Read Ghomala New Testament 1 KORINTO 16 Bible Online

1 KORINTO 16 - Ghomala New Testament bible

1 KORINTO 16

¹Sɔ' m nə ma'tə ywə hɑ bi pɔ dɔlɔ̌ pyə wap Yerusalɛm, po pɑ gɔ ghiŋ nə ŋkhɛ yə ŋ də yap bi cu'tə po Kristo Galata lə.

²A pɑ nə dəŋdzə̀ tyɛ'dzʉ́ nə guŋ mgap dzʉ́ awɛ, bǎ ya mo lə́ nə po yap ywə yə e dwɔ' a jʉ̀m, po'o gɑ po kɑ pyap pɑ́ cwə yə gɑ̌ gɔ sɔ' a tə bɑ shu'tə ywə hɑ́hɑ̌ pɑ.

³Cwə yə gɑ gɔ sɔ' tə́ kəm wə po a, bvə ŋwa'nyə nə nthəm pɔ pyə pǒ cwɔ' wap a pu a ywə yə po cu'tə a Yerusalɛm;

⁴bi a nyəŋ gɑ́ kwa' myə ghɔ̌, bɑ pyə a pú gɔ pəmtə́ ghɔ.

⁵Gɑ̌ gɔ sɔ' sɔ' wə po, nə sɔ' cyə m Makedonya; gɑ gɔ sɔ' cyə wə cyə

⁶tə piŋ cwə wə po mu' cwə tə̌ cwə̀ ŋʉm cyə́ tə po hɑ sɔ̀ pa' gɑ gɔ nə ghɔ nə myə shɑ́ mtsʉ' a.

⁷Ŋ tə wə shəŋ nə́ nə yɔ wɔ cwəlɔ bɑ shyə cyə pɑ́, gɑ wə mɔktə́ nə na' shwə wə po a pɑ yə Cyəpɔ piŋ a.

⁸Da' gɑ́ gɑ gɔ cwə Efeso tə́ kəm nə Pantekɔtə

⁹nə pa' pu ghyɛ' mu' jyə bəm wə́ nə mfa' mə̌, mghɛ bò piŋ bɑ wə bɑ wap yɔm.

¹⁰Timotio la sɔ' wə po, po pɔmtə gɑ e kɑ nə pɑ cəcɑ̌ po bɑ bwɔk, nə pa' e bɑwə fá' nə fa' Cyəpɔ pa' myə a.

¹¹Ka sɔmmo wak e. Po hɑ sɔ bi e gɑ́ e lɑ pɑ hwitə tə nə́ bɑnyə bəŋ m̀, nə pa' gɑ̌ wə byap e pu a mfɑmfɑ́.

¹²Sɔ' m nə fɑ yɔk pɑ Apolos, gɑ̌ ghɔm bi gɑ e sɔ' wə po pu a mfɑmfɑ́; da' gɑ e tə wə shəŋ nə sɔ' wə po cwəlɔ pɑ̀; e gɔ cwə sɔ' nə cwə yə e yɔ sɔ a.

¹³Po ti tə́ tì, po tɔm piŋnthʉm a puŋ, po pɑ́ pɑbɛ, po tʉɔ.

¹⁴Po ghə bǎ kɑ ywə lə́ pɑ́ nə ŋkhuŋnyə̀.

¹⁵Mfɑmfɑ́, mu' ywə yə gɑ̌ gɔ kwi' ghɔm bi po a yəŋ gɑ: Po zhyə gɑ Stefana pu yə́ tuŋdyə bɑ dzə nthɔ̌m Akaya; wap cəŋtə́ fa' bi pɔ dɔlɔ̌.

¹⁶Po yu'shwə nthi pɔ bɔ̌ ba yə pɔ pyə pu a pú nthamtə nə mfa' map ba nə ghəghʉɔ yap a.

¹⁷Nwə puŋ á pa' Stefana, Fortunatos ba Akakus bəŋ m̀. Wap bɑ́ nə yɔ tsʉ' pa' po ka pɑ́ si a.

¹⁸Wap kě nyəŋ lam tsɑ̌ ba tsɔ dyə́. Po zhyə nə piŋ pɔ pa' pyə bɔ a.

¹⁹Mcu'tə po Kristo Azia ca'tə wɔ. Akilas pu Priska wə shəŋtə́ sha'tə wɔ m nə Cyəpɔ ba cu'tə pɔ Kristo yə a ŋkho wə pú a.

²⁰Guŋ mfɑmfɑ́ awɛ ca'tə wɔ. Po lɑ nə nuŋ mgho' dɔlɔ̌ nə sha'tə cəcɑ̌ po.

²¹Kwa' myə Polo nə dɑ pu a bvə ca'tə bi po.

²²Mo pɑ tə kuŋ Cyəpɔ bɑ do thə́ e. Marana tà.

²³Gho' Cyəpɔ Yeso pɑ́ bi po.

²⁴Gɑ̌ ŋkhuŋ wɔ awɛ nə Yeso Kristo.