Read Garhwali 1 तीमुथियुस 2 Bible Online

1 तीमुथियुस 2 - Garhwali bible

1 तीमुथियुस 2

¹अब मि और सभि बातों बट्टी बढ़ि के, कि बिनती, प्रार्थना, निवेदन, धन्यवाद, सभि मनिख्युं कु किये जौं।

²राजाओं कु अर ऊं सभि लुखुं कु प्रार्थना कैरा जु अधिकारी छिनी, कि उ हम तैं शान्ति अर सुरक्षित रौंण मा मदद कैरा, कि हम पिता परमेश्वर की आराधना कैरी साका, अर दूसरों का प्रति हमेशा अच्छो बरतौ रखा।

³सभि लुखुं कु इन कै प्रार्थना कन ठिक च, अर हमारो उद्धारकर्ता पिता परमेश्वर यु तैं स्वीकार भि करद।

⁴उ चांदो च कि सभियूं तैं सचै कु ज्ञान हो अर उ बचि जा।[1]

⁵किलैकि भस एक ही पिता परमेश्वर च अर वेका अर मनिख्युं का बीच मा भि भस एक ही जुड़ण वलो च, यानि मसीह यीशु जु कि मनिख का रूप मा पैदा हवे।

⁶मसीह ल पाप अर मौत की शक्ति बट्टी सभि लुखुं तैं छुटकारा कनु कु अपड़ा आप तैं बलिदान कैरी दींनि; वेकी मौत बट्टी, पिता परमेश्वर ल ठिक बगत पर साबित कैरी उ चांदो कि सभि लोग बचै जां।

⁷इलै, पिता परमेश्वर ल मि तैं शुभ संदेश को प्रचारक अर एक प्रेरित हूंणु कु ठैरा, वेल मि तैं अन्यजातियों तैं विश्वास कु सचो संदेश सिखांणु कु चुणि; मि झूठ नि बुल्णु छो; मि सच बुल्णु छो।

⁸मि इन चांणु छौं कि हरेक जगह मा जु आदिम पवित्र जीवन जींणु च, जब भि तुम पिता परमेश्वर की आराधना कनु कु मिलद्यां, बगैर गुस्सा अर झगड़ा का अपड़ा हथ उठै कै प्रार्थना किया कैरा।

⁹उन ही मि चांदु कि विश्वासी जनन भि सही ढंग का कपड़ा पैरून, इन कपड़ा जु समाज मा योग्य हो; अर बनि-बनि किस्मै का बाल बणै के अर सोना अर मोतियों अर मैहंगा-मैहंगा कपड़ोंं बट्टी दुसरों तैं आकर्षित नि करुनु।

¹⁰यांका बजाय, ऊं तैं दुसरा लुखुं कु भला काम कैरी के अफ तैं सुंदर बनौण चयणु च किलैकि विश्वासी जननों तैं इन कन अच्छो लगद।

¹¹जब आदिम ऊं तैं सिखांणु हो, त जननों तैं चुपचाप रै कर सुनण अर सिखण चयणु च।

¹²मि जननों तैं आदिमों पर शिक्षा दींण या ऊं पर अधिकार रखणै अनुमति नि दींद; जब तुम प्रभु की आराधना कु कठ्ठा हो त जननों तैं चुप रौंण चयणु च।

¹³मि यु इलै बुल्णु छो, किलैकि पिता परमेश्वर ल मनिख्युं मा पैली आदम अर बाद मा जनन हव्वा बणै[2]।

¹⁴अर आदम शैतान का द्वारा भकलौंण मा नि, पर हव्वा भकलौंण मा ऐ के अपराधी बंणि।[3]

¹⁵पर पिता परमेश्वर जननों तैं बच्चों तैं जन्म दींण ल बचालो, जु वीं मा एक शुद्ध मन हो अर व मसीह पर अपड़ा विश्वास मा डगमांदी नि हो, अर व दूसरों बट्टी प्रेम करदी रौ, अर अपड़ा जीवन मा बगैर भंगार का हो।