Read Garhwali प्रकाशित वाक्य 21 Bible Online

प्रकाशित वाक्य 21 - Garhwali bible

प्रकाशित वाक्य 21

¹फिर मिल नया आसमान अर नई धरती तैं देखि, किलैकि पुरणो स्वर्ग अर धरती अब नि छै अर अब समुद्र भि नि छो।[138]

²फिर मिल पवित्र शहर तैं भि देखि, जु कि नयो यरूशलेम शहर च, जु स्वर्ग बट्टी पिता परमेश्वर की तरपां बट्टी मूड़ी औणु च। वे शहर तैं एक ब्योली का जन तैयार किये गै छो, जि तैं कपड़ा पैरये गैनी अर साज-सिगांर किये गै अर जु ब्योला बट्टी ब्यो कनु कु तैयार छो।

³फिर मिल एक आवाज सूंणि जु पिता परमेश्वर का सिंहासन बट्टी जोर से बोलि, “देख, अब बट्टी पिता परमेश्वर लुखुं का बीच अपड़ो डेरा बणालो। उ, ऊं दगड़ी रालो, अर उ वेका लोग होला, पिता परमेश्वर अफ, ऊं तैं अपड़ा लुखुं का रूप मा स्वीकार करला अर उ, ऊं दगड़ी रालो, अर उ भि वे तैं अपड़ा पिता परमेश्वर का रूप मा स्वीकार करलो।[139]

⁴अर पिता परमेश्वर ऊंकी आँखों बट्टी सभि आँसूओं तैं फूंजी दयालो; अर कुई भि आदिम कभी भि दुःख महसूस नि करलो या रूलो न, किलैकि पुरणी दुनिया अब अस्तित्व मा नि च।”[140]

⁵अर जु सिंहासन पर बैठयूं छो, वेल बोलि, “मि सब कुछ नयो कैर दींदु।” फिर वेल बोलि, “लिख ले, किलैकि जु मि बुल्दो तू वे पर विश्वास कैर सकदी कि या बात जरुर ही होली।”[141]

⁶फिर वेल मि बट्टी बोलि, “सभि कुछ खत्म हवे गै। मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो। जु कुई भि तिसलो च, मि वे तैं पांणी का श्रोत बट्टी मुफ्त मा पांणी पींणु कु दयुलु जु बगैर अंत को जीवन दींद।

⁷जु जय पालो, उ मि बट्टी यूं सभि आशीषों तैं पालो; अर मि वेको पिता परमेश्वर हुलु, अर उ मेरू नौंनो होलो।

⁸पर जु मि पर विश्वास नि रखदींनि, ऊं तैं जोर जबरदस्ती ल गन्धक ल जलांण वली वीं झील मा शामिल किये जालो, जु कि दुसरी मौत च अर यु ही परिणाम ऊंको भि होलो, जु लुखुं का संमणी मि तैं स्वीकार कन से डरदींनि, बुरा काम करदींनि, जु हत्यारा छिनी, यौन रूप बट्टी अनैतिक छिनी, जादु-टूणा करदींनि अर मूर्तियों की पूजा करदींनि अर झूठ बुल्दींनि।”[142]

⁹अर फिर ऊं सात स्वर्गदूतों मा बट्टी एक ल जौनु मनिख जाति पर सात आखरी यातनाओं बट्टी भुरयां सात कटोरा उण्डेली छा, मि बट्टी बात कैरी, वेल बोलि, “इनै औ, मि त्वे तैं ब्योली दिखौलू जैको जल्द ही चिनखा का दगड़ी ब्यो हवे जालो।”

¹⁰अर पिता परमेश्वर की आत्मा ल मि पर अपड़ो काबू कैरी, अर स्वर्गदूत मि तैं एक भौत ऊँचा डांडा की चोटी पर ली गै अर पवित्र शहर यरूशलेम तैं स्वर्ग बट्टी पिता परमेश्वर मा उतरद देखि।

¹¹शहर पिता परमेश्वर कि तरपां बट्टी मिलण वली महिमा का तेज रोशनी ल चमकणु छो, अर वेको उज्यलो भौत ही कीमती ढुंगा, मतलब यशब नौं भौत कीमती ढुंगा का जन चमकणु छो, अर कांच का जन साफ छो।

¹²अर वेका शहर का चौ तरपां एक भौत ऊंची दीवार छै, अर वेका बारह फाटक अर शहर की चकबंधी मा बारह प्रवेश द्वार छा अर ऊंमा बट्टी हर एक प्रवेश द्वार पर एक स्वर्गदूत को पैहरा छो अर ऊं फाटकों पर इस्राएलियों का बारह गोत्रों कु नौं लिख्युं छो।

¹³शहर का हर एक दिशा मा तीन फाटक छा; पूर्व, पश्चिम, उत्तर अर दक्षिण।

¹⁴ऊंल शहर की दीवार बारह बड़ा-बड़ा ढंगों का मथि बणै छै, अर हर एक ढुंगा पर चिनखा का बारह प्रेरितों मा बट्टी एक-एक को नौं लिख्युं छो।

¹⁵उ स्वर्गदूत जैल वे बट्टी बात कैरी, वे शहर मा अर वेका फाटकों अर वेकी शहर की चकबंधी तैं नपणु कु एक सोना को गज छो।[143]

¹⁶वे शहर का चार मुंड छा अर चरी मुंड एक समान छा, स्वर्गदूत ल अपड़ी नपणै की सिटगी ल शहर तैं नापी; येकी लंबाई द्वी हजार चार सौ किलोमीटर छै। येकी चौड़ै अर ऊँचै यांकि लंबाई का बराबर ही छै।

¹⁷यांका बाद स्वर्गदूत ल दीवार की ऊँचै नापी, वेल यु तैं उन के ही नापी जन के लोग चीजों तैं नापी छो; येकी दीवार छियासठ मीटर चौड़ी छै।

¹⁸शहर खरा सोना बट्टी बणै गै छो जु कांच का जन चमकणु छो, अर येकी शहर की चकबंधी, यशब बट्टी बंणि छै, अर शहर इन शुद्ध सोना को छो, जु साफ कांच का सम्मान हो।

¹⁹वे शहर की बुनियाद हर किस्म का कीमती ढुंगो ल सजै-संवरी छै, पैली नींव यशब की, दुसरी नीलमणि की, तिसरी लालड़ी की, चौथी मरकत की,[144]

²⁰पाँचु गोमेदक की, छठवीं माणिक्य की, सातवीं पीतमणि की, आठवीं पेरोज की, नौवीं पुखराज की, दसवीं लहसनिए की, ग्यारहवीं धूम्रकान्त की, बारहवीं याकूत की छै।

²¹बारह प्रवेश द्वार भि, एक-एक मोती का बणया छा, अर शहर की सड़क, उ खरा सोना ल बंणि गै छै जु कांच का जन चमकदी छै।

²²मिल यु शहर मा कुई मन्दिर नि देखि किलैकि सर्वशक्तिमान पिता परमेश्वर अर चिनखो वे शहर मा छिनी। इलै उख मन्दिर की कुई जरूरत नि च।

²³उख न त सूरज अर न ही चन्द्रमा की चमक की जरूरत च, किलैकि उ शहर पिता परमेश्वर का महिमा बट्टी वेमा उज्यलो हूंणु छो अर चिनखो वे दिवड़ै की चमक च।[145]

²⁴वे शहर की चमक दुनिया मा रौंण वला सभि जातियों तैं प्रकाश दींद अर धरती का सभि राजा अपड़ी-अपड़ी धन दौलत तैं वे शहर मा लौदींनि।

²⁵वे शहर का फाटक दिन भर खुल्यां रौदींनि। उ कभी बंद नि हूंदींनि किलैकि उख कभी रात नि हूंदी।[146]

²⁶जातियां दुनिया की सैरी खूबसूरत चीजों तैं अर दुनिया का लुखुं की धन दौलत तैं वे शहर मा लौदींनि।

²⁷पर कुछ भि दुष्ट वे शहर मा प्रवेश नि करलो। कुई भि जु तुच्छ काम करद या जु झूठ बुल्द उख प्रवेश नि करलो। उख भस उ ही लोग प्रवेश कैर सकदींनि जैको नौं चिनखा की जीवन की किताब (चाम्रपत्र) मा लिख्युं च, इख उ किताब च जौं मा ऊं लुखुं का नौं छिनी जौं मा अनन्त जीवन च।[147]