Read Gidar Titus 1 Bible Online

Titus 1 - Gidar bible

Titus 1

¹Əntə Pol, məgəɗ wəza na Maŋgəlva, masləŋ na Zezu Krestu. Məpsumi tive, ka nəkegin ɗiiyen məs Maŋgəlva aweliŋ aka wətafa, də wərban sit wən an gesiŋ ndəni sədəv wənna Maŋgəlva.

²Vi dəsaŋ gən də wəɗum na, zeŋgille nasuwa ha faɗə, an məs Maŋgəlva məza awa tepelke ɓa aɗiyə, daga məɓəlli wəɗɗa zigeɗ tagay ɓa.

³Amma arbanək wəpel nan suwa adəv pay məs dəslə də wərban wənnani. Maŋgəlva məzukoh gəm dəpsu tive də wəɗi su wənnani ndəni nədaw pel wənnani.

⁴Suki nədawver letərəŋka Titus, wətu an gesiŋ gesiŋ də wətafa. Maŋgəlva Affən, də Zezu Krestu məzukoh gəmə dəpsukun mbəlembəle də zamə.

⁵An nəppok sən a Kereta na, vi kəzaɓan gən wən məs dəpələ, va nəɗɗisuk wənnani, aɗi ɗii gugiriɗ net kretiyenɗe awalaŋ gəla pakə. Aɗumon an məs nərbə suko:

⁶Daya net kretiyenɗe, say dəsan ɗəf məs tay də wən akan ɓa, dət guluk taka, an kirin tahəŋ, dəsoŋ məzutafaŋ, adosoŋ məɓoŋgit ɓa də wədaw mbrayen ɓa, məza apprəmaŋ ɓaɓa.

⁷Məzutaɗa net kretiyenɗe, dəsan ɗəf məza də wən akan ɓa, vi ndəni məzuzaɓan wənna Maŋgəlva, məza adaw san ɗəf məzu kaɓ ɓa, məs adawda gədəv ɗar ɗar ɓa, adawsan məs mbazla adawbay ɓa, ɗəf məzəw gay dit ɗii ɓa, ɗəf məza awsim riba mbrayen ɓa.

⁸Amma dəsan ɗəf mətaf melekeɗ annanda, ɗəf məŋgəl mogoni, ɗəf məs maɗulani, ɗəf təstəs, ɗəf məs makran barə, məzərma zən sədəv mambraya.

⁹Ɗəf məzərma wənna Maŋgəlva an məs asənə, vi dəsan gən ɗəf məs dəsən wəpel wənna Maŋgəlva, sit ɗiiyi də goŋga va an məs mərbani, də wəhãye məzu bayaŋ ma.

¹⁰Vi ɗii tahəŋ diiɗa vadaysa net bo suwalaŋgi Yahudiyenɗe məs dətubiyaŋ, məɓoŋtiŋ məzu mbəɗetin ɗiiyəŋ də wən ɗar mekeleŋ.

¹¹Asuk meti, tahəŋ wəray gitin ɗii də gəla net pakə, tahəŋ wərbaŋ wən sit ɗii məza tay mogon ɓa, vi karəh riba mbrayen.

¹²Ɗəf taka səmbeti, məs kleŋ neti amna: Ɗii na Kereta məs tepelkeɗiŋ faɗə, zigeɗ mamayeɗ mbreyittiŋ, zigeɗ ɗəɗerɗe məzə aɗumoŋ aka wəzəm kaaka'ə.

¹³Ya saydawa nan gesiŋgi. Vi vaski ahayẽt də sembe, vi dəsoŋ gən də wətaf an təstəssə,

¹⁴məza məɗumoŋ aka mamba net Yahudiyenɗe ɓa, dit ma henziŋɗe net ɗii məs na ɓoŋgitin ɗii səka goŋga ɓa.

¹⁵Zəga pak mogoni, azet ɗii məs də makret barə, amma azet ɗii mbreyiti dit ɗii məs dətafaŋ ɓa. Zəga pak taya zet salala ɓa. Vi maɗuleti də kpukpum na makreti arayka.

¹⁶Tahəŋ wəɗɗaŋ saydawa na asənənək Maŋgəlva, amma wəza net tayərban na, azlabaŋgək səzani, daryawɗeŋ məɓoŋgitiŋ, dəgapaŋ naɗɗaŋ wəza mogon ko taka ɓa.