Read Garhwali 1 कुरिन्थियों 1 Bible Online

1 कुरिन्थियों 1 - Garhwali bible

1 कुरिन्थियों 1

¹मि पौलुस ईं चिट्टी तैं लिखणु छों, जु पिता परमेश्वर कि मनसा से यीशु मसीह का प्रेरित हूंणु कु बुलै गै, मि इख अपड़ा विश्वासी भैय सोस्थिनेस का दगड़ा मा छों।[1]

²मि य चिठ्ठी पिता परमेश्वर कि वीं विश्वासी मण्डलि कु ज्वा कुरिन्थुस शहर मा छिनी; जु हर जगह हमारा प्रभु अर ऊंका प्रभु मसीह यीशु की स्तुति करदा।

³मि प्रार्थना करदु हमारो पिता परमेश्वर अर प्रभु यीशु मसीह तुम तैं कृपा अर शान्ति द्यो।

⁴मि तुमारा बारा मा अपड़ा पिता परमेश्वर कु धन्यवाद सदनी करदु, इलै की पिता परमेश्वर की या दया तुम पर मसीह यीशु मा कठ्ठा हूंणा का कारण हवे।

⁵किलैकि तुम यीशु मसीह का दगड़ी जुड़यांं छा, पिता परमेश्वर ल तुम तैं बहुत सी बात मा सक्षम बणयूँ च, यांमा वेका शुभ संदेश तैं प्रचार कने की क्षमता अर वेकी आत्मा का द्वारा सब कामों तैं कने की बुद्धि भि शमिल च।

⁶इन ही कै पिता परमेश्वर ल तुम तैं यु साबित कैरी की मसीह कु शुभ संदेश सचो च।

⁷इन ही कै तुम मा हरेक आत्मिक वरदान च, ज्यांकी तुम तैं जरूरत च, अर तुम तैं हमारा प्रभु यीशु मसीह का वापिस आंण कु इन्तेजार करदां।

⁸पिता परमेश्वर तुम तैं अंत तक विश्वास मा मजबूत करलो, कि तुम हमारा प्रभु यीशु मसीह का वापिस लौटणा का दिनों तक निर्दोष ठैरा।

⁹पिता परमेश्वर इन करलो, किलैकि उ अपड़ा बुल्णा का अनुसार विश्वासयोग्य च, कि उ जु बुल्द उ करद च, अर वेल हम तैं अपड़ा नौंना, हमारा प्रभु यीशु मसीह का दगड़ी एक रिश्ता मा बुल्युं च।[2]

¹⁰हे मेरा विश्वासी भयों, मि तुम बट्टी हमारा प्रभु यीशु मसीह का नौं बट्टी बिनती कनु छौं, कि तुम सब तैं एक दुसरा दगड़ी सहमत हूंण चयणु च, कि तुम मा फूट नि हो, पर एक ही मन हवे के एक दुसरा दगड़ी मेल-मिलाप कैरी के रा।

¹¹किलैकि हे मेरा विश्वासी भयों, खलोए का परिवार का लुखुं ल मि तैं तुम्हरा बारा मा बतै, कि तुम मा लड़ै-झगड़ा हूंणा छिनी।

¹²मेरू बुल्णों कु मतलब यो च, कि तुम मा बट्टी कुई त अफ तैं बुल्द की, “मि पौलुस कु चेला छों” अर कुई “मि अपुल्लोस कु” त कुई मि कैफा कु, या “मि मसीह कु चेला छों।”

¹³य बात अच्छी नि च, किलैकि मसीह झुण्ड मा नि बटयूं च। शायद तुम गलती कैरी के यु सुचदा कि मि, पौलुस तुम तैं आजाद कनु कु सूली पर चैढी छो। अर शायद तुम गलती कैरी के यु भि सुचणा छा कि तुम तैं इलै बपतिस्मा दिए गै कि तुम मेरा चेला बण साका।

¹⁴मि पिता परमेश्वर कु धन्यवाद करदु, कि मिल क्रिस्पुस अर गयुस भयों तैं छोड़ी कै तुम लुखुं मा बट्टी कै तैं भि बपतिस्मा नि दींनि।

¹⁵फिर, कुई इन नि बोलि सकद कि तुम मेरा चेलों का रूप मा बपतिस्मा लींणा छा।

¹⁶अर हाँ, अब मि तैं याद च, कि मिल स्तिफनुस का परिवार का लुखुं तैं भि बपतिस्मा द्ये; यूं तैं छोड़ी के, मि नि जंणदु कि मिल और कै तैं बपतिस्मा द्ये।

¹⁷किलैकि मसीह ल मि तैं बपतिस्मा दींणु कु न बल्कि शुभ संदेश सुणौंणु कु भेजि, जब मि शुभ सन्देश प्रचार सुणांदु, त मि बुल्ण मा अपड़ी निपुर्णता कु इस्तेमाल नि करदु। नथरी, लोग मि तैं भस मेरी निपुर्णता का कारण ही मणदा, अर उ सूली पर मसीह की मौत की सामर्थ तैं नि जणदींनि।

¹⁸किलैकि सूली कि मिसाल त नाश हूंण वला कु मूर्खता च पर हम बचण अर उद्धार पांण वलो कु पिता परमेश्वर की सामर्थ नजदीक च।

¹⁹किलैकि परमेश्वर का वचन मा लिख्युं च, कि जु ई दुनियां का बुद्धिमान लोग छिनी, मि दिखौलू की ऊंका विचार हकीकत मा मूर्खता का विचार छिनी। मि साबित करुलु की उ हकीकत मा बुद्धिमान नि छिनी।[3]

²⁰फिर एक कुशल प्रतिद्वंधी जु ई दुनिया मा छिनी, बुद्धिमान आदिम अर मूसा की व्यवस्था तैं सिखांण वलो की स्थिति क्य च? किलैकि पिता परमेश्वर ल पैली ही साबित कैरी दींनि कि ऊंकी सांसारिक बुद्धि को कुई कीमत नि च। [4]

²¹मि इन इलै बुल्णु छों, किलैकि पिता परमेश्वर ल समझदारी का दगड़ी यु निर्णय लये कि ई दुनिया का लोग अपड़ी काबलियत ल वे तैं जनण मा सक्षम नि छिनी। इलै पिता परमेश्वर ल ऊं लुखुं तैं बचौणु कु जु हमारा द्वारा प्रचार किये गै शुभ संदेश तैं मणदींनि, अर जु लोग यु नि मणदींनि उ बुल्दींनि कि हमारा उपदेश कु कुई फैदा नि च।

²²यूं यहूदी जातियों का लुखुं तैं एक मूर्खता लगद, किलैकि उ स्वर्ग का चमत्कार का कामों का चिन्ह चंदींनि, अर यु यूनानी अन्यजाति लुखुं कु भि च जु मानवीय ज्ञान कि खोज मा छिनी।

²³पर हम त वे सूली पर चढ़यां मसीह कु प्रचार करदां, जु यहूदियों का बीच ठोकर कु कारण, अर अन्यजातियों का बीच मूर्खता च।

²⁴पर जु यूं तैं पिता परमेश्वर ल बुलै, क्य यहूदी, क्य यूनानी अन्यजाति, यु ही मसीह, पिता परमेश्वर की सामर्थ अर पिता परमेश्वर कु ज्ञान च।

²⁵जु पिता परमेश्वर की मूर्खता जन लगद उ मनिख का ज्ञान से जादा ज्ञानवान च, अर जु पिता परमेश्वर की निर्बलता जन लगद उ भि मनिख की तागत से जादा तागतबर च।

²⁶हे विश्वासी भयों, याद रखा कि जब पिता परमेश्वर ल तुम तैं मसीह कु पीछा कनु कु बुलै तब तुम कन कै जीवन जींणा छा, दुनिया की रीति ल, तुम मा बट्टी भौत ज्ञानवान नि छा, न ही खास छा न ही भौतों का पूर्वज राजा छा।

²⁷पर पिता परमेश्वर ल दुनिया का मूर्खों तैं चुणि कि बुद्धिमानों तैं शर्मिंदा करुनु अर पिता परमेश्वर ल दुनिया का कमजोरों तैं चुणि, कि तागतबरों तैं शर्मिंदा करुनु।

²⁸अर पिता परमेश्वर ल दुनिया का नीच अर तुच्छु तैं, जौं तैं कुछ भि नि समझै जांद ऊं तैं भि चुणि, अर ऊंकु इस्तेमाल शून्य पर लांणु कु जै तैं दुनिया मा जरुरी समझै जांद।

²⁹पिता परमेश्वर ल इन इलै कैरी कि कुई भि प्राणी पिता परमेश्वर का संमणी घमण्ड नि कैर साको।

³⁰पर पिता परमेश्वर ल तुम तैं मसीह यीशु का दगड़ी एकजुट कैरी, अर मसीह का द्वारा उ हम तैं अपड़ो ज्ञान दींद। पिता परमेश्वर हम तैं अपड़ी नजर मा धर्मी भि ठैरांद। मसीह का द्वारा हम पवित्र बणयां, अर उ हम तैं पाप बट्टी छुडांद। [5]

³¹किलैकि पिता परमेश्वर का वचन मा लिख्युं च, उन ही हो, “जु बड़ो मोन कैरो उ प्रभु पर कैरो।”[6]