Read Garhwali 2 कुरिन्थियों 11 Bible Online

2 कुरिन्थियों 11 - Garhwali bible

2 कुरिन्थियों 11

¹जु तुम वे तैं स्वीकार कैरी लींदियां जु अपड़ी तारीफ अफ ही करद अर इलै मि तैं आस च कि जु मि जरा मूर्खतापूर्ण बरतौ कैरो त वे तैं तुम सै लिला।

²किलैकि मि तुम कु उन ही परेशान छों, जन पिता परमेश्वर च, इलै कि मिल तुम तैं मसीह तैं अर भस वे तैं ही दींणो कु वादा करयूं च; यु एक पिता का जन च जु अपड़ी नौंनि कु शुद्ध अर अणबिवाक का रूप मा वीं का आदिम तैं सौंपदु जब वीं कु ब्यो हूंद।

³पर मि डरदु छो कि जन के शैतान ल, एक गुरो का रूप मा चालाकी ल पैली जनन हव्वा तैं बहकै, उन के ही तुम लुखुं का मन भि बहकै दिये जौं अर आप मसीह का प्रति अपड़ी निष्कपट अर सच्ची भक्ति ख्वे द्यो।[23]

⁴जब भि कुई तुम मा आंदो अर तुम तैं कै दुसरा एक यीशु का बारा मा बतांद जैको प्रचार हम ल नि कैरी त तुम वे नया आदिम तैं स्वीकार कनु कु भौत उत्सुक रौन्दियां; उ यीशु मसीह नि च जैका बारा मा हम ल तुम तैं बतै छो; अर तुम खुश हवे के वे पर ध्यान दींद जब तुम तैं एक इन आत्मा अर शुभ सन्देश मिल्दो जु वे आत्मा अर संदेश का जन नि च जु हम तुम मा लौंदियां त तुम गलत ढंग ल यु तैं पूरा मन से स्वीकार करदा।

⁵मि तैं लगद कि मि ऊं लुखुं का जन अच्छो छों जु सुचदींनि की उ सभि प्रेरितों मा बट्टी सबसे महान छिनी।

⁶जु मि खुल्ला रूप मा बुल्ण मा ज्ञानी नि छो, तब भि मसीह अर शुभ संदेश का बारा मा मि तैं जानकारी छै च; जबकि मिल अपड़ो ज्ञान ऊं सभि बातों मा प्रदर्शित कैरी जु मिल सिखैनी।

⁷मिल तुम्हरा बीच पिता परमेश्वर कु शुभ सन्देश प्रचार मुफ्त मा प्रचार कैरी के सुणै अर अपड़ा आप तैं नम्र कैरी कि तुम्हरो सम्मान हो; क्य मिल इन कैरी के पाप कैरी?

⁸मिल दुसरी मण्डलियों बट्टी मदद स्वीकार कैरी कि मि तुम तैं बगैर कै खर्च का सेवा दे साको। यु तैं तुम लुटण नि बोला।

⁹अर जब तुम्हरा दगड़ी छो, अर मि तैं धन की कमी छै, त मिल कै पर भि बोझ नि डाली, किलैकि विश्वासी भयों ल, मकिदुनिया प्रान्त बट्टी ऐ के मेरी घटि तैं पूरो कैरी; अर मिल हर बात मा अपड़ा आप तैं कै भि ढंग ल तुम कु मुसिबत बनण ल बचु, अर मि भविष्य मा भि तुम पर बोझ नि बणलु।

¹⁰उन ही के निश्चित रूप बट्टी जन की मसीह की सचै मि मा च, त अखाया प्रान्त का सैरा इलाका मा कै बट्टी भि पैसा नि लींनि, यु गर्व तैं कन से कुई हम तैं रोक नि सकद।

¹¹मिल तुम्हरा रूपया किलै नि लींनि? क्य मिल इन इलै कैरी किलैकि मि तुम बट्टी प्रेम नि करदु? पिता परमेश्वर जंणदु च कि मि तुम बट्टी प्रेम करदु छो।

¹²पर जु मि करदु, उन ही करदी रौलु; कि मि ऊं झूठा प्रेरितों तैं हमारा बराबर समझै जांणो कु मौका मिलण से रुकु; उ सच मा यु मौका चयदींनि कि साबित कैर साका कि उ यु दावा कन मा सै छिनी कि उ हमारा बराबर छिनी।

¹³किलैकि इन लोग झूठा प्रेरित, अर धोखा ल काम कन वला, अर उ मसीह हूंणो कु भि दावा करदींनि अर प्रेरित हूंणो कु भि झूठो दावा करदींनि।

¹⁴अर यु कुछ चौंकणै की बात नि च किलैकि शैतान आप भि पिता परमेश्वर की महिमा कु एक स्वर्गदूत हूंणो कु दिखावा करद।

¹⁵इलै जु शैतान का सेवक भि धार्मिकता का सेवकों का जन रूप धारा, त ऊंको अन्त ऊंका कामों का अनुसार होलो।

¹⁶मि फिर बुल्णु छो, कि कुई मि तैं मूर्ख नि समझो; नथिरी त मूर्ख ही समझी के मेरी सै ल्या, कि थोड़ा मि भि घमण्ड कैरी साको।

¹⁷यु बेधड़क मा जु कुछ मि बुल्णु छो, मि उन ही नि बुल्णु छो जन मसीह यीशु चांदो च कि मि बोलु; पर चला मांणी ल्या मूर्खता ही बट्टी बुल्णु छो।

¹⁸जबकि भौत लोग ईं दुनिया का लुखुं का जन घमण्ड करदींनि, त मि भि घमण्ड करुलु।

¹⁹तुम त समझदार हवे के खुश हवे के मूर्खों की सै लींदियां।

²⁰किलैकि जब तुम तैं कुई नौकर बणै लींद, या उ सभि कुछ ले लींद जु तुम मा च, या तुम तैं धोखा दींद, या अपड़ा आप तैं सुचद कि उ तुम बट्टी जादा बढ़िया च, या तुम्हरा गिचा पर थप्पड़ मरद, त तुम सै लींदियां।

²¹त क्य तुम सुचदा छा कि मि तैं शर्मिंदगी महसूस हूंण चयणी च, किलैकि मिल उन नि कैरी? पर जीं कीं बात मा कुई घमण्ड करद, मि मूर्खता ल बुल्दो त मि भि घमण्ड करदु।

²²क्य उ ही इब्रानी छिनी? मि भि छों। क्य उ ही इस्राएली छिनी? मि भि छों; क्य उ ही अब्राहम का वंश का छिनी? मि भि छों।

²³क्य उ ही मसीह का सेवक छिनी (मि बौलयों जन बुल्णु छो) मि ऊं बट्टी बढ़ि के छो। मिल ऊं बट्टी कई जादा मेहनत कैरी, ऊं बट्टी कई जादा बंधि बणयूं, कई बार पिटे ग्यों, अक्सर ही मेरा प्राण संकट मा पुड़ीनि।

²⁴पाँच बार यहूदी अगुवों ल मि तैं उनतालीस कोड़ा मरिनि।

²⁵तीन बार मिल सिटगे की मार खै; एक बार मि पर ढुगलयो हवे; तीन बार पांणी का जहाज कै पर मि चढ़ी छो, टुट गै; एक दिन अर एक रात मिल समुद्र मा काटि।

²⁶मि बार-बार यात्राओं मा; गाड का जोखिमोंं मा; डाकुओं का जोखिमोंं मा; अपड़ा जातिवलों बट्टी जोखिमोंं मा; अन्यजातियों बट्टी जोखिमोंं मा; नगरों का जोखिमोंं मा; जंगल का जोखिमोंं मा; समुद्र का जोखिमोंं मा; झूठा विश्वासी बणयां भयों का बीच जोखिमोंं मा रौ;

²⁷पर मिल ऊं बट्टी कई जादा मेहनत कैरी; बार-बार बिज्यां रौंण मा; भूख-तीस मा; बार-बार भूखो रै के उपवास रखण मा भि; झाैड़ मा; बिज्यां रौंण मा।

²⁸अर यु सभियूं बातों का अलावा हर दिन सभि विश्वासी मण्डलि की चिन्ता मि तैं भौत परेशान करदी।

²⁹जब कुई कमजोर हूंद त मि भि कमजोर महसूस करदु; जब कुई पाप मा पोड़ जांद त मि भौत दुखी हूंदु।

³⁰जु घमण्ड कन जरूरी च, त मि अपड़ी कमजोरी की बातों पर घमण्ड करुलु।

³¹परमेश्वर जु हमारा प्रभु यीशु का पिता च हमेशा धन्य च, जंणदु च, कि मि झूठ नि बुल्दो।

³²दमिश्क शहर मा अरितास राजा का राज्यपाल ल मि तैं पकड़ाण कु दमिश्कियों का नगर पर पैहरा बैठयूं छो।

³³पर मेरा दगड़ियों ल एक बड़ा ठुपरा मा एक लम्बो रस्सा बंधि के अर मि तैं वेमा बैठे के अर वे तैं दीवार का एक खिड़की का समान छेद का द्वारा शहर का भैर जमींन पर उतार दींनि, अर मि राज्यपाल का हथों बट्टी निकली ग्यों।