Read Gidar 2 Zaŋ 1 Bible Online

2 Zaŋ 1 - Gidar bible

2 Zaŋ 1

¹Letər nawi, in ɗəf daya, nəslənək azat ɗak akən nəŋgəl diiɗa, dit kirtət pakə. Əntə nəŋgulukum kaaka katərgu ɓa, amma dit ɗii məs dətafən goŋga pakə.

²Vi goŋga tay san də mənam ha faɗə.

³Maŋgəlva Affəmə, də Zezu Krestu Wətəni dəpsəmən mbəlembəle də əviyan mambraya, də mogon də zamə, vi məsap gən də goŋga də əŋgla.

⁴Makraw neki sawɓa vi kirtuk tahəŋ wəsbanən goŋga, va dawka məs mətaf səza Affəni.

⁵Ɗakə nəŋgəlukuk sawɓa, ndəni nədakamoko məŋglu səm zəmə. As bo dawka meleketen nəver ɓa: Dawka məs mərah daga wətəŋ nan nakki.

⁶Əsban dawka na Maŋgəlva pay pak na, ndəni əŋgla məs nədaw nah sukum wənnani. Ndəni bo dawka məs kəpprəmaŋ daga wətəŋ nani; məsoŋ adəv əŋgla.

⁷Məwaŋ tepelkeɗ tahəŋ ko aŋga pakə. Dəŋgereŋ ətafən na Zezu Krestu adek də gəɓa zənni ɓa. Ndəni kan mədawsən məwə tepelke də məzuzel na Krestu.

⁸Məzi zukum vi kədaw zanən wətər wəray na wəza nam vikum ɓa, amma kərəhaŋ gən riba nan pak məs Maŋgəlva aɗi vikum.

⁹Ɗəf məs asban an məs Krestu adarban ɓa, ɗəf məs dəmzla səza wənnani wəsler nan tay də Maŋgəlva ɓa. Amma ɗəf məs dədasban zəga məs Krestu arbani: nan wəsler də Affəni gəm də Wətən pakə.

¹⁰An ɗəf adek annokumda məza də wənnaŋ ɓa, kədaw tafən annokumda ɓa ko wəsɗan ɓa.

¹¹Ɗəf məs dətaf wəsɗan pak nan asapək dəndən də wəza nan mbrayenəŋka.

¹²Wən tay diiɗa məs nədaŋgla wənah sukum, amma nəŋgəl na əverin əmpa aka ɗerewel də iŋkile nan ɓa, amma əntatə ɗum nawmbat annokumda, məpel gən mam də mamə, vi məsam gən zam də neneke.

¹³Kirtət məlmuk məs Maŋgəlva awel nakə, asɗokunko.