Read Garhwali यूहन्ना 9 Bible Online

यूहन्ना 9 - Garhwali bible

यूहन्ना 9

¹जब यीशु अपड़ा चेलों का दगड़ी जांणु छो, त वेल एक मनिख तैं देखि, जु जन्म बट्टी अन्धो छो।

²अर वेका चेलों ल वेमा पूछि, “हे गुरु, कैल पाप कैरी छो,[42] कि यु अंधों जन्मी, ये मनिख ल या वेका ब्वे-बुबा ल?

³यीशु ल जवाब दींनि, न येल पाप कैरी छो अर न वेका ब्वे-बुबा ल, पर यु इलै अंधों पैदा हवे कि परमेश्वर का काम वे पर प्रगट हूंनु।

⁴जैल मि तैं भेजि, मि जल्दी से वेका द्वारा मि तैं सौंपी जाला कामों तैं पूरो कन च उ रात औंण वली च जैं मा कुई काम नि कैरी सकदु।

⁵जब तक मि दुनिया मा छौं तब तक दुनिया कु उज्यला मि छों।[43]

⁶यु बोलि, के यीशु ल भूमि पर थूकि अर वे थूक ल माटो गून्दी अर ऊं माटो वे अंधा का आँखों पर लगै के

⁷जा अर अपड़ो मुक शीलोह का कुण्ड मा ध्वे ले” (शीलोह को मतलब भिजे गै च) तब वेल जै के ध्वे अर दिखदी लौटि ऐ।[44]

⁸तब वे आदिम का पड़ोसी अर अन्य लुखुं जौं ल वे तैं भीख मंगद देखि छो एक दुसरा बट्टी बुल्ण लगि गै क्य यु उ ही नि च जु बैठी के भीख मंगणु रौंदु छो?

⁹कुछ लुखुं ल बोलि, “यु उ ही च” और ल बोलि, “न, पर वे जन च” पर वेल बोलि, मि उ ही छौं जु बैठी कै भीख मंगदु छों।

¹⁰तब उ वेमा पुछण लगि गैनी, त्वे तैं नजर कनके मिली?

¹¹वेल जवाब दींनि, यीशु नौं कु एक आदिम ल माटो गून्दी अर मेरा आँखों पर लगै के मि मा बोलि, शीलोह कुण्ड मा जै के ध्वे ले, मि कुण्ड ग्यूं अर मिल अपड़ा आँखा ध्वैनि अर दिखण लगि ग्यों।

¹²ऊंल वेमा पूछि, उ आदिम कख च? वेल बोलि, “मि नि जंणदु।”

¹³जै दिन यीशु ल माटो छाणी अर वे आदिम तैं खूब कैरी उ यहूदियों को विश्राम कु दिन जु परमेश्वर कु पवित्र दिन च छो इलै लोग वे आदिम तैं फरीसियों का संमणी ली गैनी।

¹⁴जै दिन यीशु ल माटु छाणके वेका आँखा खोलि छा उ यहूदियों को विश्राम को दिन जु परमेश्वर को पवित्र दिन छो इलै।

¹⁵फरीसियों ल भि वेमा पूछि, यु दिखण का योग्य कनके हवे वेल ऊंमा बोलि, वेल मेरा आँखों पर माटो लगै फिर मिल अपड़ा आँखा ध्वैनि अर अब दिखणु छौं।

¹⁶ईं बात पर कुछ फरीसी यीशु का बारा मा बुल्ण बैठी गैनी कि यु मनिख परमेश्वर का तरपां बट्टी नि च किलैकि यु यहूदियों का विश्राम का दिन जु परमेश्वर कु पवित्र दिन च नि मंणदु। पर दुसरा लुखुं ल बोलि, पापी मनिख इन चिन्ह चमत्कार कनके दिखै सकदु? अर ऊंमा फूट पोड़ि गै।

¹⁷ऊंल वे अंधा मा फिर बोलि, वेल तेरा आँखा तैं खोलि तु वेका बारा मा क्य बुल्दी? वेल बोलि, कि उ परमेश्वर का तरपां बट्टी बुल्ण वलो च।

¹⁸पर यहूदियों का अगुवों तैं विश्वास नि हवे कि उ अन्धो छो अर अब दिखदु च जब तक कि ऊंल वेका ब्वे-बुबा तैं बुलै के

¹⁹वेका ब्वे-बुबा बट्टी पूछि, “क्य यु तुमारो नौंनो च जै कु तुम बुल्दा छा कि अंधों जन्मी छो? फिर अब कनके दिखणु च?”

²⁰वेका ब्वे-बुबा जवाब ल दींनि हम त जंणदा छा कि यु हमारो नौंनो च अर अन्धो जन्मी छो

²¹पर हम यु नि जंणदा कि अब कनके दिखद अर न यु जंणदा कि कैल वेका आँखा खुलींनि। उ खुद कु जवाब दींणु कु काफी बड़ो च; वेमा बट्टी पूछिल्या; उ अपड़ा बारा मा अफी बोलि दयालो।

²²यु बातों तैं वेका ब्वे-बुबा ल इलै बोलि, किलैकि उ यहूदी अगुवों बट्टी डरदा छा; किलैकि यहूदी अगुवा एकमत हवे गै छा कि जु विश्वास कैरी की यीशु ही मसीह च त यहूदियों का मिलणा का भवन मा बट्टी निकाले जौं।

²³इलै वेका ब्वे-बुबा ल बोलि, उ सवालों का उत्तर दींणु कु काफी बड़ो च वेमा बट्टी पूछिल्या।

²⁴तब यहूदी अगुवों ल वे मनिख कु जु अंधों छो दुसरी बार बुलै के वेमा बोलि, परमेश्वर का संमणी वादा कैरी के तु सच बतालो; हम त जंणदा छा कि उ मनिख पापी च।

²⁵पर वेल जवाब दींनि कि मि नि जंणदु कि उ पापी च कि नि च मि एक बात जंणदु छौं कि मि पैली अन्धो छो पर अब दिखणु छौं।

²⁶ऊंल वेमा फिर बोलि, वेल त्वे दगड़ी क्य कैरी? अर कनके तेरा आँखा खूब हवेनि?

²⁷वेल ऊंमा बोलि, मि त तुम मा बोलि चुकि ग्यों अर तुम ल नि सूंणि अब दुसरी बार किलै सुनण चांणा छा? क्य तुम भि वेका चेला हूंण चांणा छा?

²⁸तब उ वेको बुरो भलो बोलि कि तु ही वेकु चेला छै हम त परमेश्वर का तरपां बट्टी बुल्ण वला मूसा कु चेला छा।

²⁹हम जंणदा छा कि परमेश्वर मूसा बट्टी बात कैरी पर हम यु मनिख तैं नि जंणदा कि कख बट्टी अयुं च।

³⁰वेल ऊं तैं जवाब दींनि य त अचम्भो कन वलि बात च कि तुम नि जंणदा कि उ कखौ च तब भि वेल मेरा आँखा खुलींनि।

³¹हम जंणदा छा कि परमेश्वर पापी लुखुं कि नि सुंणदो पर जु कुई परमेश्वर कु भक्त हो अर वेकी मनसा पर चलदो च त उ वेकी सुणदु च।[45]

³²जब बट्टी दुनिया कि सृष्टि किये गै छै या कभि सुनण मा नि ऐ कि कैल जन्म का अंधा का नजर दींनि।

³³यु मनिख परमेश्वर कि तरपां बट्टी च इलै यु चमत्कार कनु च।

³⁴ऊंल वे तैं जवाब दींनि, “तु त बिल्कुल पापों मा जन्मीयूं छै तु हम तैं क्य सिखांणि छै?” तब ऊंल वे आदिम तैं यहूदियों का मिलणा की जगह बट्टी भैर निकाली दींनि।

³⁵यीशु ल जब यु सूंणि, कि ऊंल वे आदिम तैं यहूदियों का मिलण का भवन बट्टी भैर निकाली दींनि, अर जब यीशु की वे बट्टी भेंट हवे त यीशु ल बोलि, क्य तु मि मनिख कु नौंनो पर विश्वास करदी छै?

³⁶वेल जवाब दींनि, “श्रीमान, मि तैं बतौ की उ परमेश्वर कु नौंनो को च, कि मि वे पर विश्वास कैर सकु?”

³⁷यीशु ल वेमा बोलि, तु पैली ही वे तैं देख चुकि गै, अर मि ही परमेश्वर कु नौंनो छों, जु अब त्वे दगड़ी बात कनु छों।

³⁸वेल बोलि, “हे प्रभु, मि त्वे पर विश्वास करदु छों।” अर तेरी आराधना कर त्वे तैं दण्डवत करदु।

³⁹तब यीशु ल बोलि, मि ईं दुनिया मा जांच अर न्याय कनु कु अयुं छौं, बल्कि अंधा लोग दिखण लगि गैनी अर जु लोग दिखदा छिन उ अंधा हवे जां

⁴⁰जु फरीसी वेका दगड़ी छा ऊंल यु बात सूंणि के वेमा बोलि, क्य तु बुल्णी छै की हम भि अंधा छा?

⁴¹यीशु ल ऊंमा बोलि, “जु तुम अंधा हूंद त पापी नि ठैरदा पर अब बुल्णा छा कि हम दिखदा छा अर इलै अब तुम्हरो पाप माफ नि किये जालो।”