Read Garhwali प्रकाशित वाक्य 22 Bible Online

प्रकाशित वाक्य 22 - Garhwali bible

प्रकाशित वाक्य 22

¹तब स्वर्गदूत ल मि तैं एक गाड दिखै जै मा जीवन कु पांणी छो। अर उ पांणी कांच का जन साफ छो। या गाड परमेश्वर अर चिनखा का सिंहासन का मूड़ी बट्टी बुगदी छै।

²गाड वे शहर की सड़क का बीचों-बीच बुगदी, अर पांणी का कै भि छाला पर जीवन दींणवला डालों तैं देखै जा सकद। अर हर मैना यु अलग-अलग किस्म का फलों तैं दींदिनि अर येका पत्ता इन दवै कु काम करदींनि जु धरती का जातियों का लुखुं तैं ठिक कैर सकदींनि।[148]

³जु कुछ भि पिता परमेश्वर का श्राप का अधीन च शहर मा नि होलो, अर पिता परमेश्वर अर चिनखा का सिंहासन का शहर मा होलो अर पिता परमेश्वर का सेवक वेकी आराधना करला।[149]

⁴उ पिता परमेश्वर तैं अपड़ा अमणी-संमणी दिखला, अर पिता परमेश्वर का नौं वेका कपाल पर लिख्युं होलो।

⁵अर फिर कभी रात नि होली, अर जु लोग उख रौन्दींनि, ऊं तैं अपड़ा रस्ता मा उज्यलो कनु कु दिवड़ै की कुई जरूरत नि च। न ही ऊं तैं उज्यलो दींण कु सूरज की जरूरत च। किलैकि पिता परमेश्वर ही च जु लुखुं तैं उज्यलो दींद। अर यु लोग जु उख रौदींनि उ हमेशा कु राज्य करदींनि।[150]

⁶यांका बाद, स्वर्गदूत ल मि बट्टी बोलि; “उ सब पैली बुलै गै बात सच छिनी अर निश्चित रूप मा पूरी होली। पिता परमेश्वर का तरपां बट्टी बुल्ण वलो तैं परमेश्वर ल अपड़ा पवित्र आत्मा द्ये, उ व ही च जैल अपड़ा स्वर्गदूत तैं आज्ञा द्ये कि उ अपड़ा सेवकों तैं यु दिखणु कु, जु जल्द ही होलो।”[151]

⁷“अर देख, मि जल्द आंण वलो छो; धन्य च उ, जु ईं किताब (चाम्रपत्र) मा लिखीं भविष्यवाणी की बातों तैं मणदो च।”

⁸मि, यूहन्ना, उ ही छो जैल यूं सभि बातों तैं देखि अर सूंणि, तब मि वे स्वर्गदूत की आराधना कनु कु वेका खुट्टों मा गिर ग्यों।

⁹वेल मि कु बोलि, “मि तैं प्रणाम नि कैर। मि भस पिता परमेश्वर का तरपां बट्टी बुल्ण वलो एक सेवक छो अर तेरा विश्वासी भयों का जन जु ईं किताब (चाम्रपत्र) मा लिखीं अर यीशु का द्वारा प्रकट किये गै सच्ची शिक्षाओं पर विश्वास करदींनि अर मणदींनि। भस पिता परमेश्वर ही च जै की त्वे तैं आराधना कन चयणी च।”

¹⁰फिर वेल मि बट्टी बोलि, “ईं किताब (चाम्रपत्र) की भविष्यवाणी का संदेशों तैं गुप्त नि रख; किलैकि जादा बगत नि होलो जब यु पूरो होलो।”

¹¹“जु कुई भि बुरा अर घिनौना काम तैं करद, ऊं तैं बुरा अर घिनौना कामों तैं कन द्या इन कै ही जु कुई भि अच्छा अर पवित्र काम करद, ऊं तैं ऊंका अच्छा अर पवित्र कामों तैं कन द्या।”

¹²“तब प्रभु यीशु ल बोलि; मि जल्द ही औलु; अर लुखुं ल जु-जु काम करिनि, मि ऊं तैं ऊंका कामों तैं देख के ईनाम अर सजा दयुलु।”[152]

¹³“मि अल्फा अर ओमेगा छो, मतलब कि, आदि अर अंत छो। मि ही छो जु च, जु हमेशा बट्टी छो।” [153]

¹⁴धन्य छिनी उ, जौनु चिनखा का बलिदान बट्टी अपड़ा आप तैं पिता परमेश्वर की नजरों मा शुद्ध बणै दींनि, किलैकि ऊं तैं वे शहर का फाटकों बट्टी प्रवेश कनु कु अधिकार दिये जालो। अर ऊं तैं वे डाला का फल खांणु कु भि अधिकार दिये जालो जु जीवन दींद।

¹⁵पर उ जु बुरा काम करदींनि, टूणा, व्यभिचारी, हत्यारा, मूर्ति पुजण वला, हर एक झूठ तैं चांण वला अर उ जु झूठ बुल्दींनि, उ कभी भि शहर मा प्रवेश नि कैर सकदींनि।

¹⁶यीशु ल बोलि, मिल अपड़ा स्वर्गदूत तैं तुम मा अर मण्डलि मा यूं बातों कु प्रचार कनु कु भेजि जु पिता परमेश्वर का लुखुं का झुण्ड मा हो, मि राजा दाऊद कु वंशज छो; मि ही छो, मि तैं सुबेर को गैणो भि बुल्दींनि।[154]

¹⁷पिता परमेश्वर की आत्मा अर चिनखै की ब्योली (मण्डलि) द्वी बुल्दींनि, “औ!” अर सुनण वलो तैं भि बुल्दण चयणु च, “औ!” अर जु तिसलो हो, उ औ अर जु कुई चांद उ जीवन को पांणी मुफ्त मा ल्यो।[155]

¹⁸मि यूहन्ना, हर वे आदिम तैं चितांणु छो जु ईं किताब की भविष्यवाणी की बातों तैं सुणद जु अभि हूंणी छिनी अर भविष्य मा होली, जु ईं किताब मा लिख्युं छिनी जु कुई भि यु संदेश मा कुछ भि बढांद, त परमेश्वर ऊंको दण्ड तैं बढ़ै दयालो। परमेश्वर ऊं विपत्तियों बट्टी वे तैं मरलो ज्यांको जिक्र मिल ईं किताब (चाम्रपत्र) मा कैरी।[156]

¹⁹अर जु कुई इन आदिम हो जु ईं किताब मा भविष्यवाणी किये गै हो बातों मा बट्टी कुछ भि हटो, त पिता परमेश्वर भि वे तैं वे डाला बट्टी फल खांण का अधिकार बट्टी निकाली दयालो जु जीवन दींद अर वेका पवित्र शहर मा रौंण का अधिकार तैं भि हटै दयालो जैका बारा मा ईं किताब (चाम्रपत्र) मा बतये गै।[157]

²⁰यीशु, जु यूं सभि बातों को गवाह च बुल्द, हाँ, मि यूहन्ना ल जवाब द्ये, “आमीन” हे प्रभु यीशु औ।

²¹मि प्रार्थना करदु कि प्रभु यीशु पिता परमेश्वर का लुखुं पर कृपा कैरो। आमीन।