Read Gidar 1 Korintiyen 8 Bible Online

1 Korintiyen 8 - Gidar bible

1 Korintiyen 8

¹Yo mula səm wənna slu mətaw wəlan ama tuyaŋ ɗa. Munokum tatə nəhaŋ na: Mənam pak məsənək zəga. Vaski gesiŋ, amma əsən zevin askəs wakaɓ gən ɗəffa. Say əŋglayi dədawɓay gən ətaf net ɗii na Maŋgəlva.

²An ɗəf aɗumək na asənək zəga na, asna nan dəsən zəga tagay ɓa.

³Amma an ɗəf aŋgluwək Maŋgəlva asna Maŋgəlva bo wasəna.

⁴Yaŋ kəssohoŋ na, ɗəf wazəm slu mətaw wəlan ama tuya sa? Məsənka tuya na zəga mogoni a duniya ɓa, zəga maɓɓan tay nasban ɓa say Maŋgəlva kaaka'ə.

⁵Maŋgəlveɗ meɓɓet tahəŋ a disiŋ də afuŋgu məs ɗii adawnahən wənneti, gesiŋ tahəŋ əsbetin maŋgəlveɗ dit dayeɗe diiɗa.

⁶Də as pakə, nam Maŋgəlva taka kaaka məsənə, Affən məs dəɗɗa zəga pakə, azani məda milyamə. Vaski bo Ɗəfdaya takayi ndəni Zezu Krestu. Dəndəni məɗɗa zəga pakə, dəndəni bo mədawrəh zeŋgille meleketeni.

⁷Amma ɗii pakəŋ dəsənən ɓa. Ɗii meɓɓet asrəkaŋgək də wənna tuya. An azəmənək slu nani, tahəŋ ulanən va slu mətaw wəlan ama tuya gesiŋ. Vi əɗum na mekret mədakənəŋ wageslne'eti, də wəray gən zit də slu mətaw wəlan ama tuya.

⁸Ya zəga nawzəm azaɓan na wənnam aba Maŋgəlva ɓa. An məzəm ɓa gakdak nam amndan na dərɓe ɓa, an məzəmka, gakdak nam anzlərna akan ɓa.

⁹Amma məzi zukum, vi kikum məs kərəhaŋgəŋ adawtoŋgit ɗii meɓɓet adəv mambray ɓa.

¹⁰Kuzuŋ istat də əsəna, akətoŋ adəv gəla na tuya. Ɗəf mədakən nak awlukuko pay kədawzəmən naka. Wapsən sembe nawzəmən tamə, ya an makran aɗumi ɓa bo.

¹¹Ɗəffəŋ mədaknəŋka, məlmuki məs Krestu amtə vini, nan wazə vi wənna əsən noko.

¹²An vaski na kəɗɗaŋgək mambray azet milmiŋgiɗkum, yaŋ kəɗiyaŋ vamvi sən əɗum na mekret mədaknəŋka. Vas bo mambray nan aza Krestu kəɗɗanəne'e.

¹³Vi vaski an slu waɓap əgul məlmu adəv mambray na, nəzəm na ɗaah slu ɓa. Vi nəŋgəl na məlmu dəzə gən viyin ɓa.