Read Ghomala New Testament MATIO 3 Bible Online

MATIO 3 - Ghomala New Testament bible

MATIO 3

¹A lə pɑ́ cwə o bɔ̌ Yohane nu' pɔ shyə tə́m ghakgo Yudea bɑ siŋ gɑ:

²po kwyəpnyə: Nəfo kɛbəŋ ghɔptə.

³Yohane bɑ́ mo yə Esaya gɔm ghɔm Si lə ghɔmnwə nə e nə cwə yə́ e lɑ́ gɔm gɑ: Gi mo ghakgo shwe gɑ: Po nyaptə məjyə Cyəpɔ po siŋ mpim jyə myə́ a tiŋnyə.

⁴Dzə Yohane lə́ bɑ dzə mnəŋ Kamelo, tap e pɑ vʉ' e bɑ gwɔp. Ywətsʉ́ e lə bɑ gam biŋ gə ŋwa' gó.

⁵Pɑ Yerusalɛm, pu a pɑ Yudea ba guŋ pɑ giŋnyə shyə Yurdɛŋ awɛ lə sɔ' bi e.

⁶Wap lə sɔ' po'o bɑ biŋ mhɔnwə map lə Yohane pɑ nu' wap shyə Yurdɛŋ.

⁷Yohane lə nə yɔ pa' pɑ Farisai pu a pɑ Sadukai tə́ jɔm wə sɔ' gɑ e nu' wap shyə a gɔm bi pu gɑ: Gwya nɔk mtiŋ, wɑ da'tə wɔ məjyə nə ŋkhʉ yɛluŋ Si yə a wə sɔ'a?

⁸Po yam nthɔm myə a ku'nyə nə pɔ pyə wap pʉɔ tʉm tsap a.

⁹Ka po pɑ́ gɔm pɑ́ gɑ tá yɔk bɑ Abraham. Nə pa' gɑ siŋ wɔ gɑ pɑ Si lɑ mwɔ' mɔ gɑ nə gə pó bi Abraham.

¹⁰A nə pɑ po'o bɑ jɔm e da' bɑ to ta' thə́. Bǎ ya ta'thə yə a tə jam nthɔm pɑpuŋ a pɑ, pu gɔ ko', to mɔk.

¹¹Gɑ bɑwə nu' wɔ pɑ nthʉm shyə gɑ po pʉɔ tʉm tsɔ. Da' gɑ mo yə ě wə sɔ' jʉ̌m m̀ a wə bɑ ě tʉɔ shyə́ a; ŋ kha ku'nyə nə tɔk mnthap myə́. E gɔ sɔ' nu' wɔ nthʉm Zhwenyə Dɔlɔ̌ ba m nthʉm mɔk.

¹²Mo bɔ bɑ e wim su nə nthyá ywə nə mgha' myə́ pu é. E gɔ khʉm msɛ tʉɔ nyəŋ ŋkhiŋ, piŋ to mgha' myə́ nə mɔk tɑ́ pi.

¹³A lə pɑ po'o, Yeso fɑ Galilea, sɔ' Yurdɛŋ bəŋ Yohane, gɑ́ é nu' é shyə.

¹⁴Yohane lə pɑ́ shə́ŋ nə kəŋnyə, bɑ gɔm gɑ: Myə̀ nə kɑ bɑ gɔ cəŋ gɑ o nu' a shyə, wə nə piŋ sɔ' bəm.

¹⁵Da' gɑ́ Yeso pa' bi e gɑ: Tak gɑ pu ghə pɑ́ kwa' po'o tə́ ywə yə Si jáp a pəmtə́. A pɑ po'o Yohane ghə ywə yə Yeso gɔm a

¹⁶Yeso lə wuŋ nə təm shyə pa' pu nu' e shyə a, kɛbəŋ ghyɛ', e yɔ Zhwenyə Si fi' sɔ' nə e pa' səŋgɔpfo a.

¹⁷Gi mo piŋ fɑ kɛbəŋ gɔm gɑ: Mo yəŋ gɑ bɑ Mu a yə gɑ ŋkhuŋ e te' a. Gɑ ŋwɛnyə nə cwɔ' é.