Read Ghomala New Testament 3 YOHANE 1 Bible Online

3 YOHANE 1 - Ghomala New Testament bible

3 YOHANE 1

¹Myə Gətso, gɑ bvə bi Gaios, yʉ yə gɑ̌ khuŋ e tə' khuŋ e nthʉm dɔlɔ̌ ba nə nyənyɔ a.

²So a yə tʉɔdəŋ, pɑ pɑ nthʉɔ nə nɑ o, ba m nə tʉm tsu.

³Gɑ ŋwɛnyə tə' nə pa' mfɑmfɑ́ pyə wap sɔ' tsɔ'ɔ a wə bɑ mkwinthɛ gɑ vɔk o bɑ vɔk mo nyənyɔ. O giŋ nthʉm dɔlɔ̌ nyənyɔ́.

⁴Yɑ nə cəŋtə ŋwɛnyə te' bɑ nə yu' gɑ po pɑ̌ giŋ nə dɔlɔ̌ nyənyɔ.

⁵So a yə tʉɔdəŋ, o fa' m pa' piŋnthʉm o nə bɑ́ a nə mfɑmfɑ́ ba nə mghʉɔ.

⁶Wap ŋkwinthɛ̌ nə mfa' bɔ dzə cu'tə pɔ Kristo. Kwitə wap nə nə ghɔ tsʉ' yə wap wə gɔ m nə a kwa' pa' a gɔ puŋ bi Si a.

⁷Nə pa' a pɑ gɑ wap tam məjyə tə kwi sɔmywə bi pɑ tə pɑ pɑ́ Yudea, bɑ wap ntham məjyə pa' nə tso Yeso Kristo.

⁸Pɑ gɔ kwitə wap tə la'tə gɑ pa pu nə bɑwə bəmtə nə mfa' nyənyɔ.

⁹Gɑ və shwə ghɔm bi cu'tə pɔ Kristo, da' gɑ Diotrefe, mo yə e shəŋ gɑ pu yu' pɑ yʉ́ a, ka zhyə wɔk.

¹⁰Tə cwə yə gɑ gɔ sɔ' ghə po zhyə ywə yə e bɑ ya. Jyə mghɔm cwəpuŋ myə e gɔm nə pɑ, ŋkhəŋnyə nə lɑ mfɑ pɔk pɑ, biŋ khɔ ba m bi pɔ pyə bi a wap nyəŋ wap dyə, tə jəŋ wap cu'tə a.

¹¹So a yə tʉɔdəŋ, kɑ fo' msənyə nwə cwəpuŋ, fo' pɑ nwə pɑpuŋ. Mo yə e gə nwə pɑpuŋ a bɑ nə Si, mo yə e gə nwə cwəpuŋ a, tə jɔ Si pɑ́.

¹²Guŋ pɔ awɛ wə kwinthɛ Demetrio. Ba nyənyɔ wə kwinthɛ e. Ba wɔk yɔk pɑwə kwinthɛ e yɔk nə kwinthɛ pɑ nyənyɔ.

¹³Shɑ mnwə myə gɑ gɔ və bu a yɑ si tə jɔm; tə ŋ tə gɔ və pɑ ŋwa'nyə bu pɑ.

¹⁴Nə pa' gɑ wə mɔk nə sɔ' jɔ o pu lɑ pɑ shwə nə shɔm.

¹⁵Hwitə pɑ bu, mso mso ca'tə o, ca'tə mso mso, sha'tə bǎ ya mo lə.