Read Gidar 1 Tesalonikiyen 2 Bible Online

1 Tesalonikiyen 2 - Gidar bible

1 Tesalonikiyen 2

¹Milmiŋgiɗwa, vi munokum sən kikum kəsənənək va wədaw nam anokumda, wənnam tay ɗar mekeleŋ ɓa.

²Kəsənənka məzəm gəmi saha a Filipi daga məɓəl wəgap annokumda a Tesaloniki ɓa. Aramənka kəsənək wənnani. Amma Maŋgəlva asɓaməka vi məpel sukum gən labara neneke, an məs dəde səzani, ko də wən ɗarɗar asil zlaŋ.

³Wən məs mədawpeliŋka wənna tepelkeyi ɓa, wəɗum an mbrayeni ɓa, wənnaw reket ɗiiyi ɓa'a.

⁴Amma Maŋgəlva akesik na zamə, aɗimək ka ɗii təstəssə, apsəmək tive napel labara neneke. Vaski bo mədaw pelin, an nanek zit ɗii mədawpel ɓa, amma an nanek zə Maŋgəlva mədawpele, ndəni məs dula makramə.

⁵Kəsənənka, nam məpel sukum ɗaah wən gə gənɗət na ma ɗəf ɓa, məɗaman ɗaah wənna mam va wəŋgla nawrəh deleɗ ɓa. Vasna Maŋgəlvayi saydawa namə.

⁶Məkay gakdak avet ɗii ɓa, ko avokum ɓa, ko avet ɗii meɓɓeti, məkay ɗaah ɓa.

⁷Gesiŋ waməɓap wərban gakdak nam sukum vi masləŋɗe na Krestu manani. Amma məgəɗək mogon awaloŋkum, va met kirin tədaɗum aket kirtəta.

⁸Məŋgəlukumək sawɓa, ha məpsukumək zeŋgillemə, say labara neneki kaaka ɓa'a, amma də əŋgla nam diiɗa azokum.

⁹Milmiŋgiɗwa, vi munokum tatə ɗumonən iya nam məs məyə də wəzəm saha pay məs məpel sukum labara neneke. Məgəɗək wəza kapay də dəfəɗ pakə, vi kaw zəm gən kimə vi mədawyan ko ɗəf taka suwaloŋkum ɓa.

¹⁰Munokumtə saydawa namə gəm Maŋgəlva pakə, də wədaw nam awaloŋkum munokum məs kətafaŋ masləŋɗe mənani, an məs dəslə mədaɗɗa, wən tay mədaɗɗa na hayam akan ɓa.

¹¹Kəsənənək va an mərban sukum, məsɓokumko, va affit kirin adaw səɓ sit kirtini.

¹²Məpel sukumko, də wəsɓokum, məziw gukumko vi kəsoŋ gən də Maŋgəlva məs dəyukum aka məlĩ nan də gakdak nani.

¹³Vi wənnani məppana wəɗɗa soko sən Maŋgəlva ɓa, vi kətafənək labara na Maŋgəlva səmamə, kətafən va wəpel net ɗii ɓa, amma va wəpel na Maŋgəlva kətafəni. Gesiŋgi ndəni wəpel na Maŋgəlva məzəɗɗa wəza amakrokum munokum məs kətafaŋ.

¹⁴Vi munokum, milmiŋgiɗwa munokum tat va kretiyenɗe na Maŋgəlva a Zude məs dəsoŋ ɗii na Zezu Krestu. Vi nokum bo kəzəmaŋgək saha vaneti, avet əlfiŋgiɗkum, vanet bo azəmaŋ saha avet Yahudiyenɗe.

¹⁵Ndəɗaŋ Yahudiyenɗe dəbayin Ɗəfdaya Zezu dit məs kleŋɗe, nam bo arɓahamənka, wənnet tay lew ara Maŋgəlva ɓa, məzu zeleŋ net ɗii pakəŋ.

¹⁶Atak mənək dawpel sit ɗii məza Yahudiyenɗeŋ ɓa wənna kohgiti, vi kaknahanən mambray net məs adaɗɗaŋ pay pakə, amma wəda gədəv na Maŋgəlva wade aketi ha faɗə.

¹⁷Anziyək səza muɗakə milmiŋgiɗwa, mula zəm ɓa, amma makram duɗak ɓa, məvoŋguk səzokum sawɓa. Ndəni məsokuk zəm diiɗa vi kaməsa ula horokum.

¹⁸Vi vaski muɗumuk nazam annokumda, naw in Pol na təl ɓəɓay nədaɗumo, amma Satan atak məka.

¹⁹Mənokumtə wəɗum namə, wənek namə, mətər kiya namə də wəkaɓ namə, pay wəziya na Ɗəfdaya nam Zezu Krestu.

²⁰Munokumtə gakdak namə, də wənnek namə.