Read Garhwali यूहन्ना 4 Bible Online

यूहन्ना 4 - Garhwali bible

यूहन्ना 4

¹फिर जब प्रभु तैं पता चलि कि फरीसियों ल सूंणि कि यीशु, यूहन्ना से जादा चेला बंणौदु अर ऊं तैं बपतिस्मा दींदो च।

²जबकि यीशु खुद न पर वेका चेला बपतिस्मा दींदां छा।

³तब उ यहूदिया प्रान्त तैं छोड़ी के गलील जिला कु अपड़ा चेलों का दगड़ी वापिस चलि गैनी

⁴अर वे तैं सामरिया प्रान्त बट्टी जांण जरूरी छो किलैकि परमेश्वर भि यु ही चांणु छो।

⁵फिर यीशु सामरिया प्रान्त का सुखार शहर मा ऐ, जु वीं भूमि का संमणी च जै तैं याकूब ल अपड़ा नौंना यूसुफ तैं दे छो।

⁶याकूब ल जु कुआँ खोदि छो, उ अब भि ऊखी च, यात्रा बट्टी थाक्युं मसीह यीशु कुआँ का संमणी बैठी गै. यु लगभग छटवां घण्टा कु बगत छो।

⁷इथग मा एक सामरिया प्रान्त कि एक जनन पांणी भुनु कु ऐ। यीशु ल वीं कु बोलि, “मि तैं पींणु कु पांणी द्या”

⁸किलैकि ऊंका चेला नगर मा खांणु मोल लींणु कु ग्यां छा।

⁹वीं सामरी जाति की जनन[16] ल वेमा बोलि, तु एक यहूदी छै अर मि एक सामरी जनन छों तु मि बट्टी पांणी किलै मंगणी छै? किलैकि यहूदियों अर सामरियों का दगड़ी कुछ भि बरतौ नि रखदा छा।[17]

¹⁰यीशु ल जवाब दे, “तु नि जंणदी की परमेश्वर त्वे तैं क्य दींण चांणु च अर तु नि जंणदी कु त्वे बट्टी पांणी मंगणु च जु तु जंणदी त तु मि बट्टी मंगदी अर मि त्वे तैं जीवन कु पांणी दींद”

¹¹जनन ल वेको बोलि, “हे स्वामी, त्वे मा पांणी भुनु कु कुछ भि नि च अर कुआँ भौत गैरु च त फिर उ जीवन कु पांणी त्वे मा कख बट्टी ऐ?

¹²क्य तु हमारा पूर्वज याकूब से बड़ो छै जैल हम तैं यु कुआँ दींनि अर उ अर वेकी सन्तान अर अपड़ा गोर बछरा समेत वेमा बट्टी पांणी पींदा छा?

¹³यीशु ल वीं तैं जवाब दे जु कुई यु पांणी प्यालो उ फिर तिसालो नि होलो

¹⁴पर जु कुई वे पांणी मा बट्टी प्यालो जु मि वे तैं दयुलु उ फिर अनन्तकाल तक तिसालो नि होलो पर जै पांणी मि वे तैं दींदु उ वेमा एक सोता बण जालो, जु अनन्त जीवन कु पांणी दींदो रालो।

¹⁵वीं जनन ल यीशु मा बोलि, हे प्रभु वे पांणी मि तैं दे किलैकि मि तिसालो नि हों अर न पांणी भुनु कु इथग दूर कभि भि औं”

¹⁶यीशु ल वीं से बोलि, जा अपड़ा जवें तैं इना बुलै के लौ।

¹⁷वीं जनन ल जवाब दींनि मि बगैर जवें का छौं यीशु ल वीं से बोलि, तु ठिक बुल्णी छै कि तु बगैर जवें का छौं।

¹⁸किलैकि तु पाँच आदिम कैरी चुकि गै अर अभि भि तु जै दगड़ी छै उ भि तेरु जवें नि च, यु तिल सच्ची ही बोलि।

¹⁹जनन ल वेमा बोलि, हे प्रभु मि तैं लगदु कि तु परमेश्वर का तरपां बट्टी बुल्ण वलो छै।

²⁰हमारा सामरी पूर्वज परमेश्वर की आराधना करदा छा अर तुम यहूदी लोग बुल्दा छा कि व जगह जख भजन कन चयणु च व यरूशलेम शहर मा च।[18]

²¹यीशु ल वीं से बोलि, हे नारी मेरी बात कु विश्वास कैर कि उ बगत औणु च कि तुम न त यु डांडा पर परमेश्वर कि आराधना करिल्या न यरूशलेम शहर मा।

²²तुम सामरी लोग जै तैं नि जंणदा वेकी आराधना करदां छा अर जै तैं जंणदा छा हम यहूदी लोग जै तैं जंणदा छा वेकी आराधना करदां छा, किलैकि लुखुं को उद्धार कन वलो यहूदियों मा बट्टी औंदु च।[19]

²³पर उ बगत औणु च अर अभि भि च जै मा सच्चा भक्त परमेश्वर पिता कि आराधना आत्मा अर सचै से करला किलैकि परमेश्वर पिता अफ कु इन ही आराधना कन वलो तैं खुज्योंद।

²⁴परमेश्वर आत्मा च इलै जरूरी च कि वेकी आराधना कन वला आत्मा अर सचै से वेकी आराधना कैरा।

²⁵वीं जनन ल वे बट्टी बोलि, मि जंणदु छौं कि मसीह जु ख्रिस्त कहलांद औंण वलो च जब उ आलो त हम तैं सब बात बतै दयालो।

²⁶यीशु ल वीं कु बोलि, मि जु त्वे मा बुल्ण छौं उ ही छौं।

²⁷इथग मा यीशु का चेला ऐ गैनी अर चौंकि गैनी कि यीशु वीं सामरी जाति कि जनन दगड़ी बात कनु च तब भि कैल नि पूछि कि तु क्य चाँदि छै? य किलै वीं दगड़ी बात कनी छै?

²⁸तब व जनन अपड़ो घड़ा छोड़ी के नगर मा चलि गै अर लुखुं बट्टी बुल्ण लगी गै

²⁹अवा एक मनिख तैं देखा जैल सब कुछ जु मिल कैरी छो मि तैं बतेयेले कखि यु ही त मसीह नि च?

³⁰तब उ नगर बट्टी निकली के यीशु तैं दिखणु कु संमणी औंण लगि गैनी।

³¹इथग मा यीशु का चेला ल यु बिनती कन लगि गैनी हे गुरु कुछ खै ले।

³²पर यीशु ल ऊंमा बोलि, मि मा खांण कु इन खांणु च जै तैं तुम नि जंणदा।

³³तब चेलों ल आपस म बोलि, क्य कुई वे कु कुछ खांण कु लै?

³⁴यीशु ल ऊंमा बोलि, “मेरू खांणु परमेश्वर की इच्छा का पालन च जैल मि तैं भेजि अर वेको काम पूरो कन च जु वेल मि तैं दियुं च।

³⁵क्य तुम नि बुल्दा लवैइ हूंण मा अभि भि चार मैना पुड़यां छिन? देखा मि तुम मा बुल्ण छौं अपड़ा आंखों तैं खोला, आंण वला लुखुं तैं देखा उ एक पुंगडा का जन छिन जु लवैइ तैं देखा कि उ लवैइ कु तैयार छिन।

³⁶कठ्ठा कन वला अपड़ी मजदूरी पै कै अनन्त जीवन कु फसल कठ्ठा कनु च की किसान अर कठ्ठा कन वला द्वी मिल के आनन्द करुनु।

³⁷किलैकि इख म या बात ठिक च कि बुतण वलो कुई और च अर लवैइ कन वलो कुई और।[20]

³⁸मिल तुम तैं उ पुगड़ो लौंणु कु भेजि जै मा तुम ल मेहनत नि कैरी दूसरों ल मेहनत कैरी तुम वे फसल तैं कठ्ठा कैरा जैकु ऊंल मेहनत कैरी।

³⁹वे गौं का छक सामरी जाति का लुखुं ल वीं जनन का बुल्यां से यीशु पर विश्वास कैरी जैल यु बोलि छो कि वेल सब कुछ जु मिल कैरी छो मि तैं बतै दींनि।

⁴⁰इलै जब यु सामरी जाति का लोग वेका संमणी ऐनी त वे बट्टी बिनती कन लगि गैनी कि हमारा इख रौ त उ उख द्वी दिन तक रै।

⁴¹अर वेका संदेश का कारण अर भि भौतों ल यीशु पर विश्वास कैरी

⁴²अर वीं जनन म बोलि, अब हम तेरु ही बुल्यां से विश्वास नि करदां किलैकि हम ल अफी सूणेलि अर जंणदा छा कि यु ही सचमुच म दुनिया कु उद्धारकर्ता च।

⁴³फिर द्वी दिनों का बाद उ, उख बट्टी निकली के गलील जिला कु गै

⁴⁴किलैकि यीशु ल अफी गव्है दींनि कि परमेश्वर का तरपां बट्टी बुल्ण वलो कु अपड़ा देश तैं छोड़ी के उंको सब जगह आदर हूंद।

⁴⁵जब यीशु गलील जिला मा ऐ त गलीली लोग खुश हवे के ऊं बट्टी मिलिनि किलैकि जथग काम यीशु ल यरूशलेम शहर मा त्यौहार का बगत मा कैरी छा ऊंल ऊं सभियूं तैं देखि छो किलैकि उ सभि लोग भि त्योहार मा गै छा।

⁴⁶तब यीशु फिर गलील जिला का काना नगर मा ऐ जख वेल पांणी तैं दाखमधु बणै छो। उख राजा कु एक नौकर छो जैकु नौंनो कफरनहूम शहर म बिमार छो।

⁴⁷उ यु सूंणि के कि यीशु यहूदिया प्रान्त बट्टी गलील जिला मा ऐ गैनी तब यीशु मा गै अर वेमा बिनती कन बैठी गै कि चलि के मेरा नौंना तैं ठिक कैरी दे किलैकि उ मुरण वलो च।

⁴⁸यीशु ल वेमा बोलि, तुम चिन्ह चमत्कार दिखण चांदा तब तक मि पर विश्वास नि करदां।[21]

⁴⁹राजा का सेवका ल वेमा बोलि, हे प्रभु मेरा नौंनो कि मौत हूंण से पैली चल।

⁵⁰यीशु ल वेमा बोलि, जा तेरु नौंनो ज्यूँदो च। वे मनिख ल यीशु कि बुलीं बातों कु विश्वास कैरी अर चलि गै।

⁵¹काना नगर एक ऊंची जगह पर छो, इलै जब उ मुड़ी जांणा छा त वेका सेवक वे तैं मिलिनि अर बुल्ण लगि गैनी तेरु नौंनो ज्यूँदो च।

⁵²वेल ऊंमा पूछि, कै बगत उ ठिक हूंण लगि गै? ऊंल वेमा बोलि, ब्यालि दिन का एक बजि मा वेको जौर उतरी गै।

⁵³तब वे नौंना कु बुबा जांणि गै कि यु उ बगत मा हवे जै बगत यीशु ल वेमा बोलि, तेरु नौंनो ज्यूँदो रालो अर वेल अर वेका घौर मा जथग रौंदा छा ऊंल यीशु पर विश्वास कैरी।

⁵⁴यु दुसरो चमत्कार कु चिन्ह छो जु यीशु ल यहूदिया प्रान्त बट्टी गलील जिला मा वापिस ऐ के कैरी छो।