Read Gidar 2 Tesalonikiyen 2 Bible Online

2 Tesalonikiyen 2 - Gidar bible

2 Tesalonikiyen 2

¹Milmiŋgiɗmə, munokum tatə ganən Ɗəfdaya nam Zezu Krestu pay adazani waməkkal azani, amma mənam tatə kamokum.

²Maɗulokum adazlaɓ gu' vas ɓa, kədaw geslne'eŋ an ɗəf annah sukumək na pay na Ɗəfdaya nazan agapka ɓa, kuzuŋ ɗəf wagəɗ kleŋ vaska, walla wapel sukum vaska, walla wanah na mənam məver adəv ɗerewel namə.

³Kəda panən zukum ko naway dəmbəɗokum gən ko də midi ɓa, pay nan ade na vas ɓa, say wənna wəppan wəsban Maŋgəlva dəde gən dabəŋ, ɗəf mambray bo wade, an məs məɗiyən nawza,

⁴wazelen an məs ɗii adasbanən pakə, wazelen an məs ɗii adawlaŋ na Salali pakə, wasok zən vi kawray gən wənnəs pakə, wambat ha adəv gəla metiŋ naw zuliya* kawsan adak də wəɗi zən va Maŋgəlva.

⁵Kəɗumonən ɓa sa? Nənah sukumək wənnan pak daga nədawsaw də munokum.

⁶Kəsənənək məs dədaw takən daɗɗa kakaŋka. Amma an pay məs dəslə agapka, ɗəf mbrayen warban zəni.

⁷Sembe naw ɓoŋgo də wən məɗama pakə, tayəɗɗaŋ wəza ko kakaŋka. Amma zəga məs dədaɗɗa, agəɗ na ɓa, say an məzutakən daɗɗa azarka, asna wagəɗə.

⁸Ɗərɓagan kana, ɗəf mbrayen nak warban zən kana. Amma Zezu Ɗəfdaya nam wabay də əmpəs na mani, wazani pay adarban zən də wəziya nani.

⁹Ɗəf mbrayen nak wade də sembe na Satan, wagəɗ wəza diiɗa dit sokeneɗ net tepelkeɗi.

¹⁰Wambəɗet ɗii məzet pakə də sokeneɗ nan mbreyitiŋki. Ɗii wazaŋgə vi dətafən goŋga məs nawkoh git ɓa.

¹¹Vini Maŋgəlva aslən sit sembe naw mbəɗeti, vi dətafən gən tepelke.

¹²Amma ɗii məs dətafən goŋga ɓa, wanekenən zit də mambraya, kawtawi kita aketi.

¹³Milmiŋgiɗwa pay pak mənam tatəɗɗa soko sən Maŋgəlva vikum, annokumi. Ɗəfdaya aŋgələ, Maŋgəlva awel kumko vi kəsoŋ gən kana koh dabəŋ. Wakəkohoŋ vi Əmpəs na Maŋgəlva tayəɗɗa wəza amkrokum, vi kətafənək goŋga nani.

¹⁴Məpel sukumək labara neneke. Dəni Maŋgəlva ayukum ka kərəhaŋ gən haran nokum adəv gakdak na Ɗəfdaya nam Zezu Krestu.

¹⁵Vi wənnəski kana, munokum milmiŋgiɗwa, məmpa tulkum adəvən, məɗi wən məs mərban sukum də letərəŋ akokum.

¹⁶Maŋgəlva Affəmə aŋgələməka apsəmək zəga nawga an naw san ha faɗə, asɓanək makram pay pak də mbəlembəle nani. Maŋgəlva də Ɗəfdaya nam Zezu Krestu

¹⁷dəzɓanən makrokum, də wapsukum sembe nawpelin də wəɗɗa an mogoni.