Read Gidar Markus 16 Bible Online

Markus 16 - Gidar bible

Markus 16

¹Adan pay naffet* atoŋgu, Mari na Magdala, dət Mari ma Zak, gəm Salome albahaŋgək tursan də mel na gaŋgəlnya vi kawmbat wəppay sən gəbay na Zezu.

²Pay damasi alvəɗaŋ pumu, adoŋguk ama gamasə, də pay wəgilyani agapaŋ.

³Anahaŋgək awalaŋ ziti naway nawkəɗəŋgəl səm gərəm sə ma gamas di?

⁴Vi gərəm nan metiŋgini sawɓa. Amma yaŋ aslanən hereti, awlanənək gərəm məkəɗəŋləŋni səkay.

⁵Aguloŋguk adəv gamasə. Awlanənək gawla taya dak ɗewwe dəka van dəzəŋ, aguluk tarawal babara. Ageslne'eŋke.

⁶Amma anahsitike: Kədaw geslne'eŋ ɓa. Munokum tatə kayanən Zezu məs na Nazaret məs məlawən aka wəlaŋga məzliwrihe. Tayaŋ ɓa, asilke. Təki məs məvoŋ gən van yaŋka.

⁷Mədoŋ kakaŋka məka labara nan sit gewleɗ nani gəm Piyer, wambat dabəŋ kikum a Galile. Adakki kədawlanəni va anah sukum.

⁸Gil agulyoŋguk sə ma gamasə, dənahaŋ sənən wənnan ko sən ɗəf taka ɓa vi a geslne'eŋke.

⁹[Dərɓaga Zezu asil sətəki əmta, pay damas də mompumo pumu, arbanək zən azat Mari na Magdala dabəŋ. (Ndətə məs Zezu agilgit tuyeŋɗe səkat buhul nakə.)

¹⁰Təmbatək wədawnah sit ɗii məs dəsoŋ də Zezu laŋka. Net bo tahəŋ wəhəmaŋ dəwəɗəka.

¹¹Amma adan apprəmənən an məs tənah sit na: Zezu darani, nat bo tulaka, amma dətafən ɓa.]

¹²[Dərɓagani Zezu arbanək zən azet ɗii sula səmbet gewleɗ nani, pay maɓɓan tahəŋ aka tive nawmbat aweleŋgit gəleɗe nawra.

¹³Amilyoŋko anahsitinik ɗiiyen dəppaŋ, amma net bo dətafən ɓa.]

¹⁴[Dərɓagan kana Zezu arbanək zən azet gewleɗ nan klaw kiyit taka, pay adawzəmaŋ. Asga sitike vi tahəŋ dəwətaf ɓa, gəm vi makra ɓəɓəl neti, vi dətafən wənnet ɗii məs dulanən dərɓaga asil sətəki əmta ɓa.

¹⁵Yaŋ anah sit na: Mədoŋ ko aŋga aka dələv pakə, məpel Wən Nenek na Maŋgəlva azet ɗii pakə.

¹⁶Ɗəf məs dətafa, məɗɗa sən baptem wakohu. Ɗəf məs dətaf ɓa kita na Maŋgəlva waslba.

¹⁷Apprəma sokeneɗ an məs ɗii dətafaŋ adaɗɗaŋ: Warɓihin witemɗe də iya nawa, wapeleŋ ma meleketeni.

¹⁸Warmenin dohoŋɗe də veti walla wasaaŋ mufutu, amma abeyna ɓa samə, məs gbəgbaɗe wambəlaŋ.]

¹⁹[Dərɓaga Zezu agrak wəpel sit vaska, Ɗəfdaya azlahək a disiŋ asanək aka va dəzəŋ na Maŋgəlva.

²⁰Gewleɗ adoŋko, apelinik Wən Nenek ko aŋga pakə. Ɗəfdaya agəɗək wəza dənɗaŋ, arbanək na wən məs adawpeleŋgəŋ na, gesiŋgi dit sokeneɗi.]