Read Garhwali 1 तीमुथियुस 1 Bible Online

1 तीमुथियुस 1 - Garhwali bible

1 तीमुथियुस 1

¹मि पौलुस जु हमारा उद्धारकर्ता पिता परमेश्वर का अधिकार ल अर मसीह यीशु, जै मा हम आस रखदां, एक प्रेरित छो।

²मि तीमुथियुस ईं चिठ्ठी तैं लिखणु छो, तू मेरा अपड़ा नौंना जन छै किलैकि तू भि मसीह पर विश्वास करदी छै; मि प्रार्थना करदु कि पिता परमेश्वर अर हमारा प्रभु यीशु मसीह बट्टी त्वे तैं कृपा, दया अर शान्ति मिलदी रौ।

³मि त्वे तैं फिर से बतौंणु छो कि मिल इफिसुस शहर तैं छोड़ी के मकिदुनिया प्रान्त मा जांण से पैली त्वे बट्टी क्य बिनती कैरी छै कि इफिसुस मा रै के ऊं झूठा अगुवों तैं आज्ञा द्ये के, कि उ झूठा नियमों तैं सिखांण बन्द कैरा जु गलत छिनी,

⁴अर ऊं झूठी कथों पर अर सदनी कि वंशावली पर मन लगै के बगत खराब नि कैरा, ज्यां ल झगड़ा हूंदींनि; यु झगड़ा पिता परमेश्वर की योजना मा रुकावट बणद जु भस ऊं लुखुं द्वारा किये जा सकद जु वे पर विश्वास करदींनि।

⁵मेरी तुम तैं आज्ञा दींणु को कारण यु च कि तुम एक हैंका बट्टी शुद्ध मन अच्छा विवेक अर निष्कपट विश्वास बट्टी प्रेम कैरा।

⁶झूठा शिक्षकों ल यूं सभि चिज्युं तैं कन बंद कैरेले अर भस बेकार बातों पर ही बात करदींनि,

⁷यु झूठा शिक्षक मूसा की व्यवस्था तैं सिखांण वला बनण चंदींनि, पर हकीकत मा उ कुछ भि नि जणदींनि कि उ क्य सिखौंण की कोशिश कना छिनी अर बड़ा आत्मविश्वास का दगड़ा अगनैं आंणा छिनी।

⁸हम त जंणदा ही छा कि व्यवस्था तैं सिखांण अच्छो च पर तभि जब लोग व्यवस्था तैं ठिक से सीखा।

⁹अर इन भि जंणदा कि व्यवस्था धर्मी लुखुं कु नि च, बल्कि अधर्मियों कु, बकवास कन वलो कु, भक्ति नि कन वलो कु, पापी लुखुं कु, अर अपवित्र लुखुं कु, अर अशुद्ध मनिख्युं कु, ब्वे-बुबा कि हत्या कन वलो कु, हत्या कन वलो कु,

¹⁰व्यभिचारी अर पुरुषगामी लुखुं कु, मनिख्युं तैं बिचण वलो कु, झूठ बुल्ण वलो कु, अर झूठी सौं खांण वलो कु, ठैरैइं च अर यूं लुखुं का आलावा ऊंकु भि जु सच्चा उपदेश कु विरोध करदींनि।

¹¹य शिक्षा वे शुभ सन्देश पर जुड़ीं च जु वीं महिमा का बारा मा जु धन्य पिता परमेश्वर बट्टी जुड़यां छिनी, पिता परमेश्वर ल मि तैं यु शुभ संदेश दूसरो तैं बतौंणु कु दियुं च।

¹²मि अपड़ा प्रभु मसीह यीशु को जै ल मि तैं सामर्थ दींनि, धन्यवाद करदु; कि वेल मि तैं विश्वास का लैख समझिके अपड़ी सेवा कु ठैरे।

¹³प्रभु पर विश्वास कन से पैली मि मसीह का बारा मा बुरै कन वलो, अर विश्वासी लुखुं तैं सतौंण वलो, अन्यो कन वलो, तब भि पिता परमेश्वर ल मि पर कृपा कैरी, किलैकि मिल अविश्वासी कि दशा मा बगैर समझिके यु काम कैरी छा।

¹⁴हमारा प्रभु ल हमेशा मि पर अपड़ी भरपूर दया दिखै, वेल मि तैं विश्वास अर प्रेम द्ये किलैकि मि मसीह यीशु का दगड़ी जुड़यूं छो।

¹⁵या बात सच च अर जै तैं पूरा ढंग से स्वीकार अर विश्वास किये जांण चयणु च कि मसीह यीशु हम पापियों तैं बचांणु अर उद्धार कनु कु ईं दुनिया मा ऐ, जौं मा सबसे बड़ो पापी मि छौं।

¹⁶पर मसीह यीशु ल मेरा प्रति दया दिखै मि तैं माफ कैरी, जैल सबसे जादा पाप कैरी, उ यु दिखांण चांदो छो कि उ कथग सहनशील च, यु ऊं लुखुं कु एक उदाहरण होलो जु बाद मा वे पर विश्वास करला अर अनन्त जीवन तैं प्राप्त करला।

¹⁷अब उ राजा जु हमेशा कु राज्य करद, यानि जु हमेशा कु ज्यूँदो च, जै तैं कुई देखि नि सकद एकमात्र परमेश्वर कु आदर अर महिमा जुग-जुग तक हूंणी रौ। आमीन।

¹⁸हे नौंना तीमुथियुस, य आज्ञा जु मि त्वे तैं दींणु छो; मि त्वे तैं ऊं बातों तैं याद कनु कु बुल्णु छो जु पुरणा बगत मा परमेश्वर का तरपां बट्टी बुल्ण वलो ल बोलि उ त्वे दगड़ी होली; झूठा शिक्षकों का विरोध मा अर विश्वास का प्रति अच्छी लड़ै तैं लड़दी रौ।

¹⁹कुछ लुखुं ल अपड़ा शुद्ध विवेक तैं छोडे़ले, अर ऊंल मसीह पर विश्वास कनै की अपड़ी योग्यता कु नाश कैरेले, ठिक उन ही जन एक जहाज का टकरांण जहाज कु नाश कैरी दींद।

²⁰ऊं मदि हुमिनयुस अर सिकन्दर च जौं तैं मिल विश्वासियों की मण्डलि बट्टी भैर कैरे ल शैतान का हथ मा सौंपैले, कि उ पिता परमेश्वर कि बुरै कन बंद कैरा।