Read Ghomala New Testament 1 TIMOTIO 2 Bible Online

1 TIMOTIO 2 - Ghomala New Testament bible

1 TIMOTIO 2

¹Ywə yə gɑ̌ wə dəŋdzə̀ gɔm a wə bɑ gɑ pu pɑ́ do bi Si, bɑ shwyɛ'nyə́, bɑ səso, bɑ fa' mfà' gho' nə thə́ guŋ pɔ awɛ,

²nə mfomfo ba guŋ pɑ sa' awɛ po'o tə́ pɑ vɔk tə paknyə̀, nthʉm hwitə̀, nə́ nə lɑ mku' biŋ.

³Yəŋ bɑ ywə yə́ a bɑ ǎ pùŋ biŋ búŋ nə mnyə Si Cyəpɔ yɔk pɑ,

⁴yə e shə́ŋ gɑ́ guŋ pɔ awɛ sɔ' bvɔk, biŋ jyə́ nwə̀ nyənyɔ a.

⁵Nə pa' da' ta' Si nə bɑwə, da' ta' giŋ jyə nə pɑwə bɑ cəcɑ̌ pɔmnəŋ pu a Si ta' mo, Kristo Yeso

⁶yə e lə hɑ nɑ́ é nə shu'nyə guŋ pɔ awɛ a. Yə̌ŋ bɑ kwinthɛ yə pu lə kwǐ nə mcwə myə Si lə yap a.

⁷Kwǐnthɛ yə pu lə lɑ á gə gɛ cyanyə ba gɛ nthə̌m nə a: Gǎ gɔm nyənyɔ, ŋ tə́ shwanwə pɑ, myə yə gɑ̌ bɑ́ gɛ zhi'tə mguŋ mgúŋ nthʉ́m piŋnthʉm pu nyənyɔ a.

⁸Gɑ̌ shəŋ gɑ pɑ bɛ pɑ shwyɛ'nyə Si nə guŋ mtsʉ' awɛ, bɑ ŋkha' bu dɔlɔ̌ kɛbəŋ, tə yɛ̌lúŋ, tə fəŋnyə.

⁹Sɔ' nə pɑjwǐ, wap pɑ dɑ msəm ŋkwadzə, wap kwadzə́ mku', tə ŋa'nɑ́: wap kɑ́ pǎ' thə́, kɑ gə mkwɛ gɔl lə, kɑ tsədzə tʉɔdəŋ, kɑ tsə mkwiŋ tʉɔdəŋ lə.

¹⁰Wap kwa pɑ mfa' pɑpúŋ myə a bə̀mtə nə pɑ̀ jwǐ pyə́ wap dɑ mku' biŋ Si a.

¹¹A pɑ cwə nə zhi'tə ywə́, mjwǐ lɛtə gɑ kǎm, fi' nɑ́ e hɑ́ si.

¹²Ŋkha piŋ bi mjwǐ gɑ e zhi'tə mo ywə, kɑ hya mbɛ lə. E lɛtə gɑ kǎm.

¹³Nə pa' Si lə də́ŋdzə bəm Adam. Biŋ bɔtə́ nə Eva.

¹⁴A piŋ bɑ po'o bɑ pu la tə fʉtə pɑ́ Adam pɑ, pu lə fʉtə pɑ mjwǐ e hɔ mco'.

¹⁵Ba tə po'o e gɔ cyə pɑ m nə́ nə tsə́ mú tə vɔk, a pɑ yə ě kaktʉɔ nthʉm piŋnthʉm, nthʉm ŋkhùŋnyə ba nə pɑ dɔlɔ̌, bɑ fi' nɑ́ e hɑ́ sí a.