Read Garhwali प्रेरितों के काम 6 Bible Online

प्रेरितों के काम 6 - Garhwali bible

प्रेरितों के काम 6

¹ऊं दिनों मा जब चेलों कि गिणती बिज्यां बढण लगि गै छै तब यूनानी भाषा बुल्ण वला यहूदी विश्वासी इब्रानी भाषा बुल्ण वला यहूदी विश्वासियों का विरुद्ध कुड़कुड़ाण लगि गै कि हरेक दिनों कु खांणु की सेवकाई मा ऊंकी विधवाओं कि सुध नि लिये जांद।

²तब ऊं बारह चेलों ल यरूशलेम शहर का अन्य विश्वासियों तैं अपड़ा संमणी बुलै कि बोलि, “हम प्रेरित तैं अपड़ो बगत परमेश्वर का वचन सिखांण मा बितांण चयणु च, न की खिलांण-पिलांण कि सेवा कन मा रौनु।”

³इलै हे विश्वासी भयों, अफ मा बट्टी सात भला आदिम तैं जु पवित्र आत्मा अर बुद्धि बट्टी भरपूर छिनी, चुणि ल्या, कि हम ऊं तैं यु काम पर ठैरे द्या।

⁴पर हम त पिता परमेश्वर बट्टी प्रार्थना अर वचन कु प्रचार अर शिक्षा दींणु कु लगयां रौल्ला।

⁵या बात सैरी मण्डलि तैं ठिक लगि, अर ऊंल स्तिफनुस नौं का एक जवान तैं जु विश्वास अर पवित्र आत्मा बट्टी भुरयुं छो फिलिप्पुस, प्रुखुरुस, नीकानोर, तीमोन, परमिलास अर अन्ताकिया वासी नीकुलाउस तैं जु यहूदी मत मा ऐ गै छा, चुणि।

⁶अर यूं तैं प्रेरितों का संमणी लैंनि अर ऊं चुणयां लुखुं तैं प्रार्थना कैरी कै कि उ काम तैं कनु कु ऊं पर हाथ रखि के नियुक्त कैरी।

⁷अर पिता परमेश्वर को वचन फैलदी गै, यरूशलेम शहर मा चेलों कि गिणती भौत बढ़दी गै; अर भौत यहूदी याजकों ल भि यीशु पर विश्वास का यु संदेश तैं स्वीकार कैरी।

⁸स्तिफनुस परमेश्वर कि कृपा अर सामर्थ मा हवे के लुखुं का बीच मा बड़ा-बड़ा चमत्कार का काम अर अद्भुत काम दिखौंणु रौंदु छो।

⁹पर कुछ लुखुं ल स्तिफनुस कु विरोध कैरी, जु दासत्व-मुक्त यहूदियों का मिलणा का भवन को सदस्य छा। उ लोग कुरेन अर सिकन्दरिया शहरों बट्टी अर किलिकिया अर एशिया प्रान्तों बट्टी भि छा, यु लोग स्तिफनुस का दगड़ी वाद-विवाद कन लगि गैनी।

¹⁰पर वेल जु कुछ भि बोलि, उ वेको कुछ जवाब नि दे साकी किलैकि पवित्र आत्मा ल वे तैं बड़ी बुद्धिमानी से बुल्ण मा मदद कैरी।

¹¹ईं बात पर दासत्व-मुक्त लुखुं तैं कुछ मनिख्युं तैं स्तिफनुस का बारा मा झूठ बुल्णु कु उख बट्टी, “हम ल यु तैं मूसा द्वारा लिखीं परमेश्वर की व्यवस्था का विरोध मा बुरै कि बातों तैं बुल्द सूंणि।”

¹²ऊंल स्तिफनुस का विरुद्ध भीड़, दाना-सयाणों, अर व्यवस्था तैं सिखांण वला तैं उख बट्टी अर ऊं ऐ के स्तिफनुस तैं पकड़ी अर वे तैं महासभा का संमणी ली गैनी।

¹³उख ऊंल झूठा गवाह लैनी जु स्तिफनुस पर यु भंगार लगैनी जौं ल बोलि, “यु मनिख यु पवित्र जगह अर मूसा की व्यवस्था का बुरै मा बुल्ण नि छुड़दा।

¹⁴किलैकि हम ल वे तैं इन बुल्ण सूंणि, कि नासरत नगर को यीशु यु मन्दिर तैं नाश कैरी दयालो, अर यूं रीति-रिवाजों तैं बदली दयालो जु मूसा ल हम तैं सौंपी छो।”

¹⁵तब सब लुखुं ल जु महासभा मा बैठयां छा वेका तरपां देखि वेको मुक स्वर्गदूत का मुक का जन चमकणु छो।