Read Garhwali यूहन्ना 2 Bible Online

यूहन्ना 2 - Garhwali bible

यूहन्ना 2

¹फिर तिसरा दिन गलील जिला का काना नगर मा कै को ब्यो छो अर यीशु की ब्वे भि ऊखी छै।

²अर यीशु अर वेका चेला भि वे ब्यो मा बुलै गै छा।

³जब मेहमानों ल सैरी दाखमधु पै दींनि त यीशु कि ब्वे ल वेमा बोलि, वेमा दाखरस नि रै गै।

⁴यीशु ल वीं मा बोलि, “हे नारी, तु मि तैं किलै बतांणी छै मसीह कु रूप तैं पछणै जांणु कु” अभि मेरू बगत नि आई।

⁵पर वेकी ब्वे ल चेलों मा बोलि, जु कुछ उ तुम मा बोलु उ ही करियां।

⁶यहूदियों का अपड़ा धार्मिक रीति का अनुसार हथ धुणौं कु रिवाज छो इन कनु कु ऊंल ऊख ढुंगो का छै, मटका धरयां छा हरेक मटका मा लगभग सौ लीटर समाँद छो।

⁷यीशु ल ऊंमा बोलि, मटकों मा पांणी भोरि द्या; त ऊंल ऊं तैं तुल बुल कै भोरि दींनि।

⁸तब वेल ऊंमा बोलि, अब पांणी निकाली कै भोज का प्रधान का संमणी ली जा सेवकों ल उन ही कैरी जन वेल ऊं कु कनु कु बोलि छो।

⁹जब भोज का प्रधान ल उ पांणी चखि जु दाखमधु बण गै छो अर नि जंणदु छो कि उ कख बट्टी ऐ च पर जौं चेलों ल पांणी निकाली छो उ जंणदा छा त भोज का प्रधान ल ब्योला तैं बुलै के वेमा बोलि।

¹⁰हरेक मेज़बान पैली सबसे अच्छो दाखमधु दींदो अर लुखुं का पूरी रूप से छक हवे जांण पर खराब दाखरस दींदो पर तेरु अच्छो दाखरस अभि तक रखि के छुड़ैयूं च।

¹¹यीशु ल गलील जिला का काना नगर मा अपड़ो यु पैलो चमत्कार का चिन्ह दिखै के अपड़ी महिमा प्रगट कैरी अर वेका चेलों ल वे पर विश्वास कैरी कि उ मसीह च।

¹²यांका बाद उ अर वेकी ब्वे अर वेका भैय अर वेका चेला कफरनहूम शहर मा ऐनी अर कुछ दिन रैनी।

¹³यहूदियों कु फसह कु त्यौहार नजदीक छो यीशु यरूशलेम शहर कु गै।

¹⁴वेल यरूशलेम शहर का मन्दिर मा बल्दों, ढिबरों अर कबूतर बिचण वलो कि चौकि तैं भि फरकै दींनि।

¹⁵तब वेल जूडूं को कोड़ा बणै के सब ढिबरों अर बल्दों तैं यरूशलेम शहर का मन्दिर बट्टी निकाली दींनि अर सराफों का पैसा छिलारी दींनि अर पिड़ों तैं फरकै दींनि

¹⁶अर कबूतर बिचण वलो मा बोलि, “यूं तैं इख बट्टी लिजा। मेरा बुबा का घौर तैं (यरूशलेम शहर का मन्दिर) तुम व्यापार कु घौर नि बणावा।”

¹⁷तब वेका चेलों तैं याद ऐ की परमेश्वर का वचन मा लिख्युं च “तेरु यरूशलेम शहर का मन्दिर की भक्ति मेरा भितर आग का जन जल्दी च”[9]

¹⁸यां पर यहूदियों ल वे बट्टी बोलि, “यु कामों पर अपड़ो अधिकार साबित कनु कु तुम हम तैं क्य चमत्कार का चिन्ह दिखै सकदा छा?”

¹⁹यीशु ल ऊं तैं जवाब दे कि यु मन्दिर तैं ढोलि द्या अर मि वे दुबारा बणै दयुलु।

²⁰यहूदियों ल बोलि, यरूशलेम शहर का मन्दिर का बंणौण मा छियालिस साल लगि गैनी अर क्य तु वे तैं तीन दिन मा बणै दीलि?

²¹पर यीशु जै मन्दिर का बारा मा बुल्णु छो उ देह च।

²²इलै जब यीशु मुर्दों म बट्टी ज्यूँदो हवे त वेका चेलों तैं याद आई कि वेल यु बोलि छो अर ऊंल परमेश्वर का वचन जु मसीह का पुनरुत्थान का बारा मा बतौंणु छो विश्वास कैरी।

²³जब यरूशलेम शहर मा फसह कु त्यौहार कु बगत छो त भौत लुखुं ल ऊं चमत्कार का चिन्हों तैं जु उ दिखांदु छो देखि कै वे पर विश्वास कैरी।

²⁴पर यीशु ल ऊं लुखुं पर विश्वास नि कैरी किलैकि यीशु आदिम का स्वभाव तैं जंणदु च।

²⁵अर वे तैं जरूरत नि छै कि लुखुं का बारा मा बतौ किलैकि उ जंणदु छो कि लुखुं का दिलों या इरादों मा क्य च?