Read Ghomala New Testament 1 YOHANE 2 Bible Online

1 YOHANE 2 - Ghomala New Testament bible

1 YOHANE 2

¹Pó mkəcɔk pó pɑ, gɑ bvə ywə bɔ bi po po'o gɑ, po kɑ hɔnwə. Da' gɑ mo hɔ pɑ nwə bɑ giŋ jyə̀ yɔk pɑ bəŋ Ta, Yeso Kristo mo nyənyɔ,

²bɑ ywə nə nuŋpwɔ' nə sɔk mhɔnwə mɔk pɑ, tə da' mɔk pɑ a, ba myə guŋ dzʉ awɛ.

³Pɑ la ŋkhyəp mthɔk myə bɑ pɑ zhyə gɑ pɑ zhyə e.

⁴Tə mo yə e ghɔm gɑ: gɑ zhyə e tə la' e pɑ ŋkhyəp mthɔk myə a bɑ shwanwə, nwə nyənyɔ lə pɑ́ nɑ e.

⁵Tə mo yə e ŋkhyəp ghɔm tsyə a, ŋkhuŋnyə Si bɑ a pəmtə nə e nyənyɔ. A shyə m nə tə pɑ zhyə gɑ pɑ bɑ nə e.

⁶Mo yə e gɔm gɑ e bɑ nə a, a puŋ gɑ e ghiŋ nə məjyə̀ yə yʉ Yeso lə ghiŋ nə a.

⁷Wɔ pyə gɑ ŋkhuŋ wɔ te' a, mcò' myə gɑ wə bvə bi po a tə bɑ mcò' sə pɑ́, a bvò mco' myə a lə bɑ bi po tə fɑ tə tyɛ' a. Mcò' bɔ myə a lə fɑ tə tyɛ' a, a pɑ ghɔm tsyə po lə yu' a.

⁸Tə ba tə po'o a bɑ mcò' sə tə gɑ bvə bi po, ǎ nyənyɔ nə e bɑ m nə po nə pa' jʉ̌m wə nə́ cyə̀ kwa' ŋkha' nyənyɔ pɑwə ŋkhyɛ' a.

⁹Mo yə e gɔm gɑ e nthʉm ŋkha' tə bɑ bɔ fɑ e a, bɑ pɑ nthʉm jʉm.

¹⁰Mo yə e ŋkhuŋ fɑ e a, shwə nthʉm ŋkha', bi a pɑ sɔmywə nə e lə ghə e vʉ si;

¹¹Tə mo yə e bɔ fɑ e a, bɑ nthʉm jʉm. E giŋ pɑ nthʉm jʉm. E tə jyə tsʉ' yə e gɔ m nə a pɑ, nə pa' a bɑ jʉ̌m tam fʉ mnyə e a.

¹²Gɑ bvə bi po wɔ pò mkəcɔk pò, nə pa' a shyə a m nə tso tsyə tə pu lə mhɔnwə mɔ nə shwyɛ' wɔ.

¹³Gɑ bvə bi po, wɔ mta, nə kə lə a bɑ po zhyə mo yə e lə pɑ tə tyɛ' a. Gɑ bvə bi po, wɔ ŋkhɛ mo nə pa' a bɑ po lo' tə shyə. Mo cwəpuŋ.

¹⁴Gɑ bvə ya bi po, wɔ po mkəcɔk po pɑ̌: Pǒ bɑ po zhyə Ta. Bvə bi wɔ mta: Po bɑ po zhyə mo yə e lə la' bɑ tə fɑ nə to' a. Bvə bi wɔ ŋkhɛ mo: Po bɑ po tʉɔ, ghɔm Si bɑ nə po. Po lo' tə shyə Cwəpuŋ.

¹⁵Po kə kuŋ dzʉ pu a tsə́ dzʉ. Mo yə e ŋkhuŋ dzʉ a, kuŋnyə Ta tə bɑ nə e pɑ.

¹⁶Nə pa' tsə dzʉ, ghi'nyə nɑ, ghi'nyə mnyə, ŋa'nɑ nə fʉ dzʉ tə fɑ m bi Ta pɑ. A fɑ m bi dzʉ.

¹⁷Dzʉ ba ghi'nyə e shyə. Tə mo yə e gə ywə yə Si shəŋ a shwə mama.

¹⁸Wɔ pò mkəcɔk pò, cwə wə bɑ a ghɔptə, bɑ po lə yu' gɑ gɛ bo Kristo gɔ sɔ': kwa' cwəlɔ mghɛ bo Kristo si; a ywə yə a gə tə pɑ zhyə gɑ cwə jʉm wə bɑ a ku' a.

¹⁹Wap nthəm pɑ cəcɑ̌ pɑ, Tə wap lə pɑ pɔ pɔk pɑ; nə pa' wap la' pe' bɑ pɔ pɔk pɑ bɑ pa pú nə bəmtə bɑ; tə a lə shəŋ gɑ́ a la'tə gɑ guŋ yap awɛ la tə bɑ pɔ pɔk pɑ́ pɑ.

²⁰A sɔ' m̀ nə po bɑ po lě ŋkwi mwɑ zhwɔ' mi a fɑ bi Dɔlɔ̌ a, bɑ po nəŋ jyə́.

²¹Da tə bvə bi po m gɑ po ka zhyə nwə nyənyɔ pɑ; dɑ bvə bi po nə pa' a bɑ po zhyə nwə nyənyɔ a, sɔm cwanwə lə pɑ fə nə nwə nyənyɔ pɑ.

²²Shwanwə bɑ wɑ, tə pɑ mo yə e ŋkhəŋnyə gɑ Yeso tə bɑ Kristo a pɑ a? Mo bɔ bɑ gɛ bo Kristo, e ŋkhəŋnyə Ta, ŋkhəŋnyə Mu.

²³Mo yə e ŋkhəŋnyə Mu a, ba Tá tə bɑ bi e pɑ. Mo yə e piŋ Mu a, Ta bɑ bi e.

²⁴Sɔ' m̀ nə po, bɑ ǎ puŋ gɑ Cùŋ yə po lə la' ju' tə fɑ nə to' a pɑ nə po. A pɑ gɑ Cuŋ bɔ cwə nə po, bɑ ba wɔ yɔ shwə nə Mu ba m̀ nə Ta.

²⁵Ywə yə e lə ka' bi pɑ a bɑ vɔk mama.

²⁶Gɑ̌ bvə guŋ ywə bɔ awɛ bi po po'o nə pɔ pyə wap bɑwə gɔ ghə po hɔ məjyə a.

²⁷Sɔ' m nə po, bɑ nə zhwɔ' yə e lə zhwɔ' wɔ a bɑ pɑ nə po, po'o la' sɔmmo ghɔ tə kwi' zhi'tə wɔ sɔmywə pɑ; a gə po zhyə guŋ mnwə awɛ. A bɑ nyənyɔ, a tə shwanwə pɑ; Pa' e ji'tə wɔ a, po wuŋ pɑ nə e.

²⁸Cwəlɔ, wɔ pó mkəcɔk pó, po'o gɑ cwə yə e gɔ sɔ' təm a pɑ lə pwɔk, so lə ku wɔk pɑ, pɑ kɑ pɑ́ jʉ̀m nə e.

²⁹A pɑ́ gɑ po zhyə gɑ́ e bɑ nyənyɔ, po zhyə gɑ bǎ ya mo lə yə e gə nwə nyənyɔ a bɑ pu tsə́ e m nə e.