Read Ghomala New Testament 2 KORINTO 13 Bible Online

2 KORINTO 13 - Ghomala New Testament bible

2 KORINTO 13

¹Yəŋ batə mcʉ̌m nthá pa' gɑ gɔ sɔ' wə po a. Pu gɔ nyaptə́ guŋ ywə awɛ dzə pɔ pɑpʉə kɑ pɔ pɑtá lə, wap pɑ́ mkwinthɛ nə́.

²Ŋ dě da' gɔ̌m, biŋ bɑwə ŋkwi' gɔm tyɛ' ɔ yə ŋ tə́ si a pɑ́ ŋ də zhi gɔm nə cwə yə ŋ də sɔ' wə po nə batə mcʉ̌m bʉ́ə a, gɔm bi pɔ pyə wap lə hɔnwə a ba m bi guŋ pɔ awɛ gɑ́: ŋ dá biŋ sɔ' wə po, bɑ ŋ tə gɔ nə ghə sɔmywə pɑ nə cɔm mo pɑ̀,

³Nə pa' po wə shəŋ ywə yə a da'tə gɑ́ Kristo nə shyə m nə m̀ gɔmnwə a. E tə́ bɑ ě pwatə nə yɔ nə pɑ́ pɑ̀. E da'tə pɑ̀ tʉɔ shyə m nə po.

⁴A nyənyɔ gɑ́ a bɑ pu lě ŋkwé é thə bɛnyəpɛnyə nthʉm pwatə̀, da' gɑ e bɑ pɑ nthʉɔ shyə m nə tʉɔ Si. Ba wɔk pɑ bɑ pɔ bwatə pwǎtə nə é, da' gɑ́ pɑ gɔ sɔ' pɑ pɔ mtʉɔ pa pú, cyə m nə́ tʉɔ Si nə pɑ.

⁵Po tiŋtə́ nɑ tsɔ wɔ́ wɔ́, jɔ́ bi a pǒ nə piŋnthʉm a, po ləŋtə́ nɑ̀ tsɔ́; kɑ́ po ka zhyə́ gɑ́ Kristo bɑ nə po? Tə ně yə po vʉ̀ mləŋtə a.

⁶Gɑ̌ kwɛ gɑ́ pǒ zhyə́ gɑ pyə lě da'tə ywə yə pyə ku' nə́ a.

⁷Pyə shwyɛ'nyə gɑ po kɑ ghə sɔm nwə cwəpuŋ; pyə tə́ shəŋ pɑ nə la'tə wɔ ywə yə pyə ku' nə a pɑ́, pyə shəŋ pɑ̀ nə yɔ pa' po gə nwə pɑpuŋ a, tə́ nə̌ da' yə pǒ bvʉ nə mləŋtə a.

⁸Nə pa' a bɑ pyə ka ghə tʉɔ nə bɔ nwə nyənyɔ, yɔk tʉɔ bɑ pɑ yə́ nwə nyənyɔ.

⁹Pyə bɑ guŋ mcwə awɛ bɑ ŋwɛnyə pa' pyə pwatə́ tə po tʉɔ a. Ywə yə pyə̌ shwyɛ'nyə Si nə a bɑ yɔ nə pɑ́ pɔ dɔlɔ̌.

¹⁰A ywə yə a gə tə́ pyə yɑ tə́ gʉə sʉəsʉə myə və yəŋ ywə bi po, po'o gɑ́ ŋ kɑ́ cwətə bɑ si ja'nwə mhwémhwé shyə m nə tʉɔ yə Cyəpɔ hɑ bəm m̀ nə́ nə ŋkwɑ́, a lə pɑ́ m nə́ nə sa'tə a.

¹¹Mfɑ̌mfɑ́, po pɑ nə ŋwɛnyə̀, po fa' nə pɑ dɔlɔ̌, po pɑ ŋkhaktʉɔ, bɑ ŋkwishwə, po vɔk nə hwitə̀, a Si ŋkhuŋnyə̀ ba hwitə pɑ bi po.

¹²Po lɑ nə nuŋ mgho dɔlɔ̌ nə sha'tə cəcɑ̌ po. Guŋ pɔ dɔlɔ̌ awɛ ca'tə wɔ́.

¹³Gho' Cyəpɔ Yeso Kristo, ŋkhuŋnyə Si ba tsʉnyə Zhwenyə Dɔlɔ̌ pɑ bi guŋ yɔ awɛ.