Read Garhwali 1 थिस्सलुनीकियों 1 Bible Online

1 थिस्सलुनीकियों 1 - Garhwali bible

1 थिस्सलुनीकियों 1

¹या चिट्ठी मि पौलुस, सिलवानुस अर तीमुथियुस की तरपां बट्टी च। जु थिस्सलुनीकियों शहर की विश्वासी मण्डलि का लुखुं कु हम लिखणां छा, जु पिता परमेश्वर अर प्रभु यीशु मसीह बट्टी जुड़यांं छिनी मि प्रार्थना करदु कि पिता परमेश्वर तुम पर अपड़ी कृपा कैरो अर तुम तैं शान्ति मिलदी रौ।

²हम तुम सभि लुखुं कु पिता परमेश्वर कु धन्यवाद करदां अर अपड़ी प्रार्थनाओं मा तुम तैं सदनी याद करदां।

³अर जब हम अपड़ा पिता परमेश्वर बट्टी प्रार्थना करदां, तब हम तुम्हरा ऊं कामों तैं याद करद्यां जु तुम विश्वास का कारण करदां अर विश्वासियों की मदद कनु कु जु कड़ी मेहनत करदां किलैकि तुम उ बट्टी प्रेम करद्यां, अर दुखों तैं सौंदयां किलैकि तुम प्रभु यीशु मसीह का वापिस लौटणैं की आस करद्यां।

⁴अर हे विश्वासी भयों, उ लोग जै तैं पिता परमेश्वर प्रेम करद हम जंणदा छा कि पिता परमेश्वर ल तुम तैं अपड़ा लोग हूंणु कु चुणयूं च।

⁵किलैकि हमारो यीशु मसीह का बार मा शुभ सन्देश तुम तैं भस शब्दो मा ही नि सुणै बल्कि पवित्र आत्मा की सामर्थ अर पक्का विश्वास का दगड़ी सुणै गै अर तुम अफी जंणदा छा कि जब हम तुमारा बीच रांदा छा तब तुम्हरी भलै का बानौ हम ल कै किस्मै कु जीवन बसर कैरी।

⁶तुम पर भौत क्लेश छा पर तुम ल पवित्र आत्मा का द्वारा दीं खुशी का दगड़ी शुभ संदेश तैं स्वीकार कैरी अर तुम ल प्रभु अर हमारो एक उदाहरण का रूप मा अनुसरण कैरी।

⁷इख तक कि मकिदुनिया प्रान्त अर अखाया प्रान्त का सब विश्वासियों कु तुम आदर्श बणयां।

⁸किलैकि तुमारा इख बट्टी न भस मकिदुनिया प्रान्त अर अखाया प्रान्त मा प्रभु कु वचन सुंणये गै पर तुमारा विश्वास कि जु पिता परमेश्वर पर च, वांकि वजह से, हम लुखुं तैं पिता परमेश्वर मा तुम्हरा विश्वास का बारा मा हम तैं बतांण दिखदियां। इलै हम तैं दूसरों तैं तुम्हरा बारा मा कुछ भि बतौंण की कुई जरूरत नि च।

⁹किलैकि उ लोग दूसरों तैं बतौंदींनि कि जब तक तुम दगड़ा मा छा त तुम ल कन कै हमारो स्वागत कैरी छो अर तुम कनके मूर्तियों बट्टी हटि कै पिता परमेश्वर कि तरपां फिरयां कि ज्यून्दा अर सच्चा पिता परमेश्वर की सेवा कैरा।

¹⁰अर पिता परमेश्वर का नौंना की स्वर्ग बट्टी फिर से आंणै की आस कना छिनी, जै तैं पिता परमेश्वर ल मुर्दों मा बट्टी ज्यूँदो कैरी यानि यीशु तैं जु हम तैं पिता परमेश्वर का आंण वला प्रकोप से बचांदु।