Read Garhwali इफिसियों 4 Bible Online

इफिसियों 4 - Garhwali bible

इफिसियों 4

¹इलै मि जु कैद मा छों किलैकि प्रभु यीशु कि सेवा करदु छों तुम बट्टी बिनती करदु छों, कि जीं बुलाहट का दगड़ी परमेश्वर ल तुम तैं अपड़ी संतान हूंणु कु बुलै, वेका लैख अपड़ा जीवन तैं ज्यां,

²मतलब सैरी दीनता अर नम्रता सहित, अर सब्र रखि के प्रेम बट्टी एक हैंका की गलतियों तैं सहन कैरी ल्या।

³यु काम मा अपड़ा सभियूं कु अच्छो कनै की कोशिश कैरा, कि तुम हमेशा मेल मिलाप मा बंणयां रावा, किलैकि तुम परमेश्वर कि आत्मा का द्वारा एक किये ग्यां छा।

⁴हम सब विश्वासी एक देह का अंगों का जन छा, अर हम सभियूं तैं एक ही पवित्र आत्मा मिल्युं च; जन तुम तैं एक आस दिये गै, जब तुम पिता परमेश्वर का लोग हूंणु कु चुणै ग्यां।

⁵भस एक ही प्रभु च, मतलब यीशु मसीह, हम सब भस प्रभु यीशु मसीह पर विश्वास करद्यां, अर हम तैं भस मसीह का नौं पर ही बपतिस्मा दिये गै,

⁶अर एक ही पिता परमेश्वर च जु सभि लुखुं कु बुबा च, उ हम सब पर राज्य करद, उ हम सभियूं का द्वारा काम करद, अर उ हम सभियूं मा रांदो।

⁷पर मसीह ल हम मा बट्टी हरेक तैं वेका माप का अनुसार या उदारता बट्टी काम कनु कु अलग-अलग विशेष योग्यता दीं च।

⁸इलै परमेश्वर का वचन मा लिख्युं च, “उ स्वर्ग मा मथि चैढी, अर उ अपड़ा दगड़ी कै कैदियों तैं ली गै, अर मनिख्युं तैं आशीषित कैरी।”

⁹जब परमेश्वर का वचन मा लिख्युं च, यु भाव कु क्य मतलब च, कि “उ मथि चैड़ि?” बल्कि यु कि उ धरती का सभि मुड़ी जगहों मा उतरी छों।

¹⁰मसीह जु मुड़ी ऐ, अर उ वीं च, जु स्वर्ग मा सब बट्टी बड़ी गद्दी पर च। मसीह ल सभि कुछ अपड़ी उपस्थिति बट्टी भुरण कु इन कैरी।

¹¹यु मसीह छों जैल यु जिम्मेदारी मण्डलि तैं द्ये; वेल कुछ तैं प्रेरित बनांणु कु चुणि, अर कुछ तैं परमेश्वर का तरपां बट्टी बुल्ण वलो ठैरे, अर कुछ तैं शुभ संदेश सुंणाण वला ठैरे, अर कुछ तैं रखवला अर उपदेशक दींण वला ठैरे दींनि।

¹²वेल लुखुं तैं यु योग्यता इलै दींनि, कि उ पिता परमेश्वर का लुखुं तैं वे कु काम कनु कु तैयार कैरी अर मसीह का देह की रूप मा मजबूत अर पक्का हूंदा जावा।

¹³यु तब तक जारी रालो जब तक कि हम अपड़ा विश्वास अर परमेश्वर का नौंना का बारा मा अपड़ी समझ मा एकजुट नि हवे जांदा। तब हम पक्का हवे जौला, जन मसीह च, अर हम पूरी रीति ल वेका समान हवे जौला।

¹⁴कि अब हम छुट्टा नौंनो जन नि हो, अर अब हम ऊं नावों का जन नि हो, जौं तैं लहर अगनैं पिछनै धकैल दे अर बथौं इना-उना घुमोंद। यांको मतलब च चालाक अर ठग लोग अब अपड़ी झूठी शिक्षा ल हम तैं धोखा नि दे सकदा।

¹⁵बल्कि प्रेम मा सच बोलि के अर हर बात मा मजबूत अर मसीह का जन हवे जावा, जु अपड़ी देह मतलब मण्डलि कु मुंड च,

¹⁶जनकै एक मनिख की देह वेका हरेक जोड़ का द्वारा एक दगड़ी जुड़यां रौदींनि अर देह कु हरेक अंग अच्छी ढंग काम करदु त देह बडद अर मजबूत हूंदी; वे जन जब हम मा हरेक वे काम तैं करदु जु मसीह ल हम तैं दियुं च त हम मजबूत बणुला अर एक दुसरा बट्टी अर जादा प्रेम करुला।

¹⁷इलै कि वे अधिकार का दगड़ी जु प्रभु ल मि तैं दियुं च, कि मि तुम तैं यु बुल्णु छों कि जन अन्यजाति का लोग अपड़ा मन कि बेतुकी बातों कि चिंता करदींनि, तुम अब फिर नि चल्यां।

¹⁸किलैकि उ समझण का लैक नि च अर वे अज्ञानता का कारण जु ऊंमा च, अर ऊंका सुनण से मना कन का कारण उ वे जीवन बट्टी दूर छिनी, जु परमेश्वर दींद;

¹⁹अर उ बुरा काम कनु कु भंगारी महसूस नि करदा, इलै ऊंल खुद तैं बुरै कनु कु दियेले, उ लगातार सभि किस्म का गंदा काम करदींनि, अर उ कभि भि यु चीजों तैं छुड़ण नि चंदींनि।

²⁰पर यु उन ही च, जु तुम ल मसीह कि शिक्षाओं मा बट्टी सीखी।

²¹जु कुछ तुम ल यीशु मसीह का बारा मा सूंणि अर कुछ हमारा शिक्षकों ल तुम तैं सिखयूं च, उ निश्चित रूप बट्टी मसीह कु सच्चो शुभ संदेश च।

²²तुमारा शिक्षकों ल तुम तैं वे ढंग छुड़ौण कि शिक्षा द्यां, जैका अनुसार तुम बरतौ करदा छा, हमारी भुरीं इच्छा ल तुम तैं धोका द्यां अर तुमारा जीवन तैं बर्बाद कैरी द्या।

²³अर अब तुम तैं परमेश्वर तैं तुमारा सुचणो कु ढंग तैं बदल दींण चयणु च,

²⁴परमेश्वर ल तुम तैं एक नयो बरतौ दियुं च जु वेको खुद का बरतौ का जन च, इलै की यु नया बरतौ का अनुसार बरतौ कैरा, अर सचै मा धर्मी अर पवित्र बंणि।

²⁵यु कारण झूठ बुल्ण छोड़ी कै, हरेक अपड़ा दगड़िया विश्वासी पड़ोसी बट्टी सच बोला, किलैकि हम सभि एक ही देह का अंग छा।

²⁶जब तुम गुस्सा मा छा, त ध्यान रखा कि कखि तुम पाप नि कैरा; घाम अछ्योंण तक तुमारो गुस्सा नि रौ।

²⁷अर न शैतान तैं धोका दींणो कु मौका दयावा।

²⁸चोरी कन वलो फिर चोरी नि कैर; पर उ मेहनत कैरा कि हथों ल कैरे गै उपयोगी कामों का द्वारा अन्य लुखुं की भि मदद कैरी सका, जौं तैं कै भि किस्मै कि जरुरत च; इलै कि जै तैं मतलब हो, वे तैं दींणु कु कुछ नि हो।

²⁹कुई गंदी बात तुमारा गिच्चा बट्टी नि निकलो, बल्कि भस उ ही बोला जु लुखुं कि उन्नति कनै कि जरुरी च, कि जु कुछ भि तुम बुल्दा छा उ सुनण वलो तैं आत्मिक रूप बट्टी फैदा कैरी साको।

³⁰पिता परमेश्वर कि पवित्र आत्मा तैं अपड़ा जीवन जीणै कि ढंग से वे तैं दुखी नि कैरा, ज्यां ल तुम पर छुटकारा दिन कु परमेश्वर ल तुम पर अपड़ी मुहर लगै द्या।

³¹सब किस्मै कि कड़वाहट, रोष, गुस्सा, कलह, अर निंदा सब बुरै समेत तुम बट्टी दूर किये जौं।

³²एक दुसरा पर मयलदु, अर दयावन्त हो, अर जन परमेश्वर मसीह मा तुमारा पाप माफ करिनि, उन ही तुम भि एक दुसरा अपराध माफ कैरा।