Read Ghomala New Testament KOLOSAI 4 Bible Online

KOLOSAI 4 - Ghomala New Testament bible

KOLOSAI 4

¹Mtǎ, po wim mkwɔ pɔ pɑ nə dəŋdəŋ ba nyənyɔ po zhyə gɑ́ ba wɔ yɔ́ bɑ pǒ ghə ta' Tá thə́ kɛbəŋ.

²Po tɔm mcwyɛ'nyə; a pɑ́ byap wɔ gɑ́ po kɑ pwǎ nə mfa' gho'tə̀.

³Po pɑ shwyɛ'nyə Si ba m nə pyə yɔk gɑ yʉ́ Si ghyɛ' jyədyə̌ bi pyə nə ghɔm tə́ pyə siŋ nwə cyə́ zhyənwə Kristo yə gɑ̌ bɑ dyəcɛ̌ po'o nə a,

⁴po'o gɑ́ ŋ shyanyə yá pa' a bɑ ǎ yap gɑ́ nə gɔm a.

⁵Po zhyə kwa' nə ghiŋ pɑpuŋ dzə̌ pɑ dzʉ́; po kɑ pi sɔ̀ bɔ yə ǎ bi po a.

⁶Mghɔm mɔ́ pɑ́ bɑ́ pɑ́ mghɔm pɑpúŋ, gwɛ̌ pɑ nə́, po zhyə və nə ba'nwə bǎ bi wɑ̌lə́ pa' a shəŋ a.

⁷Sɔ' m nə yɑ nə pɑ, po gɔ yu' guŋ mnwə awɛ bi Tikiko, fɑ yə gɑ̌ ŋkhuŋ e, gɛfa' yə nyənyɔ, so fa' a jʉ̌m Cyəpɔ.

⁸Gɑ̌ nthəm e bi po po'o gɑ é siŋ wɔ mɔk mcùŋ biŋ hɑ kaktʉɔ bi po.

⁹Wap pu Onesimo, fɑ yə nyənyɔ nə pɑ̌. E bɑ mo yɔ, e gɔ siŋ wɔ guŋ ywə awɛ yə á shyə tsɔ' a.

¹⁰Aristarko yə pyə̌ é dyə́ cɛ̌ a ca'tə wɔ, ba Markusi fɑ Barnabas. Pu tsə siŋ wɔ nwə nə e; e sɔ' wə po, po lɑ é kwa' pɑpúŋ.

¹¹Ba Yeso yə pu ŋkhe é gɑ Yustos a ca'tə wɔ. Da' yʉ́ tə́ pyə é lə fa' cəcɑ̌ pɑ Yudea nə Nəfo Si; wap nə lə́ bɑ ywə nə hwitə tʉm tsa.

¹²Epafra, yə́ wə́ po ca'tə wɔ. Yə gɛfa' Yeso Kristo bɔ tə bwa nə lo'shù mcwyɛ'nyə nə po pɑ́, shwyɛ'nyə po'o tə po tɔm pɑpuŋ, bɑ dɔlɔ̌, bɑ shəŋtə́ biŋ ywə yə Si yap a pɑ́ wɛ.

¹³Gɑ̌ wə bɑ ŋkwinthɛ̌ é gɑ e shəŋtə́ jɔgo' nə po ba m nə pɑ Laodikia, biŋ gə pɑ Hierapolis.

¹⁴Lukasi só yɔk pɑ yə e bɑ gəgɛ a ca'tə wɔ ba Demas.

¹⁵Po ca'tə mfɑmfɑ́ pyə́ wap Laodikia a, ba Nimfas, ba cu'tə pɔ Kristo yə a ŋkho dyə e a.

¹⁶Cwə yə pǒ ké ŋwa'nyə ǎ po piŋ shya bi pɑ Laodikia gɑ́ wap ké yap. Bɑ wɔ yɔ piŋ ŋkhe yə ŋwa'nyə yə a gɔ fɑ́ Laodikia a.

¹⁷Nə mǐŋ, po ghɔm bi Arkipo gɑ: Lé fa' tsyə o kə kwǐ nə Cyəpɔ a, fa' a púŋ.

¹⁸Yɔ kwa' ca'tə pu ǎ, myə Polo yəŋ gɑ: Po kamtə mgwɑ mtʉɔ̌ myə a bɑ pu nə shəŋ a. Gho' pɑ bi po.