Read Ghomala New Testament APOKALIPSƏ 15 Bible Online

APOKALIPSƏ 15 - Ghomala New Testament bible

APOKALIPSƏ 15

¹Ŋ də piŋ jɔ mu' mɑ mtiŋ syasya kɛbəŋ: Jɔ pɑ aŋgəle sɔmbʉə bɑ wap wim mghəghʉɔ sɔmbʉə mjʉm ghəghʉɔ, nə pa' yɛ̌lúŋ Si shyə m nə́ pú bəmtə́.

²Ŋ də piŋ jɔ ywə pa' shyə́ lɑpʉə bɑ a sɔm pa' mwe bəŋ a, bɑ mɔk ŋi'nyə nə. Pɑ cyə shù nə nɔm, ba nə fó' e, ba nə́ də̀ŋ tso tsyə lə bɑ wap tiŋnyə dəm shyə lɑpʉə bɔ, bɑ wap tɔm mləŋ msʉ' Si.

³Wap lə bɑwə jwɔp shyə́ Mosɛ, gɛ fà' Si, ba zhwɔp shyə mú jʉ̀jʉ̀ gɑ: Mfa' mǔ bɑ a ghu' biŋ buŋ m Cyəpɔ Si Nthʉɔtʉɔ. Mjyə mǔ bɑ dəŋdəŋ, bɑ nyənyɔ. Fo mgùŋ mgùŋ

⁴pɑ wɑ cyətə́ pwɔk biŋ gu'tə tso tsǔ Cyəpɔ? Nə pa' da' wə nə́ bɑ dɔlɔ̌. Guŋ mgùŋ awɛ gɔ sɔ' sɔ' piŋ kam mkwitə dzə o. Nə pa' a bɑ pu yɔ yu nə ya' shɛ́.

⁵Ŋ də pǐŋ jɔ Dyə Si yə nthap nə kwinthɛ lə bɑ nthʉm o a ghyɛ' kɛbəŋ,

⁶aŋgəle sɔmbʉə pyə wap lə bɑ wap wim mghəghʉɔ sɔmbʉə a təm Dyə Si, bɑ wap kwa mdzə́ pɑpùŋ, dzə́ dəŋnyələŋnyə, biŋ jwe tap tʉɔ gɔl vʉ' pú.

⁷Mu' ta' nə mnɔm papfʉ̀ə hɑ mnthu' gɔl sɔmbʉə bi pɑ aŋgəle sɔmbʉə, bɑ ǎ lo yɛluŋ Si yə e shwə mgu'nəgu' a.

⁸A lə pɑ̌ po' a cyə m nə ghu'tə Si ba m nə tʉɔ e, dhəmɔk lo Dyə Si. A lə pɑ̌ po'o sɔmmo lə ku' nə ko Dyə Si tə ŋkhəm cwə yə ghəghʉɔ pɑ aŋgəle sɔmbʉə lə pəmtə a.