Read Gidar Matiye 15 Bible Online

Matiye 15 - Gidar bible

Matiye 15

¹Yaŋ, Farisiyenɗe* dit məsənaŋ zəga na ma henziŋ azoŋguk sə Zerusalem aza Zezu, assohonənka:

²Vi mi gewleɗ nok asbanən wəsən annet diŋgiɗəm ɓa di? Vi aw ɗanən vet dawzəm zəga va wəsba annet diŋgiɗəm məsvan ɓa.

³Zezu azlan sit na: Munokum vimi kədawray gənən ma henziŋ na Maŋgəlva də wəsən nokum di?

⁴Maŋgəlva amna: Aɓesən affuko dət moko, ko naway dəpel mbrayen aka affəni walla akat mani, say dəbayəni.

⁵Amma nokum munokum tatərbanən na: An ɗəf anahsənək affəni walla mani: An nəŋgəl nabah suk kəta səra zəga nawa, nəɗiyək vi Maŋgəlva,

⁶an vaski na kuket an ada ɓesən affən tay ɓa. Vaski kəray gənən wəpel na Maŋgəlva, vi kəsbanən gən an məs kədarbaŋ.

⁷Məluvuluvuɗe kənanaŋ, gesiŋ Ezay anahə agəɗ kleŋ akokum, amna:

⁸Maŋgəlva amna: Ɗiiyiŋki tahəŋ wəgakdakawən də met ɗarə, amma mekret na faraɗay səzawa.

⁹Wəzuliyəŋ məs adawzuliyaŋ suwənəŋ na ɗari, yaŋ adarbanən ma henziŋ məs ɗii adaɗɗaŋ, va ma henziŋ na Maŋgəlva.

¹⁰Yaŋ Zezu aye ɗiiyi, apsit na: Məpprəma məpprəmani:

¹¹An məs dədawtoŋ ama ɗəf dədawray gən ɓa, amma an dədawgilyen sə mani, ndəni dədawray gəni.

¹²Gewleɗ na Zezu azaraŋka zani, apsənən na: Kəsənək na wəpel nok assanək mekret Farisiyenɗe* sa?

¹³Azlan sitik na: Zemve məs məslgan pak an Affən na disiŋ dəslga ɓa, kaptuwənni.

¹⁴Məppet deŋgerɗe, məkdahaŋ deŋgerɗeŋ. An daŋgar tayək daah daŋgar, sulegit pak wasbəraŋ adəv vovu.

¹⁵Piyer apsən na: Apprəman səm wən məkpaŋgaŋ ɗa.

¹⁶Zezu apsit na: Ha kakaŋka'a kapprəmanən ɓa sa?

¹⁷Kəsənən lahəŋ ɓa sa? An məs dugul ama ɗəf pak adəvən adawtoŋgo kawgilyen aka pəlwa.

¹⁸Amma an digil kəla ma ɗəffa, sə makran ada zani, ndəni dədawray gəni.

¹⁹Vi sə makra ɗəffi, wəɗum mbreyit adawgilyoŋ, tahəŋ wəmbəɗanən dəbay gən gəbaya, dəgəɗ gən mana'a ɗarɗarə wəhala, uwa wənna wəpel mbrayen azet ɗiiyi.

²⁰Zemvit ennetiŋ dədawray gənən ɗəffa. Amma wəzəm məzaɗa vet ɓa va wənnasban net diŋgiɗti aray gənna ɗəf ɓa.

²¹Yaŋ Zezu asil səkəti nani, ambatka aka dələv na Tirus də Sidon.

²²Guluk Kananiyak naka dələv nani, tədek aza Zezu, təkamanka: Aw Ɗəfdaya wətən Davitti*, awəl saha akawa. Wətu məguluŋgət tat də tuya, tay zəm gət saha diiɗa.

²³Zezu dəzlan sət ko wən taka ɓa. Gewleɗ nan azoŋko zani, apsənən na: Anah sət təllə vi tatəsbam də giŋgere.

²⁴Zezu azlan sit na: Məslən wi viyit ɗii meɓɓet ɓa, say viyit timeŋgiɗ mizet ɗii na Israyel.

²⁵Amma ɗak nak tukdu sənək takprata təmna: Aw abaah suwa Ɗəfdaya.

²⁶Zezu azlan sətək na: Tay law wəgəm way səbet kirin kapsit kirɗe ɓa.

²⁷Təmna: Vaski gesiŋ aw Ɗəfdaya, amma kirɗə vet bo tahəŋ wəfekeŋ way an dədaw bəta səmba vet migilti.

²⁸Zezu apsət na: Ɗakə, wətaf nok diiɗay dəgəɗ suk va kəŋgələ. Wətət təmbələk pay dəpaska'a ləŋgə.

²⁹Zezu asilik səkəti nani, ambatək kla maŋgava pe'e na Galile. Apeŋke aka mosorgo, asanka daka.

³⁰Ɗii diiɗa azoŋko zani, akisənənək vədelɗe deŋgerɗe goryomɗe məs zit məmtəni, dit məs gbəgbaɗe meɓɓet diiɗa. Avoŋgitinik amaŋgava Zezu, ambəl gitike.

³¹Ɗii agətaŋgək diiɗa adan awlenin goryomɗe dawpeleŋ, məs zit məmtəni ambəlaŋka, vədelɗe tahəŋ wədawaŋ də tilti, deŋgerɗe tahəŋ ulaŋgə, agakdakanənək Maŋgəlva net Israyelɗe.

³²Zezu ayek gewleɗ nani, apsit na: Nulak səsahit ɗiiyiŋki, vi tahəŋ də in pay hoku tahəŋ də zəga nawzəm ɓa. Nəɓap na wənahsit na məduwaŋ ɓa, vi dəzəmaŋ ɓa may waddeket aka tive an tahəŋ wəmbataŋ.

³³Gewleɗ nan apsənən na: Aŋga mədawrəh zəga nawzəm awraŋ gap napsit ɗiiyiŋ di?

³⁴Zezu assohotike: Dupeŋɗe mbarwaŋ avokum di? Azlansənənək na: Dupeŋɗe buhul gəm kilif suɗike.

³⁵Yaŋ Zezu anah sit ɗii na, məsoŋ a fuŋ.

³⁶Agimik dupeŋɗe buhul dit kilif suɗike neki, agəɗək soko sən Maŋgəlva, arɗetike, apsitik gewleɗ nani, net bo apsitinik ɗiiyi.

³⁷Ndəɗaŋ pak aziminke, abaŋka. Gewleɗ akalanənək dambirgiti aknahək keŋkelɗe buhul.

³⁸Wəŋɗa net ɗii də zimnin dupeŋɗe van aɗɗaŋgək zel uzinere poɗo, məŋɗeti gil dit kirin ɓa.

³⁹Dərɓagani Zezu apsitik tive sit ɗiiyi, atoŋko adəv bəlay, ambatka aka dələv na Magadan.