Read Gidar Efesiyen 1 Bible Online

Efesiyen 1 - Gidar bible

Efesiyen 1

¹Letərəŋka Pol dəsləna nan bo masləŋ na Zezu Krestuwi də wəŋgla na Maŋgəlva, azet ɗii na Maŋgəlva a Efesus, təstəssəŋ aza əsap də Zezu Krestu.

²Maŋgəlva Affəmə gəm Ɗəfdaya nam Zezu Krestu dəpsukumən mbəlembəle də zamə.

³Usoko sən Maŋgəlva Affən Ɗəfdaya nam Zezu Krestu. Apsəmək barkeɗ zemvit temtem pak sə disiŋ də Krestu.

⁴Daga dəɓəl əzəməɗ duniya tagay ɓa, awelməka ka məsam gən ɗii nani də əsap də Krestu, ka məziw gən abani, məsam gən salala* məza də mambray ɓa. Aŋgələməka.

⁵Ndəni kan aɗumu katafəm va kirtini də wəza na Krestu. Ndəni əŋgla nani vaski an dəslə səni.

⁶Mə gakdakan səm mbəlembəle nan məs məsam gərəŋ akani, məs andol səm də Wətən an tabuwa nani.

⁷Vi wənnet mbel na Krestu məs dəziyaŋ mərəhək kimə də əviyan mambray namə, vas ki Maŋgəlva arban səm gakdak na mogon nani.

⁸Awan səmək diiɗa apsəmək wəsənna də maɗula pakə.

⁹Arban səmək wən məɗama nani, məs aɗum daga far də wəŋgla nani. Vi kaɗɗan payan məs dəslə də Krestu,

¹⁰aɗumək wakkelet zigeɗ pak amba təl Krestu, zigeɗ na disiŋ dit zigeɗ na duniya pakə.

¹¹Də əsap də Krestu mədarəh haran nam aza əkoho, Maŋgəlva məgəɗ zəga pak va aza əŋgla nani də əɗum nani, awelmək daga farə ka mərah gəni.

¹²Vini kana say məgakdakan səm gakdak nani, say mənam məs mədawga Krestu dabəŋgəŋki kaaka ɓa.

¹³Amma nokum bo, munokum məs kəpprəmən gesiŋ na Wən Nenek naw koh nokum, adan kətafənka, Maŋgəlva aɗi sukumək lamba azokum də Əmpəs Salala* an məs aynan wənnan na, nan kənanaŋ.

¹⁴Əmpəs Salala vani naw san saydawa aka zəga mogon məs Maŋgəlva aɗum səm kani. Wamərəh zəga nani payan əkoh nam adagraka. Məgakdakan səm gakdak na Maŋgəlva.

¹⁵Yo nəpprəmək wənna wətaf nokum məs kətafən Zezu Ɗəfdaya namə, də wəŋgla nokum viyit ɗii na Maŋgəlva pakə.

¹⁶Vini nəppan na wəkkaman Maŋgəlva vikum ɓa. Intate ɗumon wənokum pay naw zuli nawa,

¹⁷inatə kaman Maŋgəlva Affən Ɗəfdaya nam Zezu Krestu, Maŋgəlva məs də gakdaka, dəpsukum gən Əmpəs nani, məs narban sukum zəga nawsənna, məs narban sukum Maŋgəlva ka kəsənən gəni.

¹⁸Maŋgəlva dəkol sukum maɗulokum də təki babar nani, vi kəsənən gən wəgrak na tive an məs muyukum akan ka kəgapaŋ gən adaka, vi kəsənən gən gakdak na arya nan məs nagət akani an azaɓan sit ɗii nani.

¹⁹Məpprəm wənna sembe nan məs kaw ɓapi wəsən gabban ɓa, Maŋgəlva arbetik də gurom nan diiɗa akam mənam məs mətafə.

²⁰Ndəni agəɗ pay asil gən Zezu səkəti əmta də zeŋgilleni, aɗiyək a disiŋ dəka van dəzəŋ.

²¹Adaki Krestu adaw zəm məlĩ aket ɗii gugiriɗ na disiŋ pakə, dit məzəmaŋ məlĩya də aket sembeɗ pakə, də aket dayeɗe pakə, də aket iyeɗe məs na sləma ko awetiŋ di pakə, say a duniyaŋki kaaka ɓa, amma də an naka duniya məs dədazan pakə.

²²Aɗiyək zigeɗ pak amba təlni, aɗiyək ka Ɗəfdaya aka zəga pakə, aɗiyək ka Ɗəfdaya net ɗii na Maŋgəlva,

²³ɗii na Maŋgəlva həŋ gəba zə Krestu, aweleŋti Krestu arban zən kotakə, aknahək ko mi pak ko aŋga pakə.