Read Ghomala New Testament FILIPO 3 Bible Online

FILIPO 3 - Ghomala New Testament bible

FILIPO 3

¹Po'o lə mfɑ́ pɑ, po ŋwɛnyə nə Cyəpɔ. A ka tsɑ́ bəm nə kwi' bvə ywə yə gɑ̌ zhì bvə a bi po, a piŋ bɑ bi po bɑ nə nə kwyətə́ wɔ.

²Po pɔm mbvʉ́! Po pɔm mghɛ fa' cwəpùŋ! Po pɔmtə pɔ pyə wap fʉtə gɑ pu vo wap a!

³Nə pa' pɔ pyə pu vó wap a bɑ wɔk pɑ̀ pyə pɑ̌ sé Si m nə Zhwenyə Si a, wɔk pɑ pyə́ yɔk pɑ ghu'tə bɑ pɑ̌ yap m nə Yeso Kristo, wɔk pɑ pyə pɑ tə jap tʉm tsɔk pɑ pɑ́ nə pɑ a pɑ́.

⁴Da' gɑ́ ba tə po'o a bɑ ŋ kha hɔ nə yap tʉm tsɑ̌ nə m̀. A pɑ́ gɑ pɑ́ mo kwɛ gɑ bi a e yap tʉm tsyə nə thə nɑ e bɑ mo bɔ bɑ a.

⁵Nə pa' gɑ̌ bɑ pu lě bvo a nə batə tyɛ'dzʉ́ hɔ̌m, gɑ̌ bɑ́ gwya pɑ Israɛl, bɑ́ nə ŋkhənyə Bɛnyamɛn, bɑ̀ yə Ebraika mú e Ebraika; biŋ sɔ' m nə mco' bɑ kwa' Farisai;

⁶Sɔ' m nə nə səŋnyə nə nə́ piŋ bɑ ŋ də lɑ Cu'tə pɔ Kristo jɔgo'; gɔ m nə nə́ ghiŋ nə mco' ŋ bɑ mo tə bya nə́ mco'.

⁷Da' gɑ́ guŋ tsə bɔ awɛ tsyə́ a lə́ bɑ bəm bɑ kwa mɑ fʉ' a, a lě shyə m̀ nə Kristo, ŋ jɔ tsá pa' pi a.

⁸A kwa' po'o, gɑ̌ jɔ gɑ́ guŋ e awɛ bɑ pi bəŋ mɑ fʉ' yə a bɑ nə nə́ zhyə Yeso Kristo Cyəpɔ ǎ. A lě shyə m nə ŋ bi guŋ ywə awɛ, biŋ bɑ jɔ guŋ e awɛ pa' netsə́ á tə nə kwi Kristo pa' fa' a.

⁹Po'o gɑ yɑ nə pɑ dəŋdəŋ nə e a kɑ pɑ̌ pɑ́ yɑ dəŋdəŋ yə a bɑ yə mco' a, gɛ̌, a pɑ́ yə a fɑ nə piŋnthʉm nə Kristo a, dəŋdəŋ yə a fɑ́ bi Si, bɑ jo'nyə nə piŋnthʉm a.

¹⁰A bɑ nə nə́ zhyə é, yʉ ba tʉɔ nə yám nə́ vʉ̌, ba nə tamtə nthʉ́m go' e, nə hwə pa' yʉ a nthʉm vʉ e,

¹¹po'o tə bi a pɑ mǒ la' ŋkhəm nə nə́ yam nə vʉ̌, bɑ yə mǒ ku' nə a.

¹²A tə́ bɑ gɑ́ gɑ̌ tsə ghə tsə bɔ awɛ pɑ́, kɑ m̀ gɑ gɑ̌ tsə lɔ pɑ̀; da' gɑ́ gɑ̌ bɑwə́ nthe gʉ' gɑ ŋ gɔ nthɔm e, nə pa' a bɑ yʉ Yeso Kristo lě nthɔm a.

¹³Mfɑ̌mfɑ́, a tə́ bɑ gɑ́ gɑ tsə tɔm e pɑ́; yɑ nə zhwíŋ bɑ gɑ́ dʉɔnyə dhə́ jyə̀ yə gɑ tsə́ ghiŋ nə a, bɑ dé pɑ̀ dzə̀,

¹⁴gɑ̌ ŋkhaktʉɔ nə ghɔ dzə̀ nə kwi mcwɔ'fa' myə a bɑ nə nə́ ke mo kɛbəŋ yə Si nə ŋkhe wɔk pɑ shyə́ m̀ nə Yeso Kristo a.

¹⁵Guŋ yɔk pɑ awɛ, wɔk pɑ pɔ dɔlɔ̌, pɑ vɔk pa' pɔ dɔlɔ̌ a; tə́ bi a po pɑ́ tə pɑ́ ŋkwishwə nə mu' nwə, bɑ Si gɔ kyɛ̀' wɔ nə nwə bɔ.

¹⁶Da' gɑ́ pɑ nə pyap, a kwa' tsʉ' yə pɑ giŋ tə ŋkhəm nə a pɑ giŋ dé pɑ nə ta' məjyə́.

¹⁷Guŋ yɔ awɛ mfɑmfɑ́, po fo' a, po pɑ nthʉ́ mnyə mɔ pɑ nə pɔ pyə́ wap giŋ pɑ́ nə fo' yə pǒ jɔ bi pyə a.

¹⁸Ŋ də bɑ sǐŋ wɔ biŋ ŋkwi' bɑwə dɑ́ shyətsə siŋ wɔ, bo'gwyə pɔ giŋ pɑ́ pa' mghɛ bo bɛnyəpɛnyə Kristo a.

¹⁹Wap gɔ sɔ' miŋ m nə pi; si yap bɑ vam tsap; ba yap ghu'tə pɑ kuso yap; nə pa' wap sɛ yap nwə a pɑ́ pɑ́ nwə dəmcǎ' a.

²⁰Da' gɑ guŋ yɔ́k pɑ bɑ m kɛbəŋ, tsʉ' yə pɑ byap Cyəpɔ Yeso Kristo gɛvɔk pɔ nə a.

²¹E gɔ sɔ' kwyəpnyə nɑ́ tsɔk pɑ tsyə a bɑ ywə nə jɔgo' a, nə ghə pa' nɑ e yə a bɑ nɑ ghu'tə̀, po'o cyə m nə gʉ̌' yə a bɑ bi e bɑ gə e ku' nə ghə gɑ gúŋ ywə awɛ yu'nyə e a.