Read Gidar Roma 10 Bible Online

Roma 10 - Gidar bible

Roma 10

¹Də makraw takayi milmiŋgiɗwa, nəŋgəl əlfiŋgiɗu dəkohoŋ gəni, nəppana əkaman Maŋgəlva viyit ɓa.

²Intatəɗɗa saydawa aketi tahəŋ əsokən zit wəsban Maŋgəlva. Amma wəsok zit də wəziw aka tive an goŋgayi ɓa.

³Dəsənən na, mbarmbari Maŋgəlva ada kpaŋgit ɗii təstəs aban di ɓa. Tahəŋ əkayanən goŋga na Maŋgəlva də wəza neti. Vaski kana, dəŋgereŋ əsbanən tive məs Maŋgəlva ada kpaŋget ɗii akan təstəs dəndən ɓa.

⁴Səza Krestu ade na, wənna ma henziŋ amtəka. Vi ko naway məs dətafa, wasan ɗəf təstəs aba Maŋgəlva.

⁵Apprəm va an Moyis aver aka wənna goŋga, adəv ɗerewel na ma henziŋ. Ko naway dəsban məs ma henziŋ adawnaha, wasan madaran dəndən.

⁶Yo apprəm bo va an məpelin aka wənna goŋga məs nawrəh də ətafa: Kədaw nah na: Naway dəpeŋ a disiŋ di? Va wənah na: Vi kaprik gən Krestu.

⁷Kədawnah bo na: Naway dədappriken avov kpukpum di? Va wənah na: Nawgil gən Krestu suweleŋgit ɗii mimtiti.

⁸Vaŋki kan əpel nan vani: Əpel na Maŋgəlva go'oy də is sawɓa, abarokki də makroko. Ndəni labara na ətaf məs mədarban wənnani.

⁹An kəɗɗak saydawa nan də mok na: Zezuwi Ɗəfdaya, an kətafək də makrok na, Maŋgəlva asil gənək səkəti əmta, asna akəkohu.

¹⁰Ɗəf məs dətaf də makrani wasan təstəs aba Maŋgəlva, ɗəf məs dəgəɗ saydawa aka Krestu də man bo wakohu.

¹¹Vi ɗerewel anahək na: Ko naway dətafa kita armana ɓa.

¹²Wənnəska tay viyit ɗii pakə, zəga tay nawɗeket Yahudiyenɗe dit ɗii məs Yahudiyenɗeŋ ɓa ɓa. Vi Maŋgəlvayi Ɗəfdaya net pakə, tayəpsit mbəlembəle sit ɗii məɗɗaŋ saydawa akan pakə.

¹³Va ɗerewel anah na: Ko naway dəgəɗ saydawa aka iya na Ɗəfdaya wakohu.

¹⁴Amma mbarmbari adaɗɗaŋ saydawa an dətafən labara nawkoh ɓa di? Mbarmbari adawtafən an dəpprəmən labara van ɓa di? Mbarmbari ada rəhən əpprəmən an ɗəf tay dərban wənnan ɓa di?

¹⁵Mbarmbari ɗəf adarban wənnan an məsləni ɓa di? Va məver wənnani: Mi mogon va tilit ɗii mərbanən Labara Nenek di?

¹⁶Amma ɗii pakəŋ dətafən labara nan ɓa. Məskleŋ Ezay amna: Aw Ɗəfdaya, naway dətaf labara məs mədarbanəŋ di?

¹⁷Vaski, səza əpprəm labara mərbani ətaf ade, labara məs narba bo, səza Krestu ade.

¹⁸Yo say nəssohu: Israyelɗe dəpprəmən labaraŋ ɓa sa? Gesiŋ apprəmənka! Ɗerewel tay nah na: Apprəmənək wəlet masləŋɗe aka dələv pakə. Əpel net agapək aki dəlva bayman pakə.

¹⁹Israyelɗe dəsənən ɓa sa? Say nəssoh əmpa ɗa: Moyis azlanək dabəŋ: Wanəkpaŋgokum məs kotorokɗe net ɗii məs tektekkəŋ ɓa, wanədan sukum gədəvkum aket ɗii dərweŋge.

²⁰Ezay bo də geslne dawnah na: Ɗii məs dəkayawən ɓa arəhwənka. Nərbanək zu azet ɗii məs dəssohonən ɗaah wənnaw ɓa sam.

²¹Amma nan anah aka wənnet Israyelɗe na: Nəsɓətək huruɓ ətəl vaw kawtaf ɗii məs apprəmaŋ ma ɓa məɓoŋti.