Read Gidar 2 Piyer 1 Bible Online

2 Piyer 1 - Gidar bible

2 Piyer 1

¹Letərəŋka səza Simoŋ Piyerri, balami ndəni masləŋ na Zezu Krestu. Azet ɗii məs dərəhaŋ wətaf an mogon vanamə. Də əŋgla na Maŋgəlva namə, gəm də Zezu Krestu kərəhəni.

²Mbəlembəle dənzlər sukum də wəsən Maŋgəlva gəm Zezu Ɗəfdaya namə.

³Maŋgəlva apsəmək sembe nan metiŋgini, vi mədaw sam də wəray na zəga maɓɓan adəv əsuwa nam də ətaf ɓa. Apsəmək də wəsənən, ndəni ayəm məsap gən dəndən adəv gakdak nani də mogoni.

⁴Va annah wapsəmə, akpaŋ səmək zəga metiŋgin mogon diiɗa. An kətafənək an məs annah sukum, wa kəkoh gənən wəsim zəga məs nadəv dələvəŋka, wakərəhaŋ wətoŋ adəv wəsuwa na Maŋgəlva.

⁵Vi vaski məsok zukum vi ətaf nokum dərban gən zəga mogon də əsənna,

⁶də ərma zə ɗəffa də əsok zə ɗəffa də əɓe sən Maŋgəlva,

⁷də əŋgla net milmiŋgiɗən də əŋgla na Maŋgəlva.

⁸Aslək kəsoŋ gən də zigeɗis pak azokum. An tahəŋ azokum diiɗa vaska, wakpaŋgokumən kəsokən gən zukum kəmbataŋ gən abe abe də əsən Ɗəfdaya nam Zezu Krestu.

⁹Ko naway məs tay də zemvit zigeɗis ɓa, awəl na faraɗa ɓa, nan tay va daŋgar, asgətək ki məskoɓ sən mambray nani.

¹⁰Vi wənnəski milmiŋgiɗwa məsok zukum məsuwaŋ də sembe aza iya an Maŋgəlva ayuməŋka də an məs awelkum. An kəsuwaŋgək də sembe vaska kəsbəraŋ na adəv mambray ɓa.

¹¹Vaski bo Maŋgəlva apsukumək tive mogon nawtoŋ adəv məlĩ nan məza agrak ɓa na Ɗəfdaya nam Zezu Krestu məzu koh gəmə.

¹²Vi wənnəski nəppana wəɗumon sukum wənnan ɓa, ko də kəsəŋgən wənnan pakə, dəkəsoŋ də sembe adəv goŋga məs kərəhaŋ pakə.

¹³Amma nəɗumonək na mogoni an əntat aka dəlvəŋka, wanə məs wəfɗohokum.

¹⁴Nəsənka naw pay naw go'oy nawɗaka, va Ɗəfdaya nam Zezu Krestu arbansuwa.

¹⁵Amma wanəsok zuwa vi kaɗumon sukum wənnəs pay pak dərɓaga əmta nawa.

¹⁶Də wənna labara net ɗiiyi ɗar mədarban sukum pay naziya na Ɗəfdaya Zezu Krestu məs də gakdak ɓa. Amma mulak gakdak nan də haramə.

¹⁷Nam karami daga Maŋgəlva Affən apsən gakdak metiŋgini. Maŋgəlva məs də gakdak metiŋgin də wənah sən na: Aŋki Wətu məs nəŋgələ, dəndəni nəda neken zuwa.

¹⁸Mənam sən kiyəm məpprəmək wəlla məs dəde sə disiŋ, daga mədawsam aka gərəm salala dəndən.

¹⁹Apsəmək sembe nataf wən an məs kleŋɗe apeleŋ. Məgəɗ mogon də wəzi zukum azani vi tay va pitirla məza kasak atəki məs guzli asani, ha gap aza wədaŋ təkiya gəm baŋgay naba pumpum də kasak gən amakrokum.

²⁰Dabəŋ nani məsəŋ wənnani: Ɗəf tay də wəɗum nan sən kiyən naw ɓap əboton wənna kleŋ nadəv ɗerewel ɓa.

²¹Vi kleŋ dəde ɗaah səza wəŋgla na ɗəf ɓa, amma Əmpəs Salala dədawkol meti, dəpelin gən an Maŋgəlva annah siti.