तुम रुविला अर विलाप करिल्या, पर दुनिया का लोग आनन्द करला पर तुम तैं दुःख होलो।

²¹जब जनन कु जन्म दींणु कु बगत औंद, त उ भौत पिड़ा मा हूंदी त वीं तैं पिड़ा हूंदी, किलैकि वींकी पिड़ा का बगत ऐ गै, पर तब उ नौंनो तैं जन्म दे दींदी त यु आनन्द बट्टी की जगत मा एक मनिख पैदा हवे, इलै उ जनन वीं पिड़ा तैं भूल जांदी।[62]

²²इन ही रीति बट्टी, तुम तैं भि अब त शोक च, पर मि तुम तैं फिर मिललो तुम आनन्दित हवेला अर तुमारो आनन्द कुई तुम बट्टी छिन नि सकदो।

²³वे बगत जब तुम मि तैं फिर दिखला त तुम मि मा कुछ नि पुच्छिल्या; मि तुम मा सच-सच बुल्णु छौं जु पिता परमेश्वर बट्टी कुछ मगिल्या त उ मेरा अधिकार बट्टी तुम तैं दयालो।

²⁴अभि तक तुम ल मेरा नौं से पिता परमेश्वर बट्टी कुछ नि मांगी, मगिल्या त पैल्या कि तुमारो आनन्द पूरो हवे जौं।

²⁵“मिल यु बात तुम मा मिसाल दे के बोलि, पर उ बगत आंण वलो च कि तुम तैं मिसाल दे के नि बुललो पर खुलि के तुम तैं बुबा का बारा मा बतौलु।

²⁶वे बगत तुम मेरा नौं का अधिकार बट्टी मगिल्या अर मि तैं पिता परमेश्वर बट्टी प्रार्थना नि कन होलि की उ कैर जु तुम मांगदां छा

²⁷किलैकि पिता परमेश्वर त अफी ही तुम बट्टी प्रेम रखदु च इलै की तुम ल मि बट्टी प्रेम रख्युं च अर इन भि विश्वास कैरी कि मि पिता परमेश्वर कि तरपां बट्टी अयुं छौं।

²⁸मि पिता परमेश्वर कि तरपां बट्टी जगत मा अयुं छौं मि फिर जगत तैं छोड़ी के बुबा मा जांणु छौं।”

²⁹ऊंका चेलों ल बोलि, “देखा अब त तुम खुलि के बुल्ण छा अर कुई मिसाल दे के नि बुल्णा छा।

³⁰अब हम जांणि ग्यां कि तुम सब कुछ जंणद्यां त्वे तैं कैकी जरूरत ही नि च कि कुई तुम बट्टी सवाल पूछो, इलै हम विश्वास करदां छा कि तु परमेश्वर की तरपां बट्टी अयुं छै।”

³¹यु सूंणि के यीशु ल ऊंमा बोलि, “क्य तुम अब अंत मा विश्वास करदां छा?

³²देखा उ बगत आंणु च बल्कि ऐ ही गयै कि तुम सब छिदरु-बिदरु हवे कै अपड़ा-अपड़ा मार्ग लील्या अर मि तैं यखुली छोड़ी दीला फिर भि मि यखुली नि किलैकि पिता परमेश्वर मि दगड़ी च।[63]

³³मिल यु बात तुम मा इलै बोलि कि तुम तैं मेरा कारण शान्ति मिलो; दुनिया मा तुम तैं क्लेश हूंद, पर ढाडस बांधा, मिल ये दुनिया मा राज्य कन वला का मथि जीति हासिल कैरेले।”