Read Gidar 1 Timote 4 Bible Online

1 Timote 4 - Gidar bible

1 Timote 4

¹Əmpəs na Maŋgəlva anahək kotakə, gu'o aza wəgrak na dələv na ɗii meɓɓet wəppanən wətaf neti, wapprəmən ma əmpəs məs nawzet ɗii yi, də zəga nawsən na Satan.

²Wasbetin məzu zetin ɗii dit matakatakeɗi məwaŋ tepelkeɗi. Makret məwaŋ tepelke vet amtəka, va təbəs məhəsən ampeke.

³Tahəŋ wətekin ɗii daw ɗi gulku. Tahəŋ wətekin dawzəm zəga temtemi. Amma Maŋgəlva azəməɗ zəgas pak na viyit ɗii dətafən Krestu dit ɗii dəsənən goŋga dəzəmən gən də wəɗɗa soko sən Maŋgəlva.

⁴Zəga məs Maŋgəlva azəməɗ pak mogoni, mbrayen taya zan ɓa, an mətafək də wəgəɗ sən soko.

⁵Vi wəpel na Maŋgəlva də wəzuli wakpaŋgan salala.

⁶An kərbanək wənnəŋ sit milmiŋgiɗko, asna məgəɗ wəza na Krestu mogon kənani, vasna istatərban na, istatə zəm gən zeŋgillok də wəpel na Maŋgəlva də wətafa də zəga nawsən an də goŋga, an məs kərma wənnan də sembe.

⁷Amma wənna mamba ɗar mekeleŋ na, an va məs məduwilɗeŋge adawpeleŋ, say ataɗ zuk səzeti. Ataɗ zuk adəv geslne na Maŋgəlva.

⁸Wəɗi ki zə ɗəffa wətər wəray nan suɗikeyi, amma geslne na Maŋgəlva watər wəray ko aza zəga pakə. Wapsəm zeŋgille kakaŋka, də adəv pay məs dədazani.

⁹Ndəni kan wən an də goŋga vi ko naway dətafə gəni məza də kuzuŋ ɓa.

¹⁰Vini kan mədaɗɗa wəza, mədawgay də wənnani, vini mədaɗi wəɗum nawrəh wəkoh aza Maŋgəlva məs madarani. Ndəni nawkoh git ɗii pakə, ɗiiyen nawkoh git day bo məs dətafən Krestu.

¹¹Asəɓ sit ɗii məs dətafaŋ də wərban sit wənnani.

¹²Ɗəf adawgusok vi kəsok muzliya ɓa. Asok azet ɗii məs dətafaŋ pak va zəga narban sit tive, də wəpele də wəza də wəŋgla gəm də wətaf an məza də mambray ɓa.

¹³Say agay də wəŋɗan sit ɗerewelɗe na Maŋgəlva də wəpelsiti, də wərban sit abet pak daw guwa.

¹⁴Kədawzla ki an Əmpəs na Maŋgəlva apsuk daga məpel wənnet məs kleŋɗe akok dit kretiyenɗe ayukun aka wəza, də ɗii gugiriɗ net kretiyenɗe aɗiyən vet akokəŋka, kədapan wənnan ɓa.

¹⁵Agay sən wəza nan zuk soksoku. Vi ko naway pak dula gən va kədadok abe abe.

¹⁶Azi zuko, azi zuk aza zəga məs kədarbani. An kəsbanək wəɗɗan mogoni, wakəkoh gən ki zuko, dit ɗii məzapprəmən wən nok pakə.