Read Gidar 2 Korintiyen 13 Bible Online

2 Korintiyen 13 - Gidar bible

2 Korintiyen 13

¹Wanede annokumda mahoko'ən. Ɗerewel amna: Əwəli pak an wən waziw na, say məɗɗaŋ saydawa dəsoŋ sula walla hoku.

²Məɗɗaŋ mambray suwalaŋkum dit ɗii meɓɓet pakə, əntatə nahsit əmpa va an nənah sit daga nəsaw awaloŋkum ma sula'ən. An nədek əmpa na anətaw kita aket gesiŋ.

³Kəŋglaŋ na kasla wənnan na, kəsənən gən na Krestuwi dədawpel amawa. Nan na mədakni awaloŋkum ɓa, amma warban sembe nan amakrokum.

⁴Pay məs amtə aka wəlaŋga məzliwrihe, pay nani mədakni. Amma kakaŋ na madarani də sembe na Maŋgəlva. Vi wənna əsap nam də Krestu məddakəm mənani. Amma akulanən məda sam madaram dəndən vi wənna sembe na Maŋgəlva.

⁵Mula zukum kanɗa. Munokum tat də sembe aza wətaf sa? Say məsən wənnan sən kikum. Kəsənənək na Zezu Krestu tay də munokum sa? An tay vas ɓana, nokum kəsbəraŋka.

⁶Amma nəɗumuk na akəsən mən na, məsbər ɓa.

⁷Mənam tatə kaman Maŋgəlva vi kədaɗɗaŋ mambray ɓa. Nam məŋgəl goŋga nam duwəl gən ɓa, amma nam məŋgəl na kəɗɗaŋ gən an dəslə, ko an mənam van zlaŋ məddakəm mənani.

⁸Məɓap na əɗɗa zəga məs nawtak goŋga na Maŋgəlva ɓa, say dərəŋ na wa məɓap wəɗɗa wəza dəl gən abe dərəŋ.

⁹Zəm nenekeɓ ɓa an mədakəm mənani, amma nokum də sembe kənanaŋ. Vini mədakaman Maŋgəlva, ka kəsoŋ gən təstəs grakə.

¹⁰Pay nədawver sukum wənnəs pakə, faraɗa nan tagayɗa. Vi an nədeke, nəŋgəl əhoyokum də sembe məs Ɗəfdaya avayəŋ ɓa. Nərah sembe nan vi kawray gukum ɓa, amma vi kawɓay gukum adəv ətaf nokum.

¹¹Yo milmiŋgəɗwa məsoŋ zam kana. Məsok zukum kəsoŋ gən də goŋga, mətaf wənnawəŋ də makrokum taka. Məsoŋ dəsler awalaŋ zukum də əsuwa neki. Asna Maŋgəlva məs dədapsukum əŋgla də əsuwa zam, wasan də munokum.

¹²Məsɗan zukum də ərma va zukum. Ɗii na Maŋgəlva pak asɗokumənka.

¹³Mbəlembəle na Ɗəfdaya nam Zezu Krestu, də əŋgla na Maŋgəlva, də əsap na Əmpəs Salala dəsan də munokum pakə.