Read Gidar 1 Tesalonikiyen 1 Bible Online

1 Tesalonikiyen 1 - Gidar bible

1 Tesalonikiyen 1

¹Letərəŋka səza Pol də Silas gəm Timote ade, əkan azet kretiyenɗe na Tesaloniki, ɗii na Maŋgəlva, də Affən Ɗəfdaya nam Zezu Krestu, dəpsukum mbəlembəle nan də zam nani.

²Pay mədakaman Maŋgəlva pak mazgət kikum ɓa, mənam tatəɗum akokum pay na zuli nam pakə.

³Mənam tatəɗumon wəza nawtaf nokum aba Maŋgəlva Affəmə, də wəzuliya də wəŋgla nokum də an məs kədaɓəsaŋ də wəɗum nokum aza Ɗəfdaya nam Zezu Krestu.

⁴Milmiŋgiɗwa, məsənək na Maŋgəlva aŋglukumko, awel kumko kəsoŋ gən ka ɗii nani.

⁵Vasna labara nenek məs məpel sukuməŋka, də wəpeli kaaka azokum ɓa, amma Maŋgəlva arbanək sembe nan dəndən, gəm Əmpəs nan Salala* abaah səməka, apsəmək wəsən an də goŋga nasuwa ha faɗə, kəsənənək va məgəɗ wəza awaloŋkum, vi kawtər sukum wərayi.

⁶Kəsbanənək wədaw namə də na Ɗəfdaya. Ko kəzəmaŋgək saha diiɗa də aspak kərmanənək wənnan də wənnek məs Əmpəs Salala apsukum.

⁷Ha kəkpaŋgaŋgək va zəga narban wədaw sit ɗii na Maŋgəlva a Makedoniya də Akaya pakə.

⁸Vi səzokumi wəpel na Ɗəfdaya appasə a Makedoniya də Akayayi kaaka ɓa, amma ambatək bal sən dəlvəŋ pakə, labara na wətaf nokum məs kətafən Maŋgəlva atrayək atəki pakə ha wəray tay məpel gən əmpa ɓa.

⁹Vi ndəɗaŋ sən kiti apelinik wənnam va kətaf mən annokumda, va kəkpaŋgaŋ aza Maŋgəlva də wəppan tuya, yaŋ kədasbanən Maŋgəlva an madaran gesiŋ gesiŋ.

¹⁰Munokum tatə ganən Wətən dəde gən sə disiŋ, ndəni Zezu məs asil gən sətəki əmta, dəsan də zeŋgilleni, ndən dədawkoh gəm səma wəda gədəv na Maŋgəlva məs dədazani.