Read Gidar Galatiyen 5 Bible Online

Galatiyen 5 - Gidar bible

Galatiyen 5

¹Krestu apəlmək sədəv balam, vi məsam gən məza balemɗe ɓa. Vi ni məsoŋ də sembe adəv wərəh kikum, Ɗəf ada kpaŋgokum balemɗe əmpa ɓa.

²Məpprəma! Əntə Pol, əntatə nah sukum, an kətafənək wəskəl awra, Krestu atərna wəray azokum ɓa.

³Intatə nah əmpa, ko naway pak dətaf wəskəl awra, aynanək kiyən kasban ma henziŋ pakə.

⁴Munokum məzu kayaŋ kəsoŋ gən təstəs aba Maŋgəlva də wəsban ma henziŋ, kuɗaŋkaŋgək də Krestu, kəzaŋgək də mbəlembəle na Maŋgəlva.

⁵Nam mənam tatə ɗum na, Maŋgəlva wakpaŋgam təstəs abani, ndəni məda tafən də sembe na Əmpəs na Maŋgəlva.

⁶Vi an məsapək də Krestu wəskəl awra atərna wəray ɓa, ko məs dəskəl awra ɓa pak atərna ɓa, say wətaf an məs dəsap də wəŋgla.

⁷Munokum tatə dawaŋ mogoni, naway dətak kikum dasban goŋga di?

⁸Aŋgəlaŋ əmbodokum amma wənnan dəde səza Maŋgəlva an məs dəyukum ɓa.

⁹Kədasgətaŋ ɓa wuɗo suɗike wahəs zəga nan pakə.

¹⁰Nəsənkumək adəv Ɗəfdaya, kəmzləhaŋ na səzaw ɓa. Amma ɗəffan də geslne'ekum warah kita aba Maŋgəlva, ko naway di pakə.

¹¹Amma nawa, milmiŋgiɗwa, an əntatə pel sukum wən naskəl awra ha kakaŋka, vi mi adawkayanən maw ha kakaŋ di? An vaski na Wən Nenek na Zezu Krestu məkpa'ən aka məzliwriheŋ asana wəŋgbay git kəta ɓa.

¹²Ɗii məzu ray gukumənəŋ ɗəɗaah dətawən bet van tərmgbəkə.

¹³Məlmiŋgiɗwa, Maŋgəlva ayukumək kəsoŋ gən məza balemɗe ɓa. Amma kədaw slaahanən kikum məs kərəhaŋgəŋ də wəsim zəga na gəɓa zukum ɓa, say məbaah sən zukum də wəŋgla.

¹⁴Vi ma henziŋ pak adəv zəga taka asapə, ndəni: Aŋglu meggoko va kəŋglu ki zuko.

¹⁵An menokum tatə zelin zukum, menokum tatə weharan zukum, wəzəm zukum va zigeɗ nawra. Məzi zukum vi kəɗasɗəkən zukum ɓa.

¹⁶Məpprəma an məs nəŋgəl wənah sukum: Məppan Əmpəs dədaw gən zeŋgillekum, kədaɗɗaŋ an məs gəba zukum aŋgəl ɓa.

¹⁷Vi gəɓa zə ɗəf tayəŋgla an məs Əmpəs dəŋgəl ɓa, Əmpəs bo dəŋgəl an məs gəɓa zə ɗəf aŋgəl ɓa. Vi wənna əgay vaski, kərah na wəɗɗa mogon an məs kəŋgəl ɓa.

¹⁸Amma an Əmpəs dədawdaw gukum asna amba təl ma henziŋ kənanaŋ ɓa.

¹⁹Wəza na gəɓa zə ɗəf na ndəɗaŋ yeŋ dədarbanən zitiŋki: Wəɗɗa mana'a, zəga naw see'e, ɗarɗarə,

²⁰wəsban matuya, təffiya, wəzele, wəgaya, kotoroku, wəda gədəva, wərma mama, purufpurufu, wəsil gən wənna,

²¹garzlaw, witem də mbazla, wəsmay mbrayen. Zigeɗiski. Intatə nah sukum aka wənneti nənah sukumək səkay məzəɗenin zemvit wəzeɗes arəhaŋ na məlĩ na Maŋgəlva ɓa.

²²Amma uwa na Əmpəs na ndəni: Wəŋgla, wənneke, zamə, wəɓəsən, ula saha, wəɗɗa mogoni, wəɗɗa zəga də tive nani,

²³wəɓegən zuko, wərma zuko, zemvit es bo ma henziŋ taya ket ɓa.

²⁴Ɗiiyen də Krestu akpa'ənək gəɓa zit də wəsim zəga neti.

²⁵Əmpəs dəpsəm zeŋgille, say ndən dədawdaw də mənamə.

²⁶Kədampaŋ sənən zukum ɓa, wədda gədəva də kotoroku adaw san ɗaah awaloŋkum ɓa.