Read Gidar 2 Korintiyen 6 Bible Online

2 Korintiyen 6 - Gidar bible

2 Korintiyen 6

¹Namə məɗɗaŋ wəza də Maŋgəlva mənani. Vini məda komokum: Kərəhaŋgək mbəlembəle na Maŋgəlva, məzi zukum adawza səvokum ɓa.

²Vi anahək na: Pay na mbəlembəle, nətafək əkam noko. Pay nawkoho, nəbaah sukuko. Yaŋ bo, kakaŋki pay na mbəlembəle, dəpaŋki pay nawkoho.

³Məŋgəl ɗəf dəfyok gən aka wəza nam ɓa, vini mədaw zi zəmə, vi mədaw tak ətaf na ɗəf ko taka ɓa.

⁴Amma adəv ko mi pak mənam tatərban na, nam məɗɗaŋ wəza na Maŋgəlva mənani. Də əɓəsən diiɗayi mədawzlan wən tattuwãh də əzəm saha də bonoy.

⁵Ɗii avərmənka, asgamənək a daŋgay, aɓoŋ gitinik ɗii akamə. Məyək də wəza, mawrəh va naw leŋ ɓa, ha təl ɓəɓay, mawrəh va nawzəm way ɓa.

⁶Mənam tatərban na, məɗɗaŋ wəza na Maŋgəlva mənani də goŋga namə də əsən namə, də əbaah na Əmpəs Salala*. Də əŋgla məza də mataka taka azan ɓa.

⁷Də ərban wənnan məs də goŋga, də sembe na Maŋgəlva. Zəga naw gay namə, narge maseŋgiɗmə, nawga ki zəmə ndəni goŋga.

⁸Ɗii tahəŋ əgakdakaməni tahəŋ əzeleməni bo, tahəŋ əpeleŋ mogon akamə, tahəŋ əpeleŋ mbrayen akamə bo. Ɗii meɓɓet tahəŋ uləmən va məwaŋ tepelke, ko də mədawpel goŋga zlaŋ.

⁹Tahəŋ ənahaŋ na dəsənmən ɓa, amma gesiŋ ko naway asənməka. Tahəŋ uləmən va məmtemə, amma pay pak mənam tat daramə, tahəŋ əvərməni amma də ɓaymən tagay ɓa.

¹⁰Tay kiyaŋ səmən wən tattuwãh, amma mənam tatənan nek pay pakə. Məgilik va məs saheŋɗe, amma mənam tatəkpeŋget ɗii meɓɓet məs aryeɗ diiɗa, mənam tat va ko mi taya vam ɓa, amma gesiŋ nam na, mənam tat də zəga pak avamə.

¹¹Munokum ɗii na Korintus, mənam tatə pel sukum kotakə. Məkol sukumək makram butoŋgu.

¹²Minan makram sukum ɓa, amma nokum, kinanənək makrokum səmə.

¹³Inatə pel sukum va kirtuwa. Məsoŋ də wəɗum namə, va nam məsam də əɗum nokum. Məkol səm makrokum butoŋgu.

¹⁴Kədaw sapaŋ dit ɗii məs dətafənən Ɗəfdaya ɓaɓa, əsap nan dəslə ɓa. Mbarmbari goŋga adaw sap də mambray di, walla təki babar də guzli di?

¹⁵Krestu də Satan aslereŋ na ɓa. An tay vasna mbari ɗəf məs dətaf adawsler də ɗəf məs dətaf ɓa di?

¹⁶Mi də sapan gəla metiŋ na zuli də tuya di? Gesiŋ gəla metiŋ na zuli madaran na Maŋgəlva mənani, vi Maŋgəlva anahək na: Wanəsaw aweleŋti, kawsaw dənɗaŋ. Wanəsaw ka Maŋgəlva neti, net bo wasoŋ ka ɗii nawa.

¹⁷Vini anah na: Məgil suwaleŋti, muɗak dənɗaŋ. Kədaw rəŋgənən zəga naw see'* ɓa, asna wanətafkum.

¹⁸Wanəsaw ka Affukum, nokum bo akəsoŋ ka kirtu maziŋleket dit məguliŋgiti. Vaski Ɗəfdaya məs də sembe anahə.