Read Garhwali इब्रानियों 10 Bible Online

इब्रानियों 10 - Garhwali bible

इब्रानियों 10

¹मूसा की व्यवस्था की पुरणी रीति भविष्य मा आंण वला चीजों की भस एक तस्वीर छै, न कि ऊं अच्छी चीजों की हकीकत जु मसीह ल हम कु कैरी; पुरणी रीति का अधीन चढै जांणवला बलिदान साल हर साल बार-बार चढै जांदा छा, पर उ, ऊं लुखुं तैं पूरी रीति से शुद्धता प्रदान कना का लैक नि छो, जु परमेश्वर की आराधना कनु कु वेका नजदीक औंदींनि।

²जु मूसा की व्यवस्था ऊं तैं सिद्ध बणै सकद, त बलिदान चढ़ांण बंद हवे जांदा; आराधना कन वला जु भक्त हकीकत मा अपड़ा पापों बट्टी शुद्ध हवे जांदा अर उ अगनैं बट्टी पाप का भंगार तैं महसूस नि करदा।

³पर जानवरों कु बलिदान को ल्वे पापों तैं दूर नि कैरी सकद; बल्कि, साल हर साल यु लुखुं तैं ऊंका पापों तैं याद दिलांद जु ऊंल कैरी छा।

⁴किलैकि य बात अनोखी च, कि बल्द अर बखरों कु ल्वे पापों तैं दूर कैरो।

⁵इलै मसीह दुनिया मा आंण बगत बुल्द, तू बलिदान अर भेंट नि चांदी; उ बलिदान जु जानवरों तैं पूरा ढंग से जलै कै चढै जांद, अर उ बलिदान जु पापों की माफी कु भेंट का रूप मा चढै जांद, उ पिता परमेश्वर त्वे तैं खुश नि करद। पर तिल मि तैं एक मनिख बणै।

⁷तब मसीह ल पिता परमेश्वर बट्टी बोलि, “हे पिता परमेश्वर, मि इख छों, कि तेरी इच्छा तैं पूरी कैरो, जन कि मेरा बारा मा परमेश्वर का वचन (चाम्रपत्र) मा लिख्युं च।”

⁸मूसा की व्यवस्था सिखांदी, कि बलिदान अर भेंट पाप का कारण ही चढ़ै जांदी; पर मसीह ल यूं बातों कु जिक्र किलै कैरी अर बोलि कि पिता परमेश्वर यूं तैं नि चांद?

⁹फिर वेल बोलि, “देख, मि उ ही कनु कु अयुं जु तू चांदी छै।” पिता परमेश्वर बलिदानों की पैली व्यवस्था तैं खत्म कैरी दींद कि उ एक नई व्यवस्था तैं स्थापित कैर साक। अर इलै ही, हम वे बलिदान का द्वारा पवित्र करे ग्यां जु यीशु मसीह ल अपड़ा देह का द्वारा एक बार अर हमेशा कु चढ़ै दींनि।[55]

¹¹हर एक यहूदी याजक हर-रोज वेदी का संमणी खड़ो हूंद अर लुखुं का पापों तैं दूर कनु कु रीतियों तैं पूरो करदो। उ लगातार एक ही जन बलिदानों तैं चढ़ौणु रौंदो जु कभी भि वे आदिम का पापों तैं दूर नि कैरी सकद, जु वेल कैरी।[56]

¹²पर मसीह ल पापों की माफी कु अपड़ा आप तैं हमेशा कु भस एक बलिदान का रूप मा चढ़ै; तब उ पिता परमेश्वर का दैंणा तरपां सिंहासन पर सबसे बड़ी सम्मान की जगह पर हमेशा कु बैठी गै।

¹³किलैकि मसीह ल अपड़ा आप तैं भस एक बार बलिदान का रूप मा पिता परमेश्वर तैं दे दींनि अर इलै वेका लुखुं तैं पवित्र किये गै अर उ सच मा हमेशा कु धर्मी बंणि गैनी। अर उ उख अब अपड़ा सभि दुश्मनों तैं पूरा ढंग से अपड़ा अधीन कनु कु पिता परमेश्वर कु इन्तेजार कनु च।[57]

¹⁵अर पवित्र आत्मा भि हम तैं यु ही बतांद कि यु सच च,

¹⁶“प्रभु परमेश्वर ल अपड़ा वीं नई प्रतिज्ञा तैं याद कैरी के जैका बारा मा पैली बोलि छो; कि जु वाचा मि ऊं दिनों का बाद जु वाचा मि ऊं बट्टी बंधलु उ या च कि मि अपड़ी व्यवस्था तैं ऊंका हृदय मा लिखुलु अर मि ऊंका विवेक मा डललु।”

¹⁷फिर प्रभु परमेश्वर बुल्द, “मि ऊंका पापों तैं, अर ऊंका अधर्मों का कामों तैं फिर कभी याद नि करुलु।”[58]

¹⁸अर पिता परमेश्वर हमारा पापों तैं माफ करद, त अब कुई भि दूसरो बलिदान दींणै की जरूरत नि च।

¹⁹इलै, प्रिय विश्वासी भयों, किलैकि यीशु ल अपड़ा ल्वे का द्वारा हम कु अपड़ो जीवन बलिदान कैरेले, हम हिम्मत का दगड़ी स्वर्गीय मन्दिर मा परम पवित्र जगह मा प्रवेश कैरी सकदा।

²⁰जब मसीह मोरि त वेल हम कु एक नयो रस्ता खोलि कि हम इन ही जीवन जियां जैको कुई अंत नि च; वेल यु रस्ता अपड़ी देह मा बट्टी हवे के खोलि दींनि, येको मतलब यो च कि वेल अपड़ा आप तैं एक बलिदान के रूप मा चढै के हम कु यु सब कैरी।

²¹अर किलैकि हमारो एक महान याजक च जु पिता परमेश्वर का स्वर्गीय मन्दिर पर राज्य करद।

²²त आवा हम; मसीह का ल्वे बट्टी छिड़कौ का द्वारा हमारा हृदय का अपराधों तैं दूर कैरा अर अपड़ा देह तैं शुद्ध पांणी बट्टी धवा जैका द्वारा हम तैयार किये जांदा; इलै अब आवा, चला हम सच्चा हृदय अर मजबूत विश्वास का दगड़ी पिता परमेश्वर का नजदीक जां।[59]

²³अर अपड़ी आस का अंगीकार तैं मजबूती ल थामि के रखा; किलैकि पिता परमेश्वर विश्वासयोग्यता ल उ सब कुछ करलो जै तैं कनु कु वादा वेल हम दगड़ी कैरी।

²⁴आवा हम एक-दुसरा का प्रति प्रेम से रौंणो कु अर अच्छा कामों तैं कनु कु एक-दुसरा तैं प्रोत्साहित करदी रा।

²⁵आवा हम कुछ लुखुं का जन, पिता परमेश्वर की आराधना कनु कु कठ्ठा हूंण बंद नि कैरा, पर हम तैं एक-दुसरा तैं प्रोत्साहित कन चयणु च, अर चितांण चयणु च, ज्यादातर अब जबकि प्रभु को फिर से वापिस आंणो को दिन नजीक आंणु च।

²⁶हम तैं यूं कामों तैं कन चयणु च, किलैकि जब हम ल जांणि कि शुभ संदेश की सचै क्य च तब भि जु हम पाप करदी रां, त कुई और बलिदान नि च जु हमारा पापों तैं दूर कैर साको।

²⁷पर ऊं तैं भस भय का दगड़ी पिता परमेश्वर कु न्याय को अर तेज प्रचण्ड आग की ही उम्मीद कन चयणी च जु ऊं लुखुं कु नाश कैरी द्याली जु पिता परमेश्वर को विरोध करदींनि। [60]

²⁸जबकि मूसा की व्यवस्था तैं नि मनणु वला द्वी या तीन लुखुं की गव्है पर, बगैर दया का मारि डलै जांद।[61]

²⁹जु मूसा की व्यवस्था का अनुसार इन सजा छै, त वे आदिम की सजा भौत बड़ी होली जु पिता परमेश्वर का नौंनो कु तिरस्कार करदींनि; वेल पिता परमेश्वर का नौंनो तैं अपड़ा खुट्टों मुड़ी मींडी येले किलैकि वेल वेको सम्मान नि कैरी; वेल मसीह का ल्वे तैं पवित्र नि मांणी अर अशुद्ध ठैरे जैका द्वारा पिता परमेश्वर ल वे तैं पवित्र बनांणु कु नई प्रतिज्ञा शुरू कैरी; वेल पवित्र आत्मा कु अपमान कैरी जैका द्वारा वे पर दया हवे।[62]

³⁰ऊं तैं बहुत कठोर दण्ड दिये जालो किलैकि यु पिता परमेश्वर च जैल य बात बोलि; “बदला लींण मेरू काम च, मि ही बदला लियुलु।” अर फिर यु कि, “प्रभु अपड़ा लुखुं कु न्याय करलो।”[63]

³¹जीवित पिता परमेश्वर का हथों बट्टी दण्ड पांण एक भौत ही भयानक बात च।

³²ऊं पिछला दिनों का बारा मा सोचा जब तुम ल पैली बार मसीह का बारा मा जांणि छो। याद कैरा कि तुम कन विश्वासयोग्य बणयां रयां चाहे तुम तैं यांका खातिर भयंकर कष्ट झिलण भि पोड़ी।

³³कभी-कभी त इन हवे, कि तुम्हरी बेजती हवे, अर अत्याचार सै के तमाशा बंणि, अर कई बार तुम अपड़ी इच्छा ल ऊं लुखुं मा शामिल हवे ग्यां जै की बेजती किये जांद अर जौं दगड़ी बुरो बरतौ हूंद छो।

³⁴तुम कैदियों का दुःख मा भि दुःखी हुयां, अर अपड़ी संपत्ति भि खुशी से लुटै दींनि; किलैकि तुम जंणदा छा कि तुम मा अब भि उ सब चीज छिनी जैको वादा पिता परमेश्वर ल कैरी छो, जु कि भौत खास च अर जु हमेशा कु बंणि रौंदी।

³⁵प्रभु पर यु विश्वास तैं नि हरचयां, चाहे कुछ भि हवे जौं; वे बड़ा प्रतिफल तैं याद रखा जु प्रभु तुम तैं दयालो।

³⁶अभि तुम तैं धीरज का दगड़ी सौण की जरूरत च; तब तुम पिता परमेश्वर की इच्छा तैं पूरी करला अर तुम तैं उ सभि चीज मिललि जैको पिता परमेश्वर ल वादा कैरी।

³⁷“किलैकि परमेश्वर का वचन मा लिख्युं च; अब भौत ही कम बगत रै गै, जबकि आंणवलो आलो, अर देर नि करलो।

³⁸अर मेरू धर्मी जन विश्वास ल ज्यूँदो रालो, पर जु ऊंमा बट्टी कुछ मि तैं अस्वीकार कैरी दयाला, त मि हकीकत मा ऊं बट्टी खुश नि रौलु।”[64]

³⁹पर हम ऊं लुखुं मा नि छा जु पिता परमेश्वर बट्टी पिछनै हटि जंदींनि अर नाश हवे जंदींनि; पर हम ऊं लुखुं मा छा जु विश्वास बणै रखदां अर जौंकी आत्मा बचि जयदींनि।