Read Ghomala New Testament APOKALIPSƏ 17 Bible Online

APOKALIPSƏ 17 - Ghomala New Testament bible

APOKALIPSƏ 17

¹Mu' ta' nə pɑ aŋgəle sɔmbʉə pyə wap lə bɑ wap wim mnthu' sɔmbʉə lə fʉ' nɑ e sɔ' gɔm bəm gɑ: Sɔ̌' gɑ̌ gɔ la'tə nə fyɛ' mɑmjwi ghap gwyə́ yə e shwə́ kəŋ shyə lɑpʉə a.

²Nə pa' wap pu a mfo dəmcǎ' ghə ghap, pɑ dəmcǎ' pam mlu' ghap bɔ̌.

³A lə pɑ̌ po'o e kwà á nthʉm zhwenyə nə́ gɔ ghakgo. Ŋ jɔ mu' mjwǐ bɑ e cwə́ dəm nɔm dəŋnyələŋnyə, bɑ mtso nə shaptə Si pfɔptə e, bɑ e piŋ gə mthə́ myə sɔmbʉə biŋ gə mnthu' ghǎm.

⁴Mjwǐ bɔ lə bɑ e kwa dzə́ nə̌m, dzə dəŋnyələŋnyə, bɑwə dəŋnyə pa' tʉɔ gɔl, pa' mwɔ dəŋnyələŋnyə a, ba tsə́dzə́ tʉɔ̀dəŋ. A lə́ bɑ e wim nthu' gɔl pu e bɑ bɔkbɔ́k nwə lo nthʉm o; mviŋ nwə ghap.

⁵Mu' tso tsyə a cyə nə yu' nə zhyənwə mo a lə bɑ pu və̀ nə tse tsyə́ gɑ: Babilon gwyə́ ma mghəghap pu a mviŋ ghap dəmcǎ';

⁶A lə pɑ̌ po'o biŋ jɔ mjwǐ bɑ e pam mcyə pɔ dɔlɔ̌ pu a myə mkwinthɛ, ŋ də nə yɔ é nwə vɑ a.

⁷A pɑ po'o aŋgəle ghɔm bəm gɑ: Nwə kɑ́ o pwɔk po'o? Gɑ̌ gɔ siŋ o nwə cyə zhyənwə nə mjwǐ ba nə nɔm mthə́ sɔmbʉə pu a mnthu' ghǎm myə́.

⁸Nɔm yə o jɔ e lə bɑwə́ da' gɑ́ e tə́ jɑ wə pɑ́. E gɔ ŋkwɔ' fɑ tsʉ̀m ghɔ nə pi. Nwə cyə́ pɑ dəmcǎ' pyə a bɑ pu lě tə́ və mtso map nthʉm ŋwa'nyə vɔk tə fɑ cwə nə nyap dzʉ̌ a, nə yɔ nɔm, nə pa' e lə bɑ́, la' e piŋ bɑwə da'gɑ bɑ gɔ piŋ sɔ' a.

⁹Yə̌ŋ bɑ́ cwə nə ghə zhyə̌nwə yə fʉ́ da'tə a: Mthə́ sɔmbʉə ba mkuŋ sɔmbʉə myə mjwǐ bɔ shwə́ nə a. A biŋ bɑ́ ba mfo sɔmbʉə.

¹⁰Pyə pɑtɔ cəcɑ̌ pu bɑ wap vʉtə si, batə nthɔk yɑwə, sa', batə sɔmbʉə yɑ tə wuŋ sɔ̌'. Da' gɑ́ e gɔ cwə sɔ' cwə pɑ́ muywə.

¹¹Nɔm yə e lə́ bɑwə, e tə piŋ jɑwə́ a pɑ́ piŋ bɑ pɑ́ mu' fo bɑtə hɔ̌m. E bɑ nə pɔ sɔmbʉə bɑwə gɔ a m nə pipǐ.

¹²Mthu' gham myə o jɔ a, a bɑ mfo ghǎm pyə a bɑ wap ka wuŋ ŋkwi nəfo a; da' gɑ́ pu a nɔm gɔ pəmtə sa' nə ta' nàm.

¹³Nə pa' wap bɑwə shəŋ pɑ́ ta' ywə: Nə tamtə gʉ' yap nə yə nɔm,

¹⁴po'o gɑ wap lo' mú jʉjʉ shù, da' gɑ mu jʉjʉ cyə wap, nə pa' e bɑ Cyəpɔ pɑ cyəpɔ. Fo mfomfo. Pu a pɔ pyə pu lě ŋkhe wap a, ba pɔ pyə pu le shwɔ' wap a, ba pɔ nyənyɔ gɔ sɔ' cyə́ yap shù.

¹⁵E lə pǐŋ gɔm bəm gɑ: Mshyə myə o jɔ́ tsʉ' yə mjwǐ ghap shwə́ nə a, a bɑ̀ pɔmnəŋ, du pɔ, mgùŋ pu a mghɔ̀m.

¹⁶Mnthu' gham myə o jɔ a, ba nɔm gɔ sɔ' pɑ pɔ mjwǐ ghap, tak e do e, tə dzə nə e. Wap gɔ sɔ' pfɑ bap e, to e mɔk.

¹⁷Nə pa' bɑ Si nyəŋ nthʉm tʉ́m pu gɑ wap ghə ywə yə e jap, gɑ a gɔ pɑ a, guŋ ya awɛ: lɑ nəfo tsap nə fa' bi nɔm tə́ kə́m tyɛ'dzʉ yə mghɔm Si pəmtə a.

¹⁸Mjwǐ yə o jɔ e a, a pɑ tisuŋ gwyə yə a sa' mfomfo dəmcǎ' a.