Read Garhwali इफिसियों 3 Bible Online

इफिसियों 3 - Garhwali bible

इफिसियों 3

¹किलैकि पिता परमेश्वर ल खुद अन्यजातियों कु यु सब कैरी, मि पौलुस, तुम कु प्रार्थना करदु। मि जेल मा छों किलैकि मि तुम कु मसीह यीशु कि सेवा करदु छों।

²निश्चित रूप ल तुम ल सुणयूं च, कि परमेश्वर ल अपड़ा अनुग्रह बट्टी तुम तैं शुभ संदेश कु प्रचार कने की जिम्मेदारी मि तैं द्ये, जै तैं तुम ल सूंणि।

³मतलब जन कि मिल तुम तैं विस्तार रूप मा तुम कु पैली लिखीं छों, पिता परमेश्वर ल खुद मि तैं वीं गुप्त योजना तैं प्रगट कैरी।

⁴जन तुम चिट्ठी पढ़ल्या, तुम तैं यु भि पता लगालो कि मि सच मा मसीह का भेद का बारा मा समझदु छों।

⁵जु पिछली बात छै, परमेश्वर ल लुखुं तैं यु भेद प्रगट नि कैरी छों, जन अब आत्मा का द्वारा पवित्र अब वेका अपड़ा पवित्र प्रेरितों तैं अर परमेश्वर का तरपां बट्टी बुल्ण वलो तैं शुभ संदेश कु खुलासा करयुं च।

⁶यु परमेश्वर कि योजना च कि यीशु मसीह का शुभ सन्देश का दगड़ी हमारो जुड़णों कु कारण अन्यजाति, यहूदियों का जन उ ही आशीषों तैं पाला, अर उ अब एक देह मा कठ्ठा मण्डलि च, कि पिता परमेश्वर का करयां वादा मा हकदार हो।

⁷अर मुफ्त उपहार बट्टी, बल्कि पिता परमेश्वर का अनुग्रह बट्टी जु वेल मि तैं दिईं च, पिता परमेश्वर का अनुग्रह अर चमत्कार का काम बट्टी जु मि तैं सौभाग्य दियुं च, कि वे शुभ सन्देश सेवक बंणि।

⁸जबकि मि पिता परमेश्वर का सभि पवित्र लुखुं मा बट्टी सभियूं मा बट्टी कम योग्य छों, कि पिता परमेश्वर मेरा प्रति अनुग्रह कैरी छों, कि मि अन्यजातियों तैं शुभ सन्देश प्रचार सुंणै साको कि मसीह कभी खत्म नि हूंण वली आशीषों कु स्रोत च,

⁹अर सभियूं मनिख्युं तैं समझै सकदु छों, कि वेल ऊं चीजों तैं कन पूरो कैरी जौं तैं वेल पैली बट्टी कनु कु फैसला कैरी छों। यु भौत बगत पैली प्रगट नि हवे छों किलैकि परमेश्वर हरेक चीज तैं बनांण वलो ल छिपयुं छों।

¹⁰कि अब मण्डलि का द्वारा, परमेश्वर कि अनन्त बुद्धि ऊं प्रधानों अर अधिकारियों पर प्रगट किये जालो, जु अनदेखा दायरों कु जख आत्मा राज्य करदींनि प्रगट किये जौं।

¹¹परमेश्वर ल पड़ी अनन्त योजना का अनुसार इन कैरी, जु वेल हमारा प्रभु यीशु मसीह का द्वारा पूरी कैरी छै।

¹²मसीह का दगड़ी हमारा जुड़णा का कारण अर वे पर हमारा विश्वास कि वजह बट्टी, अब हम परमेश्वर कि उपस्थिति मा हिम्मत अर आत्मा विश्वास बट्टी ऐ सकदा छा।

¹³इलै मि बिनती कनु छौं कि जु दुख तुमारा बांनों मि तैं हूंणु च, वेका कारण तुम निराश नि हुयां, किलैकि यु सब तुमारा फैदा कु च।

¹⁴इलै, मि पौलुस घुंडा टेकी के तुम कु पिता परमेश्वर बट्टी प्रार्थना करदु,

¹⁵पिता परमेश्वर वीं च जु स्वर्ग अर धरती पर, हरेक कुटम्ब कु अस्तित्व हूंणो कु कारण बणद,

¹⁶मि प्रार्थना करदु छों, कि उ अपड़ा महिमा का धन मा बट्टी तुम तैं जु दान दैं, कि वेकी आत्मा तुम तैं शान्ति द्याली कि अपड़ी आत्मा मा तुम सामर्थ पै के मजबूत हवे जावा,

¹⁷अर विश्वास का द्वारा मसीह तुमारा मनों मा ज्यूंदों रो जन तुम वे पर विश्वास रखिला, कि तुम प्रेम मा मजबूत बणदी जावा, जु तुम तैं लमडण बट्टी बचांदु।

¹⁸अर पिता परमेश्वर का सभि लुखुं का दगड़ी, तुम यु जांणि पैल्या कि मसीह हम तैं भौत प्रेम करदु, वेको प्रेम कभी खत्म नि हूंण वलो च।

¹⁹मि प्रार्थना करदु छों, कि तुम तैं मसीह का प्रेम का बारा मा पता चलि जौ जु मनिख्युं कि समझ बट्टी भैर च कि तुमारो बरतौ परमेश्वर कु बरतौ का जन बंणि जौ।

²⁰परमेश्वर जु इन सामर्थी च, कि हमारी बिनती अर समझ बट्टी बढ़ि के काम कैरी सकद, वीं सामर्थ का अनुसार जु हम मा काम करद।

²¹मण्डलि मा, अर मसीह यीशु मा, वेकी बड़ै पीड़ि बट्टी पीड़ि तक सदनी हूंणी रौ। आमीन।