Read Garhwali इब्रानियों 11 Bible Online

इब्रानियों 11 - Garhwali bible

इब्रानियों 11

¹जु लोग पिता परमेश्वर पर विश्वास करदींनि ऊं तैं यकीन च कि परमेश्वर ऊं तैं उ सभि कुछ दयालो ज्यांकी उ आस करदींनि; अर यु निश्चित च कि जूं चीजों तैं उ अभि तक नि दिखदींनि उ हकीकत मा छिनी।

²हमारा पुरणा इन ही विश्वास करदा छा; इलै ही पिता परमेश्वर ऊं बट्टी खुश छो।

³विश्वास ही ल हम जणदां, कि सैरी दुनिया की रचना पिता परमेश्वर का वचन का द्वारा हवे; इलै हम जु भि दिखदा उ वीं चीजों बट्टी नि बणयूं जौं तैं दिखै नि जै सकद।[65]

⁴विश्वास ही का कारण आदम का नौंना हाबिल ल अपड़ा बड़ा भैय कैन से बढ़िया बलिदान पिता परमेश्वर कु चढै; अर वीं भेट का द्वारा पिता परमेश्वर ल हाबिल तैं एक धर्मी का रूप मा स्वीकार कैरी; पिता परमेश्वर वेका बलिदान बट्टी खुश छो, हाबिल अपड़ी मौत का बाद भि, हम तैं सिखै गै कि विश्वास कन हूंण चयणु च।[66]

⁵हनोक नौं का आदिम का विश्वास का द्वारा पिता परमेश्वर वे तैं ज्यूँदो स्वर्ग मा ली गैनी; किलैकि विश्वास का द्वारा परमेश्वर ल वे तैं स्वर्ग मा उठै अर स्वर्ग मा ली जांण से पैली हनोक ल पिता परमेश्वर तैं खुश कैरी, जन कि परमेश्वर का वचन मा लिख्युं च।[67]

⁶अर पिता परमेश्वर पर विश्वास कैरी के ही हम वे तैं खुश कैरी सकदा, किलैकि पिता परमेश्वर का संमणी आंण वला तैं वे पर विश्वास कन चयणु च, कि उ छै च; अर उ जु वे तैं सचै का दगड़ी खुजदींनि, उ, ऊं तैं ऊंको प्रतिफल दयालो।

⁷विश्वास ही ल नूह नौं का आदिम ल जब वे तैं एक बाड़ का बारा मा पिता परमेश्वर ल चेतावनी द्ये जु वेल कभी नि देखि छै, त वेल पवित्र डौर का दगड़ी अपड़ा परिवार का बचाव अर उद्धार कु पांणी कु जहाज बणै, अर नूह का विश्वास से पैली, बकि दुनिया का लोग जु विश्वास नि करदा छा, ऊंल वेकी निंदा कैरी अर ऊं तैं भंगारी ठैरगे; किलैकि नूह ल पिता परमेश्वर पर भरोसा कैरी, इलै पिता परमेश्वर ल वे तैं धर्मी ठैरे।[68]

⁸विश्वास बट्टी ही अब्राहम ही जब पिता परमेश्वर ल वे तैं एक जगह पर जांणु कु बुलै त वेल आज्ञा मांणी अर पिता परमेश्वर ल वे तैं व जगह विरासत का रूप मा दींण वलो छो, अर परमेश्वर ल वे तैं नि बतै कि वे तैं कख जांण; फिर भि उ वीं जगह चलि गै।[69]

⁹वे देश मा जै की जैकी सौं पिता परमेश्वर ल खै छै, अब्राहम एक अजनबी का जन डेरों मा रौंदो छो; वे दगड़ी, वेको नौंनो इसहाक अर नाति याकूब भि डेरों मा रौंदो छा, जौं तैं पिता परमेश्वर की तरपां बट्टी करार मिली छै।[70]

¹⁰किलैकि उ स्वर्ग मा एक इन शहर मा रौंणो कु जग्वाल करदा छा जै की बुनियाद मजबूत छै, अर जैको रचणवलो अर बनांण वलो पिता परमेश्वर च।

¹¹विश्वास ल ही सारा ल अपड़ी बुढ़या अवस्था मा हूंण पर भि गर्भ धारण कने की सामर्थ पै; किलैकि वीं तैं विश्वास छो कि पिता परमेश्वर उ ही करलो जैको पिता परमेश्वर ल करार कैरी छै।[71]

¹²इलै जब अब्राहम संतान तैं पैदा कनु कु भौत बूढ़या छो, फिर भि वेका आसमान का गैणा अर समुन्द्र का छाला का बल्ला का जन गिणै नि जै सकण वला वंश वे बट्टी पैदा हवीनि।[72]

¹³यु सभि लोग जौ ल पिता परमेश्वर पर विश्वास कैरी, वीं चीज तैं बगैर पयां ही मोरि गैनी, ज्यांको वादा पिता परमेश्वर ल कैरी; पर ऊं तैं दूर बट्टी देखि के खुश हवीनि अर मांणी भि लींनि, अर ईं बात तैं समझी गैनी कि पिता परमेश्वर ल भविष्य मा क्य कन अर ईं बात तैं समझी गैनी कि हम ईं धरती पर अजनबी अर परदेशी छा।[73]

¹⁴जु इन बात बुल्दींनि, उ दिखौंदींनि, कि उ एक इन देश तैं पाला अर वेकी आस कना छिनी जु ऊंको होलो।

¹⁵जु उ वे देश का बारा मा सुचदा जै बट्टी उ ऐ छा त उ वापिस जै सकद छा।

¹⁶पर उ एक बढ़िया मतलब स्वर्ग की जांणै की इच्छा च, इलै पिता परमेश्वर तैं ऊंको परमेश्वर कहलांण मा गर्व छो, किलैकि पिता परमेश्वर ल ऊंकु एक नगर तैयार कैरी।[74]

¹⁷विश्वास ही बट्टी अब्राहम ल इसहाक तैं एक बलिदान का रूप मा चढ़ै, जब पिता परमेश्वर वेकी अजमैश लींणु छो, चाहे अब्राहम तैं पिता परमेश्वर का तरपां बट्टी या करार मिली छै, फिर भि उ अपड़ा एकलौता नौंना तैं बलिदान चढ़ौणु कु तैयार छो, जु पिता परमेश्वर का करार तैं पूरो कैरी सकद छो।[75]

¹⁸पिता परमेश्वर ल वे बट्टी बोलि, “इसहाक उ नौंनो च जैका द्वारा तेरु वंशज गिणै जाला।[76]”

¹⁹अब्राहम ल सोचि कि जु इसहाक मोरि जौं तब भि, फिर भि पिता परमेश्वर वे तैं फिर से ज्यूँदो कन मा सामर्थी च; अर ये भाव मा अब्राहम ल सच मा अपड़ा नौंना तैं मौत बट्टी भि वापिस पै।

²⁰विश्वास ही बट्टी इसहाक ल अपड़ा द्वी नौंना याकूब अर एसाव तैं वादा किये गै बातों मा आशीष द्ये।[77]

²¹विश्वास ही बट्टी याकूब ल मुरण बगत यूसुफ का द्वी नौंनो मा बट्टी एक-एक तैं आशीष द्ये, अर अपड़ा डंडा का सहारा झुकि के वेल पिता परमेश्वर की आराधना कैरी।[78]

²²विश्वास ही बट्टी यूसुफ ल, जब उ मुरण वलो छो, विश्वास का दगड़ी बोलि, कि इस्राएल का लोग मिस्र शहर बट्टी निकलला, अर इख तक कि वेल ऊं तैं आज्ञा द्ये कि जब उ मिस्र देश बट्टी जां तब त वेका हड्डकों तैं भि अफ दगड़ी कनान देश मा ली जां।[79]

²³फिर जब मिस्र का राजा ल य आज्ञा द्ये कि जन्म हूंद ही सैरा इस्राएली नौंनो तैं मारि दींण चयणु च, तब भि विश्वास का कारण ही मूसा का ब्वे-बुबा ल वे तैं, पैदा हूंणा का बाद तीन मैना तक छिपै के रखि; किलैकि ऊंल देखि, कि मूसा साधारण नौंनो नि च, अर उ राजा की आज्ञाओं कु उल्लंघन कन से नि डरिनि।[80]

²⁴मिस्र देश का राजा फिरौन की नौंनि ल मूसा तैं पालि छो; जब मूसा बड़ो हवे, त विश्वास ही बट्टी वेल नि चै कि लोग वे तैं राजकुमारी कु नौंनो बोला।[81]

²⁵यु इलै हवे कि मूसा ल जरा बगत कु पाप का सुख कु आनन्द लींणा का बजाय पिता परमेश्वर का लुखुं का दगड़ी दुख भुकतण अच्छो समझी।

²⁶मूसा जंणदु छो कि मिस्र देश का भण्डार की तुलना मा मसीह कु दुख भुकतण बढ़िया च, किलैकि इन कन से पिता परमेश्वर वे तैं स्वर्ग मा ईनाम दयालो।[82]

²⁷विश्वास बट्टी ही राजा का गुस्सा बट्टी नि डैरी के वेल मिस्र देश तैं छुड़ण मा इस्राएली लुखुं की अगवै कैरी, किलैकि उ समझी गै छो कि यु मांणा इन च जन वेल पिता परमेश्वर तैं देखि, जु अदृश च।[83]

²⁸विश्वास बट्टी ही मूसा ल इस्राएली लुखुं तैं द्वार का मोर-संगाड पर चिनखो कु ल्वे लगांण कु अर फसह कु त्यौहार मनांणै की आज्ञा द्ये, कि पैली संतान तैं नाश कन वलो दूत, इस्राएल की पैली संतान तैं छवे भि नि साकी।[84]

²⁹विश्वास बट्टी ही इस्राएल का लोग लाल समुद्र का पार इन उतरी के ऐनी, जन सूखी धरती पर; अर जब मिस्रियों ल भि उन ही कन चै, त उ सभि डूबी के मोरि गैनी किलैकि समुन्द्र की लहरों ल ऊं तैं बुगै दींनि।[85]

³⁰किलैकि इस्राएल का लुखुं ल पिता परमेश्वर पर विश्वास कैरी, इलै उ सात दिनों तक यरीहो शहर की दीवार का चौतरफी घुमिनि; अर तब दीवार गिरी गै।[86]

³¹विश्वास बट्टी ही राहाब वेश्या पिता परमेश्वर की आज्ञा कु उल्लंघन कन वलो का दगड़ी नाश नि हवे; किलैकि वीं शान्ति का दगड़ी ऊं इस्राएली गुप्तचरों कु स्वागत कैरी जु छिपी के यरीहो शहर कु भेद लींणु कु ऐ छा।[87]

³²मि तैं और कुछ भि बुल्ण की कुई जरूरत नि च; जु मि इन लुखुं का विश्वास का बारा मा भि बात कन लगु जन गिदोन, बाराक, शिमशोन, यिफतह की, अर राजा दाऊद की अर पिता परमेश्वर का तरपां बट्टी बुल्ण वला शमूएल जन, त मि मा बगत नि रालो।

³³ऊंल विश्वास ही का द्वारा राज्य जीतिनि; अर ठिक काम करीनि; वादा की चीजों तैं पै, शेरों ल ऊं तैं नि खै,

³⁴आग ल ऊं तैं नि फूंकी; तलवार ल ऊं तैं नि काटि, एक बार कमजोर हूंणा का बाद फिर ऊं तैं सामर्थशाली बणै गै; लड़ै कनु कु वीर पुरुष गैनी; अर ऊंल अपड़ी दुश्मनों की फौज तैं दूर तक भगै दींनि।

³⁵कुछ जननों ल अपड़ा मुरयां लुखुं तैं फिर से ज्यून्दो पै; कथग ही त मार खांदी-खांदी मोरि गैनी; अर उ अपड़ो विश्वास नि छुड़ण चांदा छा कि उ कैद बट्टी आजाद हवे जां; इलै मोरि के भि फिर से ज्यून्दा हूंणा का बाद उ एक भौत अच्छो जीवन पै साका।

³⁶कुछ लुखुं ल उपहास अर कोड़ों कु सामना कैरी जबकि कुछ लुखुं तैं जंजीरों ल जकड़ी कै जेल मा डलै गै।

³⁷ऊंमा बट्टी कुछ विश्वासियों तैं ढुगलयो कैरी के मरै गै; अर कुछों तैं द्वी हिस्सों मा कटे गै, ऊं तैं तलवार ल मौत का घाट उतारे गै। उ गरीब छा, ऊं तैं सतै गै अर ऊं दगड़ी बुरो बरतौ किये गै; उ ढिबरो-बखरों की खालो तैं ओढ़ी के इने-उनै भटकदी रैनी।

³⁸अर जंगलों, अर डांडों, अर उडयारों मा, अर पौड़ों की दरारों मा भटकदी रैनी; य बुरी दुनिया यूं विश्वासियों का लैक नि छै।

³⁹विश्वास बट्टी ही यूं सभियूं का बारा मा पिता परमेश्वर ल ऊं की तारीफ कैरी, तब भि उ ऊं तैं नि मिली ज्यांको वादा पिता परमेश्वर ल ऊं दगड़ी कैरी छो।

⁴⁰किलैकि पिता परमेश्वर मा भस ऊंकु, बल्कि हम कु भि एक बढ़िया योजना च; पिता परमेश्वर ऊं तैं भस हम दगड़ी मिल के ही सिद्ध बनांण चांद।