Read Garhwali यूहन्ना 17 Bible Online

यूहन्ना 17 - Garhwali bible

यूहन्ना 17

¹यीशु ल अपड़ा चेलों मा यु बात बुल्ण का बाद, अर स्वर्ग की तरपां देखि के बोलि, “हे बुबा, उ बगत ऐ गै, अपड़ा नौंना कि बड़ै कैर, कि नौंना भि तेरी बड़ै कैर”

²किलैकि तिल मि तैं सब लुखुं पर अधिकार दियूं च कि जै तैं तिल मि दियुं च ऊं सभियूं तैं मि अनन्त जीवन द्यों।

³अनन्त जीवन यु च की लोग त्वे तैं पैछणदो बल्कि भस एकमात्र सच्चो परमेश्वर तैं, अर यु की उ मि तैं जंणदु पैछणदो, बल्कि, यीशु मसीह तैं जै तैं तिल भेजि।

⁴जु काम तिल मि तैं कनु कु दे छा ऊं तैं पूरो कैरी कै मिल धरती मा तेरी बड़ै कैरी।

⁵अब हे पिता परमेश्वर तु अपड़ी उपस्थिति मा मेरी बड़ै कैर, उ बड़ै मेरी छै, जु दुनिया की सृष्टि से पैली तुम दगड़ी छै।

⁶मिल तेरु नौं ऊं चेलों पर प्रगट कैरी जु तिल दुनिया मा बट्टी मि तैं दींनि उ तेरा छा अर ऊंल तेरी शिक्षाओं तैं मांणी।

⁷अब उ जांण गैनी, कि जु चमत्कार कनै की सामर्थ तिल मि तैं दींनि, सब तेरी तरपां बट्टी छिन

⁸इलै जु संदेश तिल मि तैं दींनि, मिल ऊं तैं दे दींनि, अर ऊंल संदेश पर विश्वास कैरी अर सच-सच जांणि लील्या कि मि तेरा तरपां बट्टी अयुं छौं अर यु विश्वास कैरी कि तिल मि तैं भेजि।

⁹मि ऊंकु परमेश्वर बट्टी प्रार्थना करदु जै तैं तिल मि तैं दियुं च किलैकि उ तेरा छिन पर मि ऊंकु बिनती नि करदु जु दुनिया बट्टी सम्बंध रखदु।

¹⁰अर जु कुछ मेरू च उ सभि तेरु च अर जु तेरु च उ मेरू च अर यूं बट्टी मेरी महिमा प्रगट हवे।

¹¹अब मि दुनिया मा नि रौंण, मि तुम मा आंणु छों पर मेरा चेला अभि भि दुनिया मा छिन; “हे पवित्र बुबा, अपड़ा नौं की सामर्थ बट्टी वेकी रक्षा कैर, की वेको एक ही मन होलो।

¹²जब मि ऊंका दगड़ा मा छो त मिल तेरु वे नौं से जु तिल मि दींनि ऊंकी राग जुगाल कैरी अर विनाश का नौंना तैं छोड़ वेमा बट्टी कुई नाश नि होलो इलै परमेश्वर का वचन मा लिखीं बात पूरी हवे।[64]

¹³पर अब मि त्वे मा आंणु छौं दुनिया मा रौंदु छों, की उ मेरा आनन्द तैं पूरी ढंग बट्टी पै साका।

¹⁴मिल तेरु संदेश ऊं तैं दियुं च अर दुनिया का लुखुं बट्टी बैर कैरी, किलैकि जन मि दुनिया बट्टी जुड़यां छो, उ दुनिया बट्टी जुड़यां नि च।

¹⁵मिल परमेश्वर बट्टी प्रार्थना नि कैरी, की तु ऊं तैं जगत बट्टी उठै येले, पर यु की तु ऊं तैं वे दुष्ट शैतान बट्टी ऊं की रक्षा कैर।

¹⁶जन मि दुनिया को नि छौं उन ही उ भि दुनिया का नि छिनी।

¹⁷तेरु वचन सच्चो च ऊंल सचै मा अफ तैं अलग कैरी।

¹⁸जन तिल मि तैं जगत मा भेजि, मिल ऊं तैं जगत मा भेजि

¹⁹इन कै लाभ कु मि अफ तैं पवित्र करदु छों कि उ भि सचै का द्वारा पवित्र किये जाला।

²⁰मि भस अपड़ा चेलों कु परमेश्वर बट्टी प्रार्थना नि करदु, पर जु यूं शिक्षा बट्टी मि पर विश्वास करदींनि ऊं कु भि बिनती करदु छों

²¹कि उ सब एक छिन; जै तैं हे बुबा मि मा च, उन ही उ भि हम मा हो, इलै की यु दुनिया ल लुखुं को विश्वास कैरी, की तिल मि तैं भेजि।

²²अर उ महिमा जु तिल मि तैं दे, मिल ऊं तैं दीं च की उ एक दगड़ी हों, जन हम एक छा

²³मि ऊंमा अर तु मि मा कि उ सिद्ध हवे की एक हवे जौं अर दुनिया जांणु कि तिल मि तैं भेजि छो, अर जन तिल मि बट्टी प्रेम रखि, उन ही ऊं बट्टी प्रेम रखयां।

²⁴हे परमेश्वर, मि चांदु छों की जौं तैं तिल मि तैं दियुं च, जख मि छो, उखि उ भि मि दगड़ी हों की उ मेरा वे महिमा तैं देखा जु तिल मि तैं दीं च, किलैकि तिल दुनिया की उत्पत्ति बट्टी पैली मि बट्टी प्रेम रखि।[65]

²⁵हे धर्मी बुबा, दुनिया ल त त्वे तैं नि जांणि, पर मि त्वे तैं जंणदु छों, अर यूं चेलों ल भि जांणि कि तिल मि तैं भेजि।

²⁶मिल तेरु नौं कु शुभ संदेश प्रचार ऊं पर प्रकट कैरी, अर प्रगट करदु रौलु की जु प्रेम तेरु मि बट्टी छों, उ मि मा राला अर मि ऊंमा रौलु।”