Read Garhwali इफिसियों 6 Bible Online

इफिसियों 6 - Garhwali bible

इफिसियों 6

¹हे नौंना, परमेश्वर का वचन मा लिख्युं च “अपड़ा ब्वे-बुबों कु आदर करयां” यु इलै हवे हे नौंना तुम जु प्रभु पर विश्वास करद्यां, हम कु ठिक च।

²“अपड़ा ब्वे अर बुबा कु आदर करयां यु पैली आज्ञा च ज्यां तैं पिता परमेश्वर ल वादा का दगड़ी दियुं च।”

³कि तब त्वे दगड़ी भलो होलो, अर धरती पर तेरु जीवन लंबो होलो।

⁴अर हे बुब्बओं, अपड़ा नौंनों तैं गुस्सा नि दिलावा पर प्रभु कि शिक्षा, अर चेतावनी दे कै ऊंको पालन पोषण कैरा।

⁵हे सेवक, जु लोग दुनिया का अनुसार हमारा स्वामि छिनी, चौकसी बट्टी ऊंको आदर अर समान कैरा, भक्ति अर कौंपदि, जन मसीह कि उन ही ऊंकी भि आज्ञा मांणा।

⁶अर यु सभि दिखांणु कु पर ऊं तैं खुश कना का मकसद बट्टी न बल्कि मसीह का सेवक का जन काम कैरा, जु अपड़ा पूरा मन बट्टी उ ही करदींनि जु परमेश्वर चांदु उ कैरा,

⁷अर खुशी का दगड़ी एक सेवा का रूप मा इन काम कैरा जन माना कि लुखुं कि न पर प्रभु सेवा कना छा।

⁸किलैकि तुम जंणदा छा, कि जु कुई जन अच्छा काम करलो, चाहे दास हो, चाहे स्वतंत्र आदिम हो, त प्रभु बट्टी वेको प्रतिफल पालो।

⁹ईं रीति बट्टी च स्वामियों, तुम तैं ऊं तैं धमकी नि दींण चयणी च, बल्कि तुम तैं अपड़ा सेवकों का दगड़ी वे ही रीति ल बरतौ कन चयणु च, जन मिल ऊं बट्टी बोलि छों, कि उ तुम दगड़ी बरतौ कैरा, किलैकि तुम जंणदा छा, कि ऊंको अर तुमारो दुयूं कु स्वामि स्वर्ग मा च, अर उ कैकी तरफदरी नि करदु।

¹⁰एक आखिरी शब्द प्रभु कि शक्तिशाली सामर्थ बट्टी मजबूत बणा।

¹¹किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग म च, इलै सभि कवच पैरिल्यां जु परमेश्वर दींद। अर जब उ बुरा दिन आलो, त तुम शैतान की चालबाजी बट्टी अपड़ो बचाव कैरी सकदा छा। अर जब यु युद्ध खत्म हवे जालो, तब तुम मजबूती ल खड़ा रै सक्यां। किलैकि हम मनिख्युं का खिलाफ युद्ध नि लड़णा छा। हम प्रधानों अर अधिकारियों का खिलाफ अर अंधेरा का हकीमों बट्टी अर आत्मिक दुनिया का सामर्थ का खिलाफ लड़णा छा, जु स्वर्ग मा च।

¹²

¹³

¹⁴इलै परमेश्वर कि सचै तैं अपड़ी कमर बैल्ट का जन बंदधिल्या, अर तुमारो बरतौ धार्मिकता कु हो, जु एक झीलम पैरण का जन च।

¹⁵अर पिता परमेश्वर की शान्ति कु शुभ सन्देश सुनांणु कु तुम्हरी इच्छा ठिक उन ही हूंण चयणी च, जन एक सिपै लड़ै कु अपड़ा जुत्ता पैरी के तैयार हूंद;

¹⁶यांका अलावा जन के एक सिपै ढाल ले के अपड़ा मथि आंण वलो दुश्मन तैं तीर बट्टी अपड़ा आप तैं बचांदु, वे ही मसीह पर मजबूत विश्वास रखा कि मसीह तुम तैं दुष्ट शैतान का द्वारा नुकसान पौंछण वला जगदा तीरों बट्टी बचै के रखो।

¹⁷जन एक सिपै अपड़ा मुंड तैं युद्ध मा टोप पैरदो, उन ही परमेश्वर तुम तैं शैतान बट्टी बचालो। जन एक सिपै खुद कु बचाव कु एक तलवार लींदु, उन ही अपड़ा उद्धार कु पिता परमेश्वर का वचन इस्तेमाल कैरा, यु पवित्र आत्मा कि तरपां बट्टी च।

¹⁸अर हर बगत अर हर प्रकार बट्टी जन पवित्र आत्मा अगवै करदु, प्रार्थना अर बिनती कना रावा, अर बिंज्यां रावा कि सभि पवित्र लुखुं कु हमेशा बिनती किया कैरा,

¹⁹अर मि कु भि प्रार्थना कैरी कै पिता परमेश्वर बट्टी बुल्यां कि उ मि तैं बुल्ण मा ठिक शब्द द्यां कि मि साहस बट्टी शुभ सन्देश प्रचार का बारा मा जु सभि लुखुं कु च, वेका गुप्त बातों तैं समझी सका,

²⁰इलै कि मि संगलों बट्टी जकड़ियूं छो, अर राजदूत का जन सेवा कनु छों, प्रार्थना कैरा कि मि तैं जन बुल्ण चयणु च, बगैर डरयां शुभ संदेश कु प्रचार कैरी साको।

²¹प्रभु कि संगति मा प्रिय भैय अर विश्वासी सेवक तुखिकुस तुम सभियूं तैं बतौ दयालो, कि तुम भि जांणि जा कि मि कन छों अर कि कनु छों।

²²वे तैं मिल तुम मा इलै भेजि, कि तुम हमारी दशा तैं जांणि जां, अर उ तुमारा मनों तैं बढ़ावा द्ये सका।

²³मि हमारा पिता परमेश्वर बट्टी अर प्रभु यीशु मसीह बट्टी प्रार्थना करदु कि उ तुम विश्वासियों तैं शान्ति द्यां, उ इन कैरा कि तुम एक दुसरा बट्टी प्रेम कैरा अर मसीह पर हमेशा विश्वास करदी रावा।

²⁴पिता परमेश्वर ऊं सभियूं तैं अपड़ी कृपा दिखौ जु हमारा प्रभु यीशु मसीह बट्टी प्रेम रखदींनि, उ प्रेम जु कभि खत्म नि हो।