Read Garhwali फिलिप्पियों 3 Bible Online

फिलिप्पियों 3 - Garhwali bible

फिलिप्पियों 3

¹इलै हे मेरा विश्वासी भयों, प्रभु मा खुश रावा। एक ही बात तुम तैं बार-बार लिखण मा मि तैं कुई कष्ट नि हूंदो, मेरा द्वारा यूं बातों तैं दोहरांण तुम्हरी मदद करलो कि तुम भटकी नि जावा।

²बुरा काम कन वलो बट्टी सचेत रावा जु कि कुत्तों जन खतरनाक छिनी, उ लुखुं बट्टी सचेत रावा जु बुल्दींनि कि तुम तैं बचै जांणु कु खतना कन जरूरी च।

³किलैकि पिता परमेश्वर का सच्चा लोग व खतनावला हम ही छा, जु पिता परमेश्वर की आराधना वेकी आत्मा का द्वारा करदींनि अर अपड़ा जीवन मा मसीह यीशु का दगड़ा मा जुड़ी कै खुशी हूंदींनि, अर अपड़ा खुद का मानवीय कोशिशों पर निर्भर नि हूंदींनि।

⁴जबकि, मि मा अपड़ा खुद का मानवीय कोशिशों पर निर्भर रौंणो कु भि कारण च। जु कुई इन सुचदा कि ऊंमा इन मानवीय कोशिशों पर निर्भर रौंणा कु और अच्छा कारण छिनी त मि वे बट्टी भि बड़ी के रखि सकदु।

⁵किलैकि जब मि आठ दिन कु छो तब मेरू खतना हवे जन पिता परमेश्वर की आज्ञा दीं च, अर मि इस्राएली जाति कु छौं अर बिन्यामीन का गोत्र कु छौं; अर मेरा ब्वे-बुबा इब्रानी छा, इलै मि भि एक इब्रानी छों; अर जु मूसा द्वारा लिखीं परमेश्वर की व्यवस्था का बारा मा पालन कन वलो बोला त मि एक फरीसी छों।

⁶अर जु साहस का बारा मा बोला त मि मण्डलि तैं सतौंण वलो छो; अर यहूदी, मूसा द्वारा लिखीं परमेश्वर की व्यवस्था तैं मनणु मा, मि एक धर्मी आदिम छों किलैकि मि ऊं सभियूं तैं भि मंणदों।

⁷पर जु-जु बात मेरा फैदा कि छिनी, ऊं तैं ही मिल यीशु मसीह का बानौ नुकसान कि बात समझी।

⁸पर यां बट्टी बड़ी के मि अपड़ा प्रभु यीशु मसीह कि पैछांणै कि महानता का बानौ सब बातों तैं बेकार समझदु। जैका बानौ मिल सभि चीजों तैं छोड़ी दींनि, अर ऊं तैं खौड़ कटग्यार समझुदु, जन कै मि यीशु मसीह की आज्ञा कु पालन कैर साको।

⁹अर मि ऊं दगड़ी एक हवे के रै साको; मेरी धार्मिकता मूसा द्वारा लिखीं परमेश्वर की व्यवस्था कु मेरी आज्ञाकारिता पर निर्भर नि च, बल्कि य व धार्मिकता च जै तैं भस मसीह मा मेरा विश्वास का कारण पिता परमेश्वर मि तैं दींद।

¹⁰मि यु चांद कि मसीह तैं जांणि जौ। अर वेका मुर्दों मा बट्टी ज्यून्दो हूंण की सामर्थ कु अनुभव कैरी के अर वेका दुखों मा शामिल हवे के वेकी मौत मा वे जन बंणि जौं।

¹¹इलै ईं आस मा कि मि मुर्दों मा बट्टी मोरि के ज्यून्दो हूंणा कु अनुभव कैर साको।

¹²मि यु दावा नि करदु, कि मिल यु सब कुछ पैली ही पयले, मि वीं सिद्धांता तैं पांणु कु भौत कोशिश कनु छो, अर मि वीं चीज तैं पांणु कु अगनैं बढ़दी जांणु छों, कि मि सिद्ध हवे जौं, ज्यांकु यीशु मसीह ल मि तैं चुणि छो।

¹³हे विश्वासी भयों, मि यु दावा नि करदु, कि मिल उ लक्ष्य पयले; पर एक काम करदु कि जु पैली हवे गै मि वे तैं भूली के, भविष्य मा लक्ष्य कु कठोर मेहनत करदी रौंदु,

¹⁴मसीह यीशु मा पिता परमेश्वर की स्वर्गीय बुलाहट का ईनाम तैं पांणु कु निशान का जनै बढ़दी जांद।

¹⁵हम सभि जु आत्मिक रूप मा मजबूत विश्वासी मसीह पर विश्वास करदा, उ इन ही सोच अर जु कैं बात मा और कुछ सोच त पिता परमेश्वर वे तैं भि तुम पर प्रगट कैरी द्यायालु।

¹⁶इलै हम तैं सचै ल जींण चयणु च जै तैं पिता परमेश्वर ल हम पर प्रगट कैरी।

¹⁷हे विश्वासी भयों, मि जन बरतौ कु पीछो कैरा अर ऊं लुखुं पर ध्यान द्या जु मेरा बरतौ को पीछो करदींनि अर तुम ऊंको पीछो कैरा जन तुम ल हम तैं बरतौ करद देखि जब हम तुम दगड़ी छा।

¹⁸किलैकि भौत सी लोग इन ही जीवन बसर करदींनि, जौं का बारा मा मिल तुम तैं कथगि बार बतै अर अभि भि रौवे-रौवे के बुल्णु छौं, कि उ अपड़ा बुरा बरतौ ल दिखौंदींनि जीं वजह से मसीह सूली पर मोरि उ वेको विरोध करदींनि।

¹⁹ऊंको अंत विंणास च, उ भस अपड़ा देह की इच्छाओं तैं संतुष्ट कनु कु ज्यूंदींनि, उ अपड़ी बेशर्मी कि बातों पर बड़ो मोन करदींनि, अर उ हमेशा धरती की चिज्युं का बार मा सुचणा रौन्दींनि।

²⁰पर हमारो अपड़ो देश स्वर्ग मा च; अर हम अपड़ा उद्धारकर्ता प्रभु यीशु मसीह कु स्वर्ग बट्टी वापिस औंण की जुगाल कना छा।

²¹उ अपड़ी वीं शक्ति का द्वारा ज्यां ल उ सब चीजों तैं अपड़ा वश मा करदो, वीं शक्ति का द्वारा उ हमारा कमजोर देह कु रूप बदली के अपड़ा प्रतापमय देह जन बंणै दयालो।