Read Ghomala New Testament 1 PƐTRƆ 4 Bible Online

1 PƐTRƆ 4 - Ghomala New Testament bible

1 PƐTRƆ 4

¹Pa' a nə pɑ̌ po'o bɑ Kristo yɔgo' nə bapnɑ e, ba wɔ yɔ́ po pɑ́ mɔktə́ gɑ: Mo yə ě yɔgo' nə bapnɑ é a bɑ ě təm nə mhɔ.

²A gɔ pɑ́ po' bvʉ́' myə mtyɛ'dzʉ myə e gɔ piŋ vɔk nthʉm bapnɑ é a, e lə vɔk m̀ nə mghi'nyə pɔmnəŋ, e vɔk m̀ pa' Si shəŋ a.

³Po lə bɑ dzə bɑ bvɔk m pa' pɑ tə pɑ pɑ Yudea shəŋ a: Vɔk nə ghap, ghi'nyə, nə pam mlu', dzʉ kʉə ywə, nwə́ kʉə ywə́, mkətwɔk kuso.

⁴A shyə m po'o tə́ wap yɔ a sya wap gɑ́ tə pu a pú nə yɑwə bəmtə́ ŋkhʉ́dʉ́ nə nwə ghap pɑ̀, a pɑ́ po'o wap pɑwə bɔ wɔ.

⁵Da' gɑ wap gɔ sɔ' ghɔmnwə nə́ bi mo yə e gɔ fyɛ' pɔ mtʉɔ pu a mpfə pɔ a.

⁶A lə shyə m̀ po'o tə pú siŋ Cuŋ pɑpuŋ ba m bi mpfə́ pɔ, po'o gɑ pu fyɛ' wap pa' pɔmnəŋ nə bap nɑ́ a, wap vɔk pa' Si shəŋ á nə Zhwenyə.

⁷Cwə yə guŋ tsə awɛ gɔ mi á ghɔptə. Po ghə fʉ́, po kɑ piŋ gə sɔmywə tə dhə̀ po'o tə bɑ shwyɛ'nyə Si.

⁸Po ləŋdzə gə kwa' ŋkhuŋnyə tə pwa cəcɑ̌ po wɔwɔ, nə pa' ŋkhuŋnyə hwyətə bo'gwyə mhɔ̀.

⁹Po pɑ dɑ wɔwɔ cəcɑ̌ po nyəŋ dyə tə ghə kuku nthuŋ.

¹⁰Bǎ ya mo lə́ nə po yap yə́ dəŋ fʉ' yə Si hɑ a, bɑ nə ŋkwi'tə pyə shɑ́ pɔ cəcɑ̌ wɔwɔ pa' mghɛ fa' nə gho' yə a fɑ bi Si a, mfa' myə pɑ̀ nthi nthi a.

¹¹Mo pɑ gɔ ghɔmnwə cəcɑ̌ po, a pɑ́ pɑ nə ghɔm Ghɔm Si; mo ghə thə́ fa', e pɑ dɑ pɑ́ gʉ̌' yə a fɑ́ bi Si a nə fǎ', po'o gɑ á cyə́ m̀ nə Yeso Kristo Si cəŋtə́ bɑ gu'tə ghu'tə, yʉ́ yə guŋ ghǔ'tə ba nə sa' bɑ pɑ́ bi e nə mgu' nə gu' a, Amɛn!

¹²Wɔ pyə gɑ̌ ŋkhuŋ wɔ te' a, a kɑ pɑ̌ bi po bɑ́ nwə sə nə yɔ gɑ́ pǒ nthʉm mɔk go' m pa' cwə yə gǒ' bɔ tə́ bɑ ywə yə́ po kɑ́ bɑwə byap a pɑ́.

¹³Po pɑ́ jɔ yɔ ghəŋ go' nə go' Kristo, po pɑ́ ŋwɛnyə, po'o gɑ́ cwə yə pu gɔ sɔ' la'tə ghu'tə e a, ba wɔ yɔ pɑ́ nthuŋ ŋwɛnyə bɑ pɑpúŋ.

¹⁴Pú pɑ dɑ wɔ jɔgo' nə tsǒ Kristo bɑ pǒ bɑ mpuŋtsé, nə pa' Zhwenyə ghu'tə, Zhwenyə Si bɑ nə po.

¹⁵Ka sɔmmo nə po yɔgǒ' m̀ gɑ́ ě zhwə mo, kɑ m̀ gɑ́ ě zhʉ, kɑ gə nwə cwəpùŋ, kɑ ŋkho m̀ nə nwə pyə shɑ pɔ lə.

¹⁶Da' gɑ e pɑ jɔ́go' m pa' mo Kristo a, sǒ kɑ kǔ e, e pɑ́ gù'tə pɑ Si nə tsǒ bɔ.

¹⁷Yəŋ bɑ cwə yə nə fyɛ' ntho' m nə dyə́ Si a; bi a pɑ gɑ ǎ to' m nə pɑ po'o, bɑ a gɔ sɔ' miŋ nə pɔ pyə wap ŋkhəŋnyə nə piŋ Cuŋ pɑpuŋ Si a m gɑ́ kɑ?

¹⁸A piŋ bɑ bi a nə ywə vɔk mo dəŋdəŋ tsɑ́ dəŋ po'o, bɑ a gɔ sɔ' pɑ nə pɔ cwəpuŋ pu a mghɛ mhɔ pɑ m̀ gɑ́ kɑ̀?

¹⁹Po'o lə, pɔ pyə wap wə nə yɔ̌go' a pɑ́ pa' Si jap a, wap tak tʉm tsap bi gɛ Nyaptə dzʉ́ yə e tə ŋkwyəpnyə a, biŋ bɑ gə pɑ nwə pɑpúŋ a.