Read Garhwali यूहन्ना 18 Bible Online

यूहन्ना 18 - Garhwali bible

यूहन्ना 18

¹जब यीशु ल परमेश्वर बट्टी प्रार्थना कन खत्म कैरी य अपड़ा चेलों का दगड़ी किद्रोनं घाटी तैं पार कैरी। वीं जगह पर एक बगीचा छो अर उ वेका भितर गैनी।

²ऊंको पकड़वाण वलो यहूदा भि वीं जगह जंणदु छो किलैकि यीशु उख अपड़ा चेलों का दगड़ी जांणा रौंदा छा।

³तब यहूदा सिपैयूं का दल अर प्रधान याजक, फरीसियों का भिज्यां मनिख्युं तैं लै के हथों मा उज्यला का रांको लालटिनु अर तलवार अर लाठा लै के ऐनी।

⁴तब यीशु ऊं बातों तैं जांणि कै जु ऊं पर आंण वलि छै उख बट्टी निकलीनि अर ऊं मनिख्युं मा पूछि “कै तैं खुजांणा छा”

⁵ऊंल यीशु तैं जवाब दे, “नासरत नगर का यीशु तैं।” यीशु ल वेकु बोलि, “मि ही यीशु छों।” अर वेको पकड़ाण वलो यहूदा भि ऊंका दगड़ा खड़ो छो।

⁶यीशु का इन बुल्द ही, “मि छो” उ पिछनै हटि कै भूमि मा लमडी गै।

⁷तब यीशु ल ऊं तैं फिर पूछि “तुम कै तैं खुजांणा छा।” ऊंल बोलि “नासरत नगर का यीशु तैं।”

⁸यीशु ल ऊं तैं जवाब दे, “मिल तुम कु बोलि कि मि उ ही छौं।”

⁹इन इलै हवे कि यीशु ल जु पैली बोलि छो उ सच हवे जौं, “जौं तैं तिल मि तैं दींनि वेमा बट्टी मिल एक तैं भि नि ख्वे।”

¹⁰तब शमौन पतरस ल अपड़ी तलवार खींचि के महायाजक का दास पर चलै की, वेको दैंणो कंदूड़ काटि दींनि वे दास कु नौं मलखुस छो।

¹¹तब यीशु ल पतरस कु बोलि, “अपड़ी तलवार तैं दूर कैर। काठी मा रख। जु कटोरा बुबा ल मि तैं दे क्य मि वे तैं नि प्यों”

¹²तब सैनिको ल अर ऊंका सुबदार ल अर यहूदियों का सिपाहियों ल यीशु तैं पकड़ी के बंधि दींनि

¹³अर पैली ऊं तैं हन्ना मा ली गैनी किलैकि उ हन्ना वे साल को महायाजक कैफा कु ससुर छो।

¹⁴यु उ ही कैफा छो जैल यहूदियों तैं सलाह द्ये छै कि हमारा लुखुं कु एक मनिख को मुरण अच्छो च।

¹⁵शमौन पतरस अर एक हैंको चेला भि यीशु का पिछनै हवे गै। यु चेला महायाजक का जांण पछयांण कु छो इलै उ यीशु का पिछनै प्रधान याजक का चौक तक चलि गै

¹⁶पर पतरस भैर द्वार पर ही खड़ो रै। तब उ हैंको चेला जु महायाजक को जंणयूं पच्छयणु छो भैर ऐ अर द्वार कि चौकिदानि बट्टी बोलि, कि पतरस तैं भि भितर लै गै।

¹⁷वे तैं जु द्वार पर नियुक्त दासि छै, पतरस बट्टी बोलि, “क्य तू भि ये मनिख का चेलों मा बट्टी छै” वेल बोलि, “मि नि छौं।”

¹⁸प्रधान याजक अर मन्दिर का रखवला ठण्ड का कारण कुईला धधकै खड़ा आग तपणां छा अर पतरस भि ऊंका दगड़ा आग तपणु छो।

¹⁹तब महायाजक यीशु मा ऊंका चेलों का बारा मा अर ऊंका उपदेश का बारा मा पूछताछ कैरी।

²⁰यीशु ल वे तैं जवाब दे “मिल सभि तैं खुलि कै सभियूं का संमणी बात कैरी; मिल यहूदियों का मिलणा का भवन मा अर यरूशलेम शहर का मन्दिर मा जख सभि यहूदी कठ्ठा हूंदा छिनी हमेशा उपदेश कैरी अर उ गुप्त मा कुछ भि नि बोलि।

²¹तु मि बट्टी यु सवाल किलै पुछणी छै? सुनण वलो बट्टी पूछ की मिल ऊंमा क्य बोलि? देख उ जंणदा छिन; कि मिल क्य-क्य बोलि।”

²²जब यीशु ल इन बोलि त मन्दिर का रखवलों मा बट्टी एक ल जु संमणी खड़ो छों यीशु पर छकड़ मारि के बोलि, क्य तु महायाजक तैं इन कै जवाब दींणि छै?[66]

²³यीशु ल वे तैं जवाब दे “जु मिल बुरो बोलि, त मेरी बातों तैं साबित कैर, कि यु की छो; पर जु भलो बोलि, त मि तैं किलै मरदी छै?”

²⁴यीशु अभि भि बंधियुं छों, अर हन्ना ल वे महायाजक कैफा मा भेजि दींनि।

²⁵शमौन पतरस खड़ो हवे कै आग तपणु छो तब वेका दगड़ी खड़ा लुखुं ल पतरस तैं पूछि, “कखि तू भि वेका चेलों मा बट्टी त नि छै” वेल इन्कार कैरी कै बोलि, उ मि नि छौं।

²⁶महायाजक का नौकरों मा बट्टी एक ल जु वेका कुटुंब बट्टी छो जैकु कंदूड़ पतरस ल काटि छो वेल बोलि, “क्य मिल त्वे तैं यीशु दगड़ा सगोड़ा मा नि देखि छो?”

²⁷पतरस ल फिर इन्कार कैरी दींनि अर वे बगत मैर ल बांग दे दींनि।

²⁸अर यहूदी लोग यीशु तैं कैफा का संमणी बट्टी य रोमी राज्यपाल, पिलातुस का महल कु ली गैनी अर सुबेर कु बगत छो, पर उ अफी किला का भितर नि गै जु वेमा बट्टी कुई भि भितर जांदु, त उ अशुद्ध हवे जांदु अर वे तैं फसह को भोज नि खै सकदा छा।

²⁹तब पिलातुस ऊंका संमणी भैर ऐ अर वेल बोलि, “तुम यु मनिख पर क्य कु भंगार लगांणा छा?”

³⁰ऊंल वे तैं जवाब दींनि, “जु उ कुकर्मी नि हूंदो त हम वे तैं त्वे मा नि लौंदा।”

³¹पिलातुस ल ऊंकु बोलि, “तुम ही यु तैं लिजै कै अपड़ी व्यवस्था का अनुसार वेको न्याय कैरा।” यहूदियों का अगुवों ल वेमा बोलि, “हम मा कै तैं मनों को कुई अधिकार नि च की कैका प्राण लै।”

³²यु इलै हवे कि यीशु कि व बात पूरी हवे जु वेल यु दिखै के बोलि, की वे ढंग से मरलु।

³³तब पिलातुस फिर रोमी गवर्नर, पिलातुस का महल का भितर गै अर यीशु तैं महल का भितर बुलै, वे तैं पूछि, “क्य तु यहूदियों कु राजा छै?”

³⁴यीशु ल पिलातुस तैं जवाब दींनि “क्य तु यु बात अपड़ी तरपां बट्टी बुल्णी छै य और मेरा बारा मा त्वे कु बोलि।”

³⁵पिलातुस ल जवाब दींनि, “तु जंणदी छै की मि यहूदियों बट्टी नि छों? तेरी ही जाति अर प्रधान याजक ल त्वे तैं मेरा हथ सौंपी, तिल क्य कैरी?”

³⁶यीशु ल जवाब दे, “मेरू राज्य यु जगत कु नि, जु मेरू राज्य यु जगत कु हूंदो त मेरा चेला लड़दा, कि मि यहूदियों का अगुवों का द्वारा गिरफ्तार नि कैर जांदु पर अब मेरू राज्य इखौ नि च।”

³⁷पिलातुस ल ऊंकु बोलि, “त क्य तु राजा छै” यीशु ल जवाब दे, “तु बुल्णी छै, कि मि राजा छौं; मेरू जन्म लींण अर जगत मा आंणो कु कारण यु च की मि सचै का बारा मा सिखै साको। सचै कु पालन कन वला सब मेरी बातों तैं मणदा छिन।”[67]

³⁸पिलातुस ल ऊंमा बोलि, “सचै क्य च?” अर इन बोलि के उ फिर यहूदियों का अगुवों मा निकली गै अर वेल बोलि, “मि त वेमा कुछ भि भंगार नि पांदु।

³⁹पर तुमारी या रीत च कि मि फसह का त्यौहार का खातिर तुम कु एक मनिख तैं छोड़ी द्यों त पिलातुस ल ऊं तैं बोलि, क्य तुम चदयां कि मि तुम कु यहूदियों का राजा तैं छोड़ी द्यों”

⁴⁰तब सभि मिल कै चिलांण लगि गैनी, “यीशु तैं छुड़णा का बदला बरअब्बा तैं छोड़ी द्ये।” अर बरअब्बा एक डाकु छो।